Dastur Nasafiy

Dastur Nasafiy
Shaxsiy maʼlumotlar
Dini	Islom
Tanilgan sohasi	shoir

Dastur Nasafiy (arabcha: دستور نسفي — Dastur Nasafiy — Toʻliq ismi: Dastur Nasafiy (Nodir) (vafoti taxminan 1690/91-yillar)) — Shoir.

Hayoti

Dastur Nasafiy ayrim sheʼrlarida Ogoh taxallusini qo‘llagan. Dastlabki maʼlumotni ona shahri Nasafda olgan. So‘ngra Buxoroda ilm olib, shu yerda yashab qolgan. Uning fazlu kamolini eshitgan Abdulazizxon (1645-80-yillar) uni o‘z saroyiga taklif etgan. U saroyda katta obro‘ va mavqega erishgan. G‘azallari va qasidalari bilan shuhrat qozongan. Ammo Subhonqulixon davrida (1680-1702-yillar) mamlakatda ro‘y bergan iqtisodiy va madaniy hayot tanazzuli tufayli ko‘pgina boshqa shoirlar qatori u ham saroydan ketishga majbur bo‘lgan. Abdulazizxonga hamrohlik qilib Makka ziyoratiga borgan. U yerdan Hindistonga kelib, Avrangzeb (1658-1707-yillar) saroyiga xizmatga kirgan. Avrangzeb uning bilimi va qobilyatini yuksak qadrlagan. Oradan ko‘p o‘tmay Kobul shahri qozisi etib tayinlangan. Ammo bir yildan so‘ng, yana markazga chaqirib olingan. U umrining oxirlarida ona yurtiga qaytib, Beshkent shahrida yashagan va shu yerda vafot etgan.