Kontent qismiga oʻtish

Chancel Mbemba

Vikipediya, erkin ensiklopediya
Chancel Mbemba
Mbemba 2014-yilda Anderlecht safida oʻynamoqda
Shaxsiy maʼlumot
Toʻliq ismi Chancel Mangulu Mbemba[1]
Tavallud sanasi 8-avgust 1994-yil (1994-08-08) (30 yosh)[2]
Tavallud joyi Kinshasa, Zaire
Boʻyi 1.82 m[3]
Ampluasi Himoyachi
Klub maʼlumoti
Joriy klub
 Marseille
Raqami 99
Yoshligida aʼzo boʻlgan klublar
2006—2007 E.S. La Grace
2007—2008 Mputu
2008—2012 FC MK Etanchéité
2012—2013 Anderlecht
Professional faoliyati*
Yillar Jamoa Isht. (Gol.)
2013—2015 Anderlecht 63 (6)
2015—2018 Newcastle United 54 (1)
2018—2022 Porto 87 (5)
2018—2019 Porto B 2 (0)
2022— Marseille 14 (1)
Milliy terma jamoa
2012— Kongo Demokratik Respublikasi 66 (4)
*Professional klublardagi gollari (ichki chempionat)
(6-noyabr 2022-yil (utc) uchun)

Chancel Mangulu Mbemba (talaffuzi: Shansel Mangulu Mbemba; 1994-yil 8-avgustda tugʻilgan) — kongolik professional futbolchi. U Ligue 1 klubi Marseille va Kongo Demokratik Respublikasi terma jamoasida himoyachi sifatida oʻynaydi.

Mbemba professional faoliyatini Anderlechtda boshlagan va klub bilan 2013—2014-yilgi debyut mavsumida Belgiya Pro-ligasida gʻolib chiqqan. Bir yil oʻtgach, Mbemba Newcastle Unitedga oʻtdi, u yerda Premyer-ligada oʻynadi va klub bilan 2017-yilda EFL chempionligini qoʻlga kiritdi. U Portoda oʻtkazgan toʻrt yili davomida klub 2020— va 2022-yillarda Primeira Liga hamda Taça de Portugal kabi muhim turnirlar gʻalabasini qoʻlga kiritdi.

2012-yildan beri Kongo Demokratik Respublikasi milliy terma jamoasining a’zosi bo‘lgan Mbemba terma jamoasida 60 tadan ortiq oʻyin oʻtkazgan, mamlakatni toʻrtta Afrika millatlar kubogi turnirida himoya qilgan va unda 2015-yilda jamoasi bilan uchinchi oʻrinni qoʻlga kiritgan.

Yoshligi

[tahrir | manbasini tahrirlash]

Mbemba Kinshasada, toʻqqiz farzandli oilada tugʻilib oʻsgan. Uning onasi Antoinette Kongo Demokratik Respublikasi vakili boʻlgan sobiq basketbolchidir[4][5].

CNNning 2013-yilgi hisobotiga ko‘ra, Mbembaning tug‘ilgan sanasi to‘g‘risida hujjatlarda 1988-yildan 1994-yilgacha bo‘lgan to‘rtta turli sana qayd etilgan. Futbolchining o‘zi 1990-yilda tug‘ilganini aytgan. Kongo Futbol Federatsiyasining nomi oshkor qilinmagan a’zosi esa, Mbembaning tug‘ilgan sanasi 1991-yilga o‘zgartirilganini ma’lum qilgan. Buning sababi, o‘yinchilar 23 yoshdan kichik bo‘lishi talab qilinadigan 2012-yilgi Olimpiada o‘yinlarida qatnashish huquqiga ega bo‘lish edi[6]. Newcastle bilan shartnoma imzolagandan soʻng, Mbemba 1994-yilda tug‘ilganini va buni tasdiqlovchi sud-tibbiy dalillari mavjudligini ta’kidlagan[7].

Klubdagi faoliyati

[tahrir | manbasini tahrirlash]

Anderlecht

[tahrir | manbasini tahrirlash]

Mbemba Kinshasadagi ES La Grace va FC MK Etanchéité kabi bir qancha klublarda yoshlar futboli bilan shugʻullangach, 2012-yilda Belgiyaning Anderlecht klubiga qoʻshildi[4]. Klubga oʻtgandan soʻng, u asosan Anderlechtning zaxira hamda yoshlar jamoalarida oʻynadi va yoshi kattaroq ekanligi haqidagi mish-mishlarga barham berish uchun suyaklarini skanerlashni soʻradi[6].

2013-yil 21-iyulda Anderlecht jamoasi Genk ustidan 1:0 hisobida g‘alaba qozonib, Belgiya Superkubogini qo‘lga kiritgan o‘yinda Mbemba zaxirada o‘tirdi, biroq maydonga tushirilmadi[8]. U bir hafta oʻtgach, Belgiya Pro-ligasi mavsumining ochilish oʻyinida, Lokerenga qarshi 3:2 hisobidagi magʻlubiyat bilan kechgan mezbonlik oʻyinida klub safidagi debyutini qildi[9]. Mbemba 18-oktyabr kuni Mons ustidan 2:0 hisobida gʻalaba qozongan oʻyinidan boshlab, ligada jami 35 ta oʻyinda 5 ta gol urdi va bu ligada oyning eng yaxshi oʻyinchisi boʻlishiga hissa qoʻshdi[10].

Mbemba 2014-yilda Belgiya Superkubogida oʻynagan va Lokerenga qarshi kechgan ushbu uchrashuvda jamoasi bilan 2:1 hisobida gʻalaba qozongan. 2014—2015-yilgi mavsumda u 28 ta oʻyinda maydonga tushdi, Anderlecht ligada uchinchi oʻrinni egalladi va finalda Bruggega 1:2 hisobida yutqazgani sababli 2014—2015-yilgi Belgiya kubogida ikkinchi oʻringa sazovor boʻldi[11].

Newcastle United

[tahrir | manbasini tahrirlash]
2017-yilda Mbemba (chapda) va Chelseadan Eden Hazard

2015-yilning 26-iyulida Premyer-liga jamoasi Newcastle United Mbemba bilan shartnoma imzolaganini eʼlon qildi[12]. Toʻrt kundan soʻng u klub bilan besh yillik shartnomaga kelishib oldi[13]. Mbemba 9-avgust kuni Premyer-liga mavsumining birinchi kunida Southampton bilan 2:2 hisobida durang oʻynagan holda klubdagi debyutini qildi[14].

U klubdagi yagona golini 2017-yilning 7-may kuni Barnsleyga qarshi, oʻz uyida 3:0 hisobida gʻalaba qozongan oʻyinda kiritdi, xuddi shu kuni, Newcastle quyi ligaga tushib ketganidan bir yil oʻtib EFL chempionligini qoʻlga kiritdi[15].

Porto

[tahrir | manbasini tahrirlash]

2018-yilning 23-iyulida Primeira Liganing Porto klubi Mbembani 7,14 million funt sterlingga sotib oldi[16]. U 31-oktyabr kuni Taça da Liganing guruh bosqichida klubning Varzimga qarshi oʻz uyida 4:2 hisobida gʻalaba qozongan oʻyinida debyut qildi[17]. Toʻrt kundan soʻng Mbemba Porto Maritimo klubi ustidan 2:0 hisobida gʻalaba qozongan oʻyinning 80-daqiqasida hujumchi Yasin Braximining oʻrniga maydonga tushdi[18]; oʻsha mavsumda u yana ikkita liga oʻyinini oʻtkazdi, ulardan birida, 2019-yil 7-yanvarda Estádio do Dragaoda Nacional klubi ustidan 3:1 hisobida gʻalaba qozondi[19]. Shuningdek, Mbemba LigaProda oʻrinbosar oʻyinchilar tarkibida ikkita oʻyin oʻtkazdi[20][21].

Mbemba Portodagi birinchi golini 2019-yil 24-noyabrda urdi, oʻz uyida Vitoria de Setubalga qarshi kechgan ushbu uchrashuvda Porto 4:0 hisobida gʻalaba qozondi va bu gʻalaba uni Taça de Portugalning 1/8 finaliga olib chiqdi[22]. 7-mart kuni u birinchi marta liga o‘yinida gol urdi. Bu xuddi shu stadionda Rio Ave bilan kechgan 1:1 hisobidagi durang o‘yinda sodir bo‘ldi[23] va uning jamoasi mavsumni chempion sifatida yakunladi[24]. 2020-yilning 1-avgustida Taça de Portugal finalida Porto Benfica ustidan 2:1 hisobida gʻalaba qozongan oʻyinda hisobdagi ikkala golni ham Mbemba urdi[25].

Marseille

[tahrir | manbasini tahrirlash]

2022-yilning 15-iyulida Mbemba Marseille bilan tekinga uch yillik shartnoma imzoladi[26]. U 7-avgust kuni debyutini oʻtkazdi va uning jamoa safidagi Ligue 1 mavsumi Reims ustidan 4:1 hisobida qozonilgan gʻalaba bilan boshlandi[27]. Mbemba 20-avgust kuni jamoadagi uchinchi oʻyinida birinchi golini urdi va Marseille Stade Velodromda kechgan ushbu uchrashuvda Nantes ustidan 2:1 hisobida gʻalaba qozondi[28]. 7-sentyabr kuni u Chempionlar ligasi doirasida Tottenham Hotspurga qarshi 2:0 hisobidagi magʻlubiyat bilan kechgan oʻyinda Son Heung-minga nisbatan professional qoidabuzarligi uchun maydondan chetlatilgan edi[29].

Xalqaro faoliyati

[tahrir | manbasini tahrirlash]

Mbemba 2012-yilning 17-iyunida, Kinshasadagi Stade des Martyrs stadionida Seyshel orollari terma jamoasiga qarshi 3:0 hisobidagi gʻalaba bilan kechgan oʻyinda maydonga tushib, 2013-yilgi Afrika millatlar kubogi saralash bosqichida Kongo Demokratik Respublikasi terma jamoasi safidagi debyutini qildi[30]. Mbemba murabbiy Claude Le Royning final oʻyinchilari tarkibi aʼzosi boʻlgan, biroq finalda maydonga tushmagan[31]. U 2015-yilda Ekvatorial Gvineyada boʻlib oʻtgan Afrika millatlar kubogida uchinchi oʻrinni egallagan jamoa tarkibida boʻlgan va bronza medali uchun mezbonlarga qarshi kechgan oʻyinda penaltini amalga oshirib, jamoasining gʻalabasiga hissa qoʻshgan[32].

2015-yil 13-oktyabrda Mbemba Belgiyaning Visé shahrida Gabonga qarshi 2:1 hisobida tugagan oʻrtoqlik uchrashuvida uzoq masofadan birinchi xalqaro golini kiritdi[33]. U 2017— va 2019-yillardagi Afrika millatlar kubogiga ham qatnashdi; 2019-yildagi Afrika millatlar kubogi doirasida Misrda kechgan 16-turdagi Madagaskarga qarshi oʻyinda natijani 2:2 hisobidagi durangga aylantirgan golni boshi bilan darvozaga kiritgan, biroq uning jamoasi oʻyindan keyingi penaltilar seriyasida magʻlub boʻlgan[34].

Faoliyat statistikasi

[tahrir | manbasini tahrirlash]

Klub

[tahrir | manbasini tahrirlash]
2022-yil 9-oktyabr holatiga koʻra[35][36]:
Klub, mavsum va musobaqalar boʻyicha ishtirok va gollar
Klub Mavsum Liga Milliy kubok Liga kubogi Kontinental Boshqa Jami
Divizion Ishtirok Gollar Ishtirok Gollar Ishtirok Gollar Ishtirok Gollar Ishtirok Gollar Ishtirok Gollar
Anderlecht 2013—2014 Belgiya Pro-ligasi 35 5 0 0 — 5 1 0 0 40 6
2014—2015 28 1 2 0 — 6 2 1 0 37 3
Jami 63 6 2 0 0 0 11 3 1 0 77 9
Newcastle United 2015—2016 Premyer-liga 33 0 1 0 1 0 — — 35 0
2016—2017 Chempionat 12 1 0 0 1 0 — — 13 1
2017—2018 Premyer-liga 9 0 1 0 1 0 — — 11 0
Jami 54 1 2 0 3 0 0 0 0 0 59 1
Porto B 2018—2019 Liga Portugal 2 2 0 — — — — 2 0
Porto 2018—2019 Primeira Liga 3 0 2 0 1 0 0 0 0 0 6 0
2019—2020 26 2 6 4 5 0 5 0 — 42 6
2020—2021 27 1 4 0 1 0 10 0 1 0 43 1
2021—2022 31 2 6 0 1 0 9 0 — 47 2
Jami 87 5 18 4 8 0 24 0 1 0 138 9
Marseille 2022—2023 Ligue 1 10 1 0 0 — 2 1 — 12 2
Faoliyati jami 216 13 22 4 11 0 37 4 2 0 279 20

Xalqaro

[tahrir | manbasini tahrirlash]
2022-yil 29-mart holatiga koʻra[37]:
Terma jamoa va yil boʻyicha ishtirok va gollar
Milliy terma jamoa Yil Ishtirok Gollar
Kongo DR 2012-yil 2 0
2013-yil 2 0
2014-yil 4 0
2015-yil 14 1
2016-yil 7 0
2017-yil 11 2
2018-yil 4 0
2019-yil 10 1
2020-yil 2 0
2021-yil 8 0
2022-yil 2 0
Jami 66 4
Hisob va natijalar roʻyxati birinchi boʻlib Kongo Demokratik Respublikasining gollari sonini, hisob ustuni Mbembaning har bir golidan keyingi ochkoni koʻrsatadi.
Chancel Mbemba tomonidan kiritilgan xalqaro gollar roʻyxati[37]
No. Sana Joy Raqib Hisob Natija Musobaqa
1 2015-yil 12-oktyabr Stade de la Cité de l’Oie, Vise, Belgiya  Gabon 2-1 2-1 Oʻrtoqlik uchrashuvi
2 2017-yil 10-iyun Stade des Martyrs, Kinshasa, Kongo DR  Kongo 3-1 1-1 2019 Afrika millatlar kubogi saralashi
3 2017-yil 5-sentyabr  Tunis 1-0 2-2 2018 FIFA Jahon chempionati saralashi
4 2019-yil 7-iyul Iskandariya stadioni, Iskandariya, Misr  Madagaskar 2-2 2-2
(2-4 penalti) 		2019 Afrika millatlar kubogi

Yutuqlari

[tahrir | manbasini tahrirlash]
Mbemba (18-raqam) 2015-yil avgust oyida Newcastledagi debyutida

Anderlecht

  • Belgiya Pro-ligasi: 2013—2014
  • Belgiya Superkubogi: 2013, 2014

Newcastle United

  • EFL chempionati: 2016—2017

Porto

  • Primeira Liga: 2019—2020[38], 2021—2022
  • Taça de Portugal: 2019—2020[39], 2021—2022
  • Supertaça Candido de Oliveira: 2020[40]

Kongo DR[41]

  • Afrika millatlar kubogi bronza: 2015

Manbalar

[tahrir | manbasini tahrirlash]
  1. ↑ „Squads for 2017/18 Premier League confirmed“. Premier League (1-sentabr 2017-yil). Qaraldi: 9-sentabr 2017-yil.
  2. ↑ „Mbemba“. Olympique de Marseille. Qaraldi: 1-avgust 2022-yil.
  3. ↑ „Chancel Mbemba: Overview“. Premier League. Qaraldi: 1-avgust 2022-yil.
  4. ↑ 4,0 4,1 Thirion. „Mbemba: "Je veux marquer l'histoire d'Anderlecht"“ (fransuzcha). L'Avenir (9-noyabr 2013-yil). Qaraldi: 23-iyul 2015-yil.
  5. ↑ Douglas. „Newcastle United new boy Chancel Mbemba's remarkable back story marks him out as a future star“. ChronicleLive (23-iyul 2015-yil). Qaraldi: 23-iyul 2015-yil.
  6. ↑ 6,0 6,1 Sinnott, John; Molina, Romain. „Football's age fraud: FIFA probes player with 'four birthdays'“. CNN (4-fevral 2013-yil). Qaraldi: 30-iyun 2020-yil.
  7. ↑ „Mbemba clarifies date of birth“. FourFourTwo (13-avgust 2015-yil). Qaraldi: 30-iyun 2020-yil.
  8. ↑ Da Silva Costa, Christophe. „EN DIRECT: Déjà un titre pour les Mauves (1-0)“ (fransuzcha). 7 sur 7 (21-iyul 2013-yil). Qaraldi: 21-avgust 2022-yil.
  9. ↑ „Congo DR – C. Mbemba – Profile with news, career statistics and history – Soccerway“. Soccerway. Qaraldi: 23-iyul 2015-yil.
  10. ↑ Dosseh, Benoit. „Chancel Mbemba : le congolais élu meilleur joueur du mois d'octobre de Pro League“ (fransuzcha). Africa Top Sports (3-noyabr 2013-yil). Qaraldi: 21-avgust 2022-yil.
  11. ↑ „Club Brugge 2–1 Anderlecht“. Soccerway (22-mart 2015-yil). Qaraldi: 23-iyul 2015-yil.
  12. ↑ Newcastle United (26-iyul 2015-yil). „Chancel Mbemba Deal Moves Closer“. Press-reliz. Qaraldi: 27-iyul 2015-yil.
  13. ↑ Newcastle United (30-iyul 2015-yil). „Mbemba Joins United“. Press-reliz. Qaraldi: 30-iyul 2015-yil.
  14. ↑ Sheen, Tom. „Chancel Mbemba makes memorable entrance on Newcastle debut - arriving in a tuxedo“. The Independent (10-avgust 2015-yil). Qaraldi: 30-iyun 2020-yil.
  15. ↑ „Newcastle 3–0 Barnsley“. BBC (7-may 2017-yil). Qaraldi: 8-may 2017-yil.
  16. ↑ „Chancel Mbemba: Porto sign defender from Newcastle“. BBC Sport. Qaraldi: 23-iyul 2018-yil.
  17. ↑ Esteves Teixeira, Sofia. „Mbemba titular no F. C. Porto frente ao Varzim“ (portugalcha). Jornal de Notícias (31-oktabr 2018-yil). Qaraldi: 30-iyun 2020-yil.
  18. ↑ „Portugal : Porto et Brahimi assurent face à Maritimo“ (fransuzcha). Le Buteur (4-noyabr 2018-yil). Qaraldi: 30-iyun 2020-yil.
  19. ↑ Esteves Teixeira, Sofia. „Mbemba titular no F. C. Porto frente ao Nacional“ (portugalcha). Jornal de Notícias (7-yanvar 2019-yil). Qaraldi: 30-iyun 2020-yil.
  20. ↑ „FC Porto B-Académica, 3-0: Dragões vencem e deixam último lugar“ (portugalcha). Record (8-dekabr 2018-yil). Qaraldi: 30-iyun 2020-yil.
  21. ↑ „Mbemba, João Pedro, Marius, Bruno Costa e André Pereira titulares no FC Porto B“ (portugalcha). Record (3-mart 2019-yil). Qaraldi: 30-iyun 2020-yil.
  22. ↑ „Dragões apuram-se para os oitavos da Taça de Portugal“ (portugalcha). Correio da Manhã (24-yanvar 2019-yil). Qaraldi: 30-iyun 2020-yil.
  23. ↑ „Nervy times at the top“. The Portugal News (13-mart 2020-yil). Qaraldi: 30-iyun 2020-yil.
  24. ↑ „Juventus held by Sassuolo in thriller, Porto win Primeira Liga title“. The Guardian. Reuters (16-iyul 2020-yil). Qaraldi: 16-iyul 2020-yil.
  25. ↑ „Porto defeat Benfica to win 17th Portuguese Cup“. Yahoo! Sports. 2020-yil 8-avgustda asl nusxadan arxivlangan. Qaraldi: 2022-yil 10-noyabr.
  26. ↑ „TRANSFER WRAP: Ekitike to PSG, Mbemba to OM“. Ligue 1 (18-iyul 2022-yil). Qaraldi: 21-avgust 2022-yil.
  27. ↑ „OM: New recruits step up!“. Ligue 1 (10-avgust 2022-yil). Qaraldi: 21-avgust 2022-yil.
  28. ↑ „10-man Marseille beat Nantes on Alexis' home debut“. Ligue 1 (20-avgust 2022-yil). Qaraldi: 21-avgust 2022-yil.
  29. ↑ McNulty, Phil. „Tottenham Hotspur 2–0 Marseille“. BBC Sport (7-sentabr 2022-yil). Qaraldi: 7-sentabr 2022-yil.
  30. ↑ „Eliminatoires-Can 2013: la RDC élimine les Seychelles, 3-0“ (fransuzcha). Radio Okapi (17-iyun 2013-yil). Qaraldi: 30-iyun 2020-yil.
  31. ↑ Kobo, Kingsley. „DR Congo publish Afcon 2013 squad“. Goal (9-yanvar 2013-yil). Qaraldi: 30-iyun 2020-yil.
  32. ↑ „I knew DR Congo would win Nations Cup shootout: Chancel Mbemba“. Zee News (8-fevral 2015-yil). Qaraldi: 30-iyun 2020-yil.
  33. ↑ Waugh, Chris. „Watch Newcastle United defender Chancel Mbemba score 30-yard stunner for DR Congo“. Chronicle Live (13-oktabr 2015-yil). Qaraldi: 30-iyun 2020-yil.
  34. ↑ „Africa Cup of Nations: Madagascar beat DR Congo in shootout as dream goes on“. The Guardian (7-iyul 2019-yil). Qaraldi: 30-iyun 2020-yil.
  35. ↑ Chancel Mbemba Soccerway saytida
  36. ↑ „Chancel Mbemba“. Soccerbase. Qaraldi: 2015-yil 5-sentyabr.
  37. ↑ 37,0 37,1 „Mbemba, Chancel“. National Football Teams. Qaraldi: 10-iyun 2017-yil.
  38. ↑ „FC Porto é o campeão nacional 2019/2020“ (portugalcha). Rádio e Televisão de Portugal (16-iyul 2020-yil). Qaraldi: 21-sentabr 2021-yil.
  39. ↑ „Taça de Portugal: FC Porto conquista "dobradinha"“ (portugalcha). Deutsche Welle (2-avgust 2020-yil). Qaraldi: 21-sentabr 2021-yil.
  40. ↑ „FC Porto bate Benfica e conquista Supertaça pela 22ª vez“ (portugalcha). O Jogo (23-dekabr 2020-yil). 2021-yil 10-noyabrda asl nusxadan arxivlangan. Qaraldi: 21-sentabr 2021-yil.
  41. ↑ „2015 Nations Cup: Yannick Bolasie in DR Congo squad“. BBC Sport (9-yanvar 2015-yil). Qaraldi: 4-iyun 2020-yil. 
"https://uz.wikipedia.org/w/index.php?title=Chancel_Mbemba&oldid=5334002" dan olindi