Kontent qismiga oʻtish

Aleksandra Ovchinnikova

Vikipediya, ochiq ensiklopediya
Aleksandra Yakovlevna Ovchinnikova
 Yoqut Avtonom Sovet Sotsialistik Respublikasi Oliy Kengashi Prezidiumining 6-raisi
Mansab davri
1963-yil mart – 1979-yil dekabr
Avvalgisi Mariya Nartaxova
Keyingisi Yevdokiya Goroxova
Shaxsiy maʼlumotlari
Tavalludi 7-yanvar 1915-yil
Tyalykin naslegi, Marxin ulusi, Yakutsk viloyati
Vafoti 8-iyun 2009-yil(2009-06-08)
(94 yoshda)
Yakutsk
Fuqaroligi

SSSR bayrogʻi SSSR

Rossiya bayrogʻi Rossiya
Siyosiy partiyasi KPSS
Taʼlim YDU (1959)
Mukofotlari

Aleksandra Yakovlevna Ovchinnikova (7-yanvar 1915-yil, Tyalykin naslegi, Marxin ulusi, Yakutsk viloyati — 2009-yil 8-iyun, Yakutsk) — sovet partiya rahbari, davlat arbobi, Yoqut Avtonom Sovet Sotsialistik Respublikasi Oliy Kengashi Prezidiumi raisi, RSFSR Oliy Kengashi Prezidiumi aʼzosi va Prezidium raisi oʻrinbosari (1963—1979).

Biografiyasi[tahrir | manbasini tahrirlash]

Aleksandra Ovchinnikova 1915-yil 7-yanvarda Yakutsk viloyatining Marxin ulusining Tyalikin naslegida tugʻilgan[1]. 1934-yilda yoʻl texnikumini tugatgach, Suntar—Kempendyay yoʻli qurilishida ishlay boshladi[1]. 1935-yildan 17 yil davomida Yoqut Avtonom Sovet Sotsialistik Respublikasi Xalq Komissarlari Soveti qoshidagi Avtomobil yoʻllari boshqarmasi maʼmuriyatida ishlagan. 1953-yilda KPSS Markaziy qoʻmitasi qoshidagi Xabarovsk Oliy partiya maktabini tugatgandan soʻng, Yoqut Avtonom Sovet Sotsialistik Respublikasi Vazirlar Kengashining buyrugʻi bilan Kengashning yoʻl xoʻjaligi, transport va aloqa guruhining boshligʻi, soʻngra KPSS Yoqut shahar qoʻmitasining sanoat va transport boʻlimi boshligʻi etib tayinlangan. Uch yildan soʻng Sovet Ittifoqi Kommunistik partiyasi shahar qoʻmitasining kotibi, keyin ikkinchi kotibi etib saylangan. 1959-yilda Yoqut davlat universiteti tarix fakultetining sirtqi boʻlimini tamomlagan. 1963-yil 14-yanvarda Yoqut Avtonom Sovet Sotsialistik Respublikasi Oliy Kengashi Prezidiumi raisi etib saylandi. Oʻsha yilning 15-martida lavozimiga kirishadi. Shu bilan birga, Aleksandra Ovchinnikova Prezidium aʼzoligiga kiritiladi va RSFSR Oliy Kengashi Prezidiumi Raisining oʻrinbosari etib tayinlandi[2][3][4][5][6][7]. Aleksandra Ovchinnikova Yoqut Avtonom Sovet Sotsialistik Respublikasi Oliy Kengashining oltinchi—toʻqqizinchi chaqiriq deputati, RSFSR Oliy Kengashining oltinchi—toʻqqizinchi chaqiriq deputati, KPSSning XXIII, XXIV, XXV syezdlariga delegat etib saylangan. 1980-yildan 1991-yilgacha Aleksandra Ovchinnikova mehnat faoliyatini SSSR Fanlar akademiyasi Sibir boʻlimi Yoqut ilmiy markazining Til, adabiyot va tarix institutida olib borgan[1]. Institutda ishlagan paytida „Yakutsk viloyati partiya tashkiloti sanoat ishlab chiqarishi samaradorligini oshirish uchun kurashda (1966—1980)“ kitobini yozadi.

1991-yilda nafaqaga chiqqan[1]. 2009-yil 8-iyunda vafot etgan[8].

Mukofotlari[tahrir | manbasini tahrirlash]

Manbalar[tahrir | manbasini tahrirlash]

Adabiyotlar[tahrir | manbasini tahrirlash]