Avstriyada turizm
Avstriyada turizm mamlakat iqtisodiyotining muhim qismini va Avstriya yalpi ichki mahsulotining deyarli 9 foizini tashkil qiladi[1]. Avstriyada har olti aholiga bittadan mehmon toʻgʻri keladi, shuningdek, u Iqtisodiy hamkorlik va taraqqiyot tashkilotida turizmdan keladigan eng yuqori daromadga ega mamlakat hisoblanadi. 2007-yil holatiga koʻra, Avstriyada hech boʻlmaganda bir tun tunab qoluvchi sayyohlarning umumiy soni yoz va qish mavsumida bir xil boʻlib, eng yuqori choʻqqilarga fevral va iyul/avgust oylarida erishiladi[1].
2007-yilda Avstriya xalqaro turistik tushumlar miqdori boʻyicha 18,9 milliard AQSh dollari bilan dunyo boʻyicha 9-oʻrinni egalladi[2]. Xalqaro turistlar soni boʻyicha Avstriya 30,8 million sayyoh bilan 12-oʻrinni egalladi[2].
Eng koʻp tashrif buyuriladigan hududlari
[tahrir | manbasini tahrirlash]Vena shahri yozda ham, qishda ham sayyohlarning asosiy qismini jalb qiladi[1]. Zalsburg yozgi mavsumda 2-oʻrinni egallagan holda Vena bilan solishtirganda kamida bir kecha tunab qoluvchi sayyohlarning taxminan beshdan bir qismiga mezbonlik qiladi[1]. Qish mavsumida Avstriyaning gʻarbiy qismidagi bir qator qishki sport kurortlari tungi sayyohlar soni boʻyicha Zalsburgni ortda qoldirib ketadi: Sölden, Saalbach-Hinterglemm, Ischgl, St. Anton am Arlberg va Obertauern[1].
Avstriyaga tashriflar asosan St. Stephen soborida ibodat qilish, „Heurigen“ (sharobxona)ga borish va romantik Vals musiqasi tadbirlarida qatnashish maqsadida Vena shahriga boʻlgan sayohatlarni oʻz ichiga oladi. Boshqa tashrif buyurishga arziydigan manzillar qatoriga Mozartning tugʻilgan joyi Zalsburg, Alp togʻlari bilan oʻralgan Tirol poytaxti Insbruk, Avstriyaning eng yirik sobori va zamonaviy madaniy diqqatga sazovor joylariga ega Yuqori Avstriyaning poytaxti Lins va Vachau, Melk hamda Krems oʻrtasida joylashgan Dunkelsteinerwald kabi uzumzorlarga ega Dunay vodiysini ham qoʻshishimiz mumkin. Mamlakatning gʻarbiy qismi Vorarlberg viloyati Boden koʻliga, sharqiy qismi Neusiedler Seegach yetib boradi. Avstriyaning eng koʻp tashrif buyuriladigan uchta diqqatga sazovor joylari Schönbrunn saroyi (yiliga 2,590,000 tashrif buyuruvchi), Tiergarten Schönbrunn (2,453,987 tashrif buyuruvchi) va Mariazell Basilicadir (1,500,000 tashrif buyuruvchi)[3].
Sport va tabiati
[tahrir | manbasini tahrirlash].jpeg)
Alp togʻlaridagi Avstriyaning changʻi, piyoda sayr qilish va alpinizm kurortlari, shuningdek, oilaviy dam olish joylari (masalan, Tiroldagi Witches’s Water) katta turistik ahamiyatga ega. Xuddi shu narsa Avstriyaning koʻplab koʻllar (masalan Zalsburg yoki Wörthersee sharqida Salzkammergutdagi Wolfgangsee va boshqa koʻllar) va qal’alariga ham tegishli. Vorarlberg va Tirol boʻylab choʻzilgan Ski Arlberg Avstriyadagi eng katta changʻi hududi va dunyodagi eng katta beshta changʻi kurortidan biri hisoblanadi[4].
Sanʼat va madaniyat
[tahrir | manbasini tahrirlash]Media sanʼatiga qiziqqan tashrif buyuruvchilar uchun Linsda Ars Electronica markazi mavjud. 1979-yildan buyon ushbu markaz Ars Electronica festivalini uyushtirib keladi va media sanʼati uchun jahon boʻylab eng yuqori darajadagi Prix Ars Electronica mukofotini taqdim etdi[5].
Xalqaro miqyosda tanilgan yillik tadbirlar
[tahrir | manbasini tahrirlash]| Nom | Manzil | Sana | Tavsif |
|---|---|---|---|
| Bregenzer Festspiele | Bregenz, Vorarlberg | iyul/avgust | Opera festivali |
| Vena yangi yil konserti | Vena | 1-yanvar | Klassik musiqa yoʻnalishida anʼanaviy konsert |
| Internationale Gartenbaumesse Tulln | Tulln, Quyi Avstriya | avgust oyining oxiri | Bogʻdorchilik savdo yarmarkasi, Yevropaning eng katta gullar koʻrgazmasi |
| Vena opera bali | Vena | Nasroniy dinlarida roʻza tutishning muqaddas kuni boʻlgan chorshanba kunidan oldingi payshanba | Bal |
| Salzburg festivali | Zalsburg | iyul/avgust | Opera festivali |
| Donauinselfest | Vena | iyun oyining oxiri | Dunyodagi eng katta, kirish bepul boʻlgan ochiq musiqa festivali |
| Viennale | Vena | oktyabr | Kino festivali |
| Ars Electronica festivali | Lins, Yuqori Avstriya | sentyabr | Texnologiya va yangi media sanʼatiga bagʻishlangan festival, jumladan seminarlar, muhokamalar va maʼruzalar boʻlib oʻtadi |
| Hahnenkamm poygasi | Kitzbühel, Tirol | yanvar | Changʻi poygasi |
| Life Ball | Vena | iyun | OIV va OITS haqida maʼlumot beruvchi tadbir |
Mamlakatlar boʻyicha tashriflar
[tahrir | manbasini tahrirlash]Avstriyaga qisqa muddatga kelgan sayyohlarning aksariyati quyidagi millat vakillaridir[6]:
| No. | Mamlakat | 2014-yil | 2015-yil |
|---|---|---|---|
| 1 |  Germaniya
|
11,750,027 | 12,134,836 |
| 2 |  Niderlandiya
|
1,671,581 | 1,734,453 |
| 3 |  Shveysariya
|
1,309,660 | 1,400,251 |
| 4 |  Italiya
|
1,051,490 | 1,122,936 |
| 5 |  Buyuk Britaniya
|
802,552 | 875,664 |
| 6 |  Xitoy
|
497,925 | 715,119 |
| 7 |  Chexiya
|
660,086 | 711,351 |
| 8 |  AQSh
|
632,512 | 708,233 |
| 9 |  Fransiya
|
516,770 | 517,708 |
| 10 |  Belgiya
|
514,264 | 514,329 |
| 11 |  Vengriya
|
493,055 | 501,595 |
| 12 |  Polsha
|
425,730 | 456,615 |
| 13 |  Ispaniya
|
309,794 | 348,768 |
| 14 |  Daniya
|
264,704 | 331,507 |
| 15 |  Rossiya
|
467,565 | 313,406 |
| 16 |  Janubiy Koreya
|
234,557 | 277,032 |
| 17 |  Ruminiya
|
264,704 | 275,806 |
| 18 |  Yaponiya
|
245,306 | 236,621 |
| 19 |  Shvetsiya
|
205,501 | 224,258 |
| 20 |  Slovakiya
|
176,760 | 194,186 |
| Jami xorijiy tashrif buyuruvchilar | 25,291,371 | 26,718,945 | |
Viloyatlarning taxalluslari
[tahrir | manbasini tahrirlash]- Burgenland — Avstriyaning quyoshli tomoni
- Karintiya — Yashash quvonchi
- Quyi Avstriya — Oʻzingizni tirik his eting!
- Yuqori Avstriya — ?
- Zalsburg — Dunyo sahnasi
- Shtiriya — Avstriyaning yashil yuragi
- Tirol — Alp togʻlarining yuragi
- Vena — Hozir. Abadiy.
- Vorarlberg — Tabiatdagi sheʼriyat[7]
Manbalar
[tahrir | manbasini tahrirlash]- ↑ 1,0 1,1 1,2 1,3 1,4 „TOURISMUS IN ÖSTERREICH 2007“ (olmoncha) (PDF). BMWA, WKO, Statistik Austria (2008-yil may). 2008-yil 18-dekabrda asl nusxadan arxivlangan. Qaraldi: 18-noyabr 2008-yil.
- ↑ 2,0 2,1 „UNTWO World Tourism Barometer, Vol.6 No.2“ (PDF). UNTWO (2008-yil iyun). 2008-yil 19-avgustda asl nusxadan arxivlangan. Qaraldi: 18-noyabr 2008-yil.
- ↑ „Die wichtigsten Sehenswürdigkeiten in Österreich“. 30-may 2009-yilda asl nusxadan arxivlangan. Qaraldi: 7-may 2010-yil.
- ↑ West. „Die Wiege des alpinen Skilaufs“ (olmoncha). Ski Arlberg, Pool West. Qaraldi: 16-sentabr 2019-yil.
- ↑ „Ars Electronica“ (inglizcha). Ars Electronica. Qaraldi: 16-sentabr 2019-yil.
- ↑ Tourismus in Österreich 2015
- ↑ „Holidays in Vorarlberg Austria - Official Travel Guide & Tourist Information“ (inglizcha). Urlaub in Vorarlberg. Qaraldi: 16-sentabr 2019-yil.
Havolalar
[tahrir | manbasini tahrirlash]- Avstriya milliy sayyohlik idorasining rasmiy sayti (Wayback Machine saytida 2019-09-01 sanasida arxivlangan)