Elementar matematika

Elementar matematika

Elementar matematika — matematikaning, asosan, oʻrta va oʻrta maxsus taʼlim hajmidagi boʻlimlarini ichiga olgan qismi. Elementar matematikaga arifmetika, sonlarning elementar nazariyasi, elementar algebra, elementar geometriya va trigonometriya kabi sohalar kiradi. Elementar matematikani "oʻzgarmas miqdorlar matematikasi" deb taʼriflaydilar, lekin bu taʼrif uncha toʻgʻri emas. Elementar matematikada oʻzgaruvchi miqdorlarning nisbatan sodda, yaʼni elementar xossalari ham oʻrganiladi (mas, kvadratik funksiya va uning grafigi).