Dmitriy Panfilov

Dmitriy Ivanovich Panfilov
Tavalludi	1913-yil; Qozog'istonning G'arbiy Qozog'iston viloyati Burlinskiy tumani
Vafoti	1985-yil; SSSR Oʻzbekiston SSR Fargʻona viloyati
Fuqaroligi	SSSR
Unvoni	Sovet Ittifoqi Qahramoni
Mukofotlari	Qizil Bayroq ordeni; 1 va 2-darajali Vatan urushi ordeni; „Oltin yulduz“ medali

Dmitriy Ivanovich Panfilov (1913-yil, Qozogʻistonning Gʻarbiy Qozogʻiston viloyati Burlinskiy tumani — 1985-yil, SSSR Oʻzbekiston SSR Fargʻona viloyati) — Sovet Armiyasi leytenanti, Ikkinchi jahon urushi qatnashchisi, Sovet Ittifoqi Qahramoni (1945).

Biografiyasi

Dmitriy Panfilov 1913-yil 15-oktyabrda Burlin qishlogʻida (hozirgi Qozogʻistonning Gʻarbiy Qozogʻiston viloyati Burlinskiy tumani) tavallud topgan. Maktabning yettinchi sinfini tamomlagach, Jalolobodda istiqomat qilish uchun joʻnab ketgan va oʻsha yerda mehnat qilgan.

1935—1937-yillarda Ishchilar va dehqonlar Qizil Armiyasi safida xizmat qilgan^[1]. 1944-yilning iyun oyida Panfilov armiyaga chaqirtiriladi va oʻsha yilning iyul oyidan boshlab Ikkinchi jahon urushi frontlarida jang olib boradi. 1944-yilga kelib tank maktabini tamomlaydi^[2].

1944-yil avgustda kichik leytenant Dmitriy Panfilov 2-Ukraina fronti 18-tank korpusining 170-tank brigadasi vzvodiga qoʻmondonlik qiladi^[3]. U Yassi-Kishinev operatsiyasi paytida koʻrsatgan jasorati va qahramonligi bilan boshqalardan ajralib turadi. 1944-yil 21-avgustda Panfilov vzvodi razvedkada boʻlganida Ruminiya piyoda askarlari diviziyasining qochish yoʻllarini kesib, dushmanga katta talofat yetkazadi. 1944-yil 25-avgustda Ruminiyaning Stroeshti aholi punkti uchun boʻlgan jangda Panfilov vzvodi qurshab olingan holda, bir kun davomida dushmanning ustun qoʻshinlari bilan jang olib boradi, 3 ta artilleriya, 5 ta zirhli transport vositasi, 2 ta mashina, 80 dan ortiq dushman askar va ofitserlarini yoʻq qiladi. Panfilov, shuningdek, Gʻalaba paradida ham ishtirok etadi.

1946-yilda Panfilov leytenant unvoni bilan zaxiraga oʻtkaziladi. Avval Jalolobodda, keyin Fargʻonada yashaydi.

Vafoti

Dmitriy Ivanovich Panfilov 1985-yil 10-dekabrda vafot etadi va Farg‘ona viloyatida dafn etiladi^[2].

Mukofotlari

SSSR Oliy Kengashi Prezidiumining 1945-yil 24-martdagi farmoni bilan leytenant Dmitriy Panfilov Yassi-Kishinev operatsiyasida koʻrsatgan jasorati va qahramonligi uchun Sovet Ittifoqi Qahramoni unvoni, Lenin ordeni va № 4810 sonli qaroriga koʻra „Oltin yulduz“ medali bilan taqdirlanadi^[2].

Mehnat faoliyati va janglarda koʻrsatgan qahramonliklari uchun bir necha bor Qizil Bayroq ordeni, 1 va 2-darajali Vatan urushi ordeni, bir qancha medallar bilan ham taqdirlangan^[2].

Manbalar

↑ „ПАНФИЛОВ ДМИТРИЙ ИВАНОВИЧ (1913-1985)“. 2023-yil 31-mayda asl nusxadan arxivlangan. Qaraldi: 2023-yil 17-iyun.
↑ ^2,0 ^2,1 ^2,2 ^2,3 „Dmitriy Panfilov“ (ru). Герои страны.
↑ „Панфилов Дмитрий Иванович“.

Adabiyotlar

Geroi Sovetskogo Soyuza: Kratkiy biograficheskiy slovar / Pred. red. kollegii I. N. Shkadov. — M.: Voenizdat, 1988. — T. 2 /Lyubov — Yaщuk/. — 863 s. — 100 000 ekz. — ISBN 5-203-00536-2.
Sannikov V. V., Semenkov V. N. Geroi Sovetskogo Soyuza — kirgizstansi. Frunze, 1963.

[1] „ПАНФИЛОВ ДМИТРИЙ ИВАНОВИЧ (1913-1985)“. 2023-yil 31-mayda asl nusxadan arxivlangan. Qaraldi: 2023-yil 17-iyun.

[wh-2] 2,0 ^2,1 ^2,2 ^2,3 „Dmitriy Panfilov“ (ru). Герои страны.

[3] „Панфилов Дмитрий Иванович“.

[1]

[2]

[3]