Chavqi

„Chavqi“ folklor-etnografik ansambli
Umumiy maʼlumot
Kelib chiqishi	Bulungʻur tumani, Samarqand viloyati
Mamlakat	Oʻzbekiston
Faoliyat yillari	1986-yildan hozirgi vaqtgacha
Janr	folklor

Chavqi — Bulungʻur tumanida faoliyat yuritb kelayotgan folklor-etnografik ansambli (havaskor ijodiy jamoa). Jamoa 1986-yilda Samarqand viloyati, Bulungʻur tumanida tashkil etilgan^[1]^[2]. Jamoa xalq ijodining qoʻshiq, raqs, oʻyin shakllarini milliy urf-odat va marosimlarga bogʻlab, sahnaviy talqinini namoyish qiladi. Ansamblning hozirgi kundagi badiiy rahbari Oʻzbekistonda xizmat koʻrsatgan madaniyat xodimi Eshbek Normurodovdir^[3].

Tarixi

„Chavqi“ soʻzining etimologiyasi

„Chavqi“ soʻzi gulxan atrofida kechasi oʻynaladigan oʻyin yoki bazm hamda „kurash“, „olish“ degan maʼnolarni anglatadi^[1]^[2]. „Chavqi“ oʻziga xos etnofolklor hodisasi boʻlib, Bulungʻur, Zomin, Baxmal, Gʻallaorol, Payariq, Jomboy, Urgut tumanlarida asrlar davomida keng tarqalgan xalq oʻyinidir.

„Chavqi“ folklor-etnografik ansambli

Ansambl 1986-yilda Oʻzbekistonda xizmat koʻrsatgan madaniyat xodimi Suvonqul Abduqodirov tashabbusi bilan tashkil etilgan. Ansambl asosan xalq qoʻshiqlarini birqarsak, uchqarsak, beshqarsak, qoʻshqarsak va mayda qarsak usullarida ijro etishadi^[2]. Ansambl tomonidan „Yil boshi“, „Dehqon dala aylandi“, „Poda toʻp“, „Sumalak“, „Samarqand bozori“, „Qongtarovdi“, „Chillak“, „Quloq choʻzma“, „Beshqarsak“, „Oʻmboloq, doʻmboloq oshib oʻynaymiz“, „Choʻpon-choʻliq podachi“, „Topron“, „Xappak“, „Boʻtasalay“, „Arpa pish, bugʻdoy pish“ kabi badiiy sahnalashtirilgan maydon tomoshalari ijro etilgan^[1].

Galereya

Oʻzbek xalq shoiri, baxshi Fozil Yoʻldosh oʻgʻli tavalludining 150 yilligi munosabati bilan tashkil etilgan tadbirdagi jamoaning chiqishi
Yosh baxshilar
Oʻzbek xalq shoiri, baxshi Fozil Yoʻldosh oʻgʻli tavalludining 150 yilligi munosabati bilan tashkil etilgan tadbir
Oʻzbek xalq shoiri, baxshi Fozil Yoʻldosh oʻgʻli tavalludining 150 yilligi munosabati bilan tashkil etilgan tadbir
Oʻzbek xalq shoiri, baxshi Fozil Yoʻldosh oʻgʻli tavalludining 150 yilligi munosabati bilan tashkil etilgan tadbirda kuylayotgan baxshi
Navroʻz bayramiga bagʻishlangan tadbir
Navroʻz bayramiga bagʻishlangan tadbir
Samarqand shahridagi Navroʻz bayramiga bagʻishlangan tadbirda jamoaning chiqishi
Baxshi
Jamoa aʼzosi, baxshi Sherqoʻzi Norbekov