Fathiya Ikromova

Fathiya Ikromova
Tavalludi	1933-yil Buxoro
Fuqaroligi	Tojikiston
Taʼlimi	T.G.Shevchenko nomidagi Dushanbe davlat pedagogika instituti
Kasbi	Oʻqituvchi
Faoliyat yillari	1958-yildan hozirgacha
Unvoni	Professor

Fathiya Ikromova (16.3.1933, Buxoro) — oʻqituvchi, pedagogika fanlari nomzodi (1971), professor (1990).

Tarjimayi holi

Fathiya Ikromova 1933-yil 16-martda Buxoro shahrida tugʻilgan. 1950—1952-yillarda Dushanbe ayollar pedagogika bilim yurtida, 1953—1958-yillarda T. G. Shevchenko nomidagi Dushanbe davlat pedagogika institutining til va adabiyot fakultetida oʻqigan. 1958—1963-yillarda Dushanbe shahridagi 7-sonli o‘rta maktabda boshlang‘ich sinf o‘qituvchisi, tojik tili va adabiyoti fani o‘qituvchisi boʻlib ishlagan. 1963—1968-yillarda Tojikiston Respublikasi O‘qituvchilar malakasini oshirish instituti boshlang‘ich maktablar kafedrasi mudiri bo‘lgan. 1968—1971-yillarda aspirant, 1971—1973-yillarda katta o‘qituvchi, 1973—1979-yillarda pedagogika va boshlang‘ich taʼlim metodikasi kafedrasi mudiri, 1979—1990-yillarda T. G. Shevchenko nomidagi Dushanbe davlat pedagogika instituti dotsenti boʻlgan. 1990-yildan hozirgacha Tojikiston davlat pedagogika universitetining pedagogika va boshlangʻich taʼlim metodikasi kafedrasi professori lavozimida ishlamoqda. 20 ta oʻquv qoʻllanma, dastur va darsliklar, 100 ta ilmiy, uslubiy va ommaviy maqolalar muallifi. Boshlang‘ich sinf o‘quvchilarining o‘qish darsida nutqini rivojlantirish, boshlang‘ich sinflarda tojik tilini o‘qitish metodikasi va boshqa sohadagi muhim masalalar bo‘yicha ilmiy ishlar olib borgan. 20 yildan ortiq vaqt davomida u SSSR Taʼlim vazirligining Ilmiy-metodik kengashining aʼzosi boʻlgan. Ayni paytda u Tojikiston Vazirligi maʼrifat vazirligining „Alifbo“ tanlov komissiyasi raisi, Tojikiston olimlari uyushmasi aʼzosi hisoblanadi. Turli milliy va xalqaro anjumanlarda (Moskva, Leningrad, Kiyev, Minsk, Toshkent, Dushanbe) maʼruza qilgan. „Tojikistonda xizmat ko‘rsatgan maorif xodimi“ (1998) faxriy unvoni, „Mehnat xizmati uchun“ medali (1964), „Tojikiston xalq maorifi aʼlochisi“ ko‘krak nishoni (1970) va bir qancha mukofotlar bilan taqdirlangan.