Foydalanuvchi:Diloromkhan/Tatyana Akimova

Diloromkhan/Tatyana Akimova
Tavalludi	25-dekabr 1898-yil (6-yanvar 1899-yil); Saratov, Rossiya Imperiyasi
Vafoti	18-aprel 1987-yil ; Penza, RSFSR, SSSR
Fuqaroligi	Rossiya , SSSR
Sohasi	folklorshunoslik, oʻlkashunoslik, etnografiya, adabiyotshunoslik, muzeyshunoslik, rus adabiyoti, filologiya
Ish joylari	Saratov universiteti
Ilmiy darajasi	fan doktori
Ilmiy unvoni	professor

Tatyana Mixaylovna Akimova (1898-yil 25-dekabr (1899-yil 6-yanvar), Saratov — 1987-yil 18-aprel, Penza) — sovet folklorshunosi, adabiyotshunos, etnograf va oʻlkashunos, filologiya fanlari doktori (1966), N. G. Chernishevskiy nomidagi Saratov universiteti professori. 1981-yilda folklor laboratoriyasini yaratdi va unga rahbarlik qildi (1987-yilda N. G. Chernishevskiy nomidagi SDU filologiya fakulteti Ilmiy kengashi qarori bilan kafedra-laboratoriyasiga professor T. M. Akimova nomi berildi). 1920-yildan 1940-yilgacha Saratov davlat o'lkashunoslik muzeyida faoliyat olib borgan: Saratov viloyati etnografik muzeyining chuvash bo'limi boshlig'i, shahar muzeyida ilmiy xodim, o'lkashunoslik muzeyi bo'limi boshlig'i. Yillar davomida Saratov pedagogika institutida, Ta'lim xodimlarining malakasini oshirish va qayta tayyorlash institutida dars berdi hamda "Znaniye" jamiyatining Saratov filialida ma'ruzalar o'qidi.

Biografiyasi

Tatyana Akimova boshlang'ich ta'limni oilasida oldi, keyin Saratov birinchi ayollar gimnaziyasiga o'qishga kirdi va uni oltin medal bilan tamomladi. 1918-yilda Saratov universitetining tarix va filologiya fakultetining slavyan-rus bo'limiga o'qishga kirdi. Universitetda oʻqish davrida B. M. Sokolov, V. M. Jirmunskiy, S. L. Frank, N. K. Piksanov, N. N. Durnovo, P. G. Lyubomirov, A. P. Skaftimov va boshqalar unga ustozlik qilishdi. Tatyana 1924-yilda universitetni tamomladi.

Tatyana Mixaylovna Akimova B. M. Sokolovning eng yaqin shogirdi sifatida muzeydagi ish va folklor ekspeditsiyalari bo'yicha uning hamkasbiga aylandi. Tatyana ilm-fanga 1922-yilda Saratov chuvashlari va Saratovning tarixiy o'tmishi haqida bir qator etnografik asarlar muallifi sifatida kirdi.

Akimovaning ayollar kostyumi, kashtado'zlik, bosh kiyim, chuvash xudosi Irixga sig'inish evolyutsiyasi haqidagi tadqiqotlari bugungi kunda ham talabga ega bo'lib (qayta nashr etilmoqda), Rossiyaning Chuvashiya Respublikasi olimlari tomonidan yuqori baholanmoqda. Tatyana Mixaylovnaning pedagogik faoliyati 1938-yildan boshlab avval Saratov pedagogika instituti, so'ngra Saratov universitetida boshlandi. Tatyana 1943-yilda aspiranturadan o'tmasdan turib, Saratovdagi Leningrad universitetining ilmiy kengashida "Narodnaya drama o voyne 1812 goda, yeyo istochniki i znacheniye v istorii izucheniya narodnoy drami" mavzusida nomzodlik dissertatsiyasini yozdi va himoya qildi^[1]. Dissertatsiya tadqiqotida "fransuz Moskvani qanday oldi" komediyasining matni batafsil o'rganildi (tavsiflandi). Ushbu ish askarlar teatri tarixining ilgari noma'lum sahifalarini ilmiy muomalaga kiritishga imkon berdi. Akimova 1964-yilda SSSR fanlar akademiyasining rus adabiyoti institutida (Pushkin uyi) "Russkiye udaliye pesni v ustnom bitovanii i xudojestvennoy literature konsa XVIII — pervoy polovini XIX veka" mavzusida doktorlik dissertatsiyasini himoya qildi. 1966-yilda filologiya fanlari doktori darajasiga tasdiqlandi va shu yili professor bo'ldi. Tatyana Mixaylovna 1986-yilda shaxsiy kutubxonasini Saratov universitetining zona ilmiy kutubxonasiga sovg'a qildi.

Madaniy-ma'rifiy tadbirlar

Tatyana Mixaylovna har doim Saratov maktablari, kutubxonalari va muzeylarida ma'ruzalar o'qigan va suhbatlar o'tkizgan. Saratov davlat oʻlkashunoslik muzeyi va uning filiali – Etnografiya muzeyida oʻlkashunoslik, folklor va etnografiyaga bagʻishlangan ilmiy anjumanlar va boshqa tadbirlarning doimiy faol ishtirokchisi, ilmiy maslahatchisi va hamkor tashkilotchisi boʻlgan.

Tatyana Mixaylovna ko'p yillar davomida shaxsiy kutubxonasini to'plagan. 1986-yilda Saratov universitetining mintaqaviy ilmiy kutubxonasi fondiga o'tkazgan. Hozirgi vaqtda Akimova kolleksiyasi Saratov universiteti zonal ilmiy kutubxonasi kolleksiyasining bir qismi sifatida Rossiya Federatsiyasining kitob yodgorliklari to'plamlari orasida "FEDERAL" maqomiga ega.

Adabiyoti

Акимова Татьяна Михайловна // Краткая литературная энциклопедия / Гл. ред. А. А. Сурков. — М. : Советская энциклопедия, 1962. — Т. 1. Аарне — Гаврилов. — Стб. 117.
Миронова А. И. Статья о Т. М. Акимовой // Информационный вестник Саратовского областного музея краеведения. 2009. Вып. 64 (январь). С. 2.
Горбунова Л. Г. Акимова Татьяна Михайловна // Литературоведы Саратовского университета, 1917—2009 : материалы к биобиблиографическому словарю / сост.: В. В. Прозоров, А. А. Гапоненков; под ред. В. В. Прозорова. Саратов: Изд-во Сарат. ун-та, 2010. С. 11-16.

Manbalar

↑ „Акимова Татьяна Михайловна — "Отечественные этнографы и антропологи. XX век"“. ethnographica.kunstkamera.ru. 2022-yil 15-noyabrda asl nusxadan arxivlangan. Qaraldi: 2022-yil 15-noyabr.

Havolalar

[[Turkum:Mehnat faxriysi medali sohiblari]] [[Turkum:“Vladimir Ilich Lenin tavalludining 100 yilligi munosabati bilan” medali sohiblari]] [[Turkum:Filologiya fanlari doktorlari]] [[Turkum:1987-yilda vafot etganlar]] [[Turkum:18-aprelda vafot etganlar]] [[Turkum:Saratovda tugʻilganlar]] [[Turkum:1899-yilda tugʻilganlar]] [[Turkum:6-yanvarda tugʻilganlar]]

[1] „Акимова Татьяна Михайловна — "Отечественные этнографы и антропологи. XX век"“. ethnographica.kunstkamera.ru. 2022-yil 15-noyabrda asl nusxadan arxivlangan. Qaraldi: 2022-yil 15-noyabr.

[1]