Hasanxon Yahyo Abdulmajid

Hasanxon Yahyo Abdulmajid; Hasanxon qori
Tavalludi	12-yanvar 1981-yil (43 yosh); Andijon, Andijon viloyati, OʻzSSR, SSSR
Fuqaroligi	SSSR → Oʻzbekiston
Taʼlimi	Toshkent islom instituti; Toshkent davlat sharqshunoslik universiteti; Oʻzbekiston xalqaro islom akademiyasi
Kasbi	imom-xatib
Millati	oʻzbek
Dini	islom

Hasanxon Yahyo Abdulmajid (Hasanxon qori nomi bilan tanilgan; 1981-yil 12-yanvar, Andijon, Oʻzbekiston SSR, SSSR) — Oʻzbekiston musulmonlari idorasi tomonidan oʻtkazilgan 19-Qur’on musobaqasining Respublika bosqichi (2009). U Toshkentda joylashgan „Minor“ jomʼe masjidida imom-xatib vazifasida boʻlgan. Keyinchalik "Shayx Muhammad Sodiq Muhammad Yusuf" masjidida imom-noiblik qilgan. Hozirda "Hasanboy" jomʼe masjidining (Toshkent) imom-noibidir.

Tarjimai holi

Hasanxon Yahyo Abdulmajid 1981-yil 12-yanvarda Andijon shahrida tavallud topgan^[1].

Yutuqlari

Hasanxon Yahyo Abdulmajid 13 yoshidayoq Qurʼonni toʻla yod olgan. Shu sababli koʻplab yutuqlarga erishgan. Yaʼni 2005-yil Saudiya Arabistoni qirolligi Makka shahrida oʻtkazilgan xalqaro Qur’on musobaqasida qatnashgan. Uning eng katta yutuqlaridan biri: 2009-yili Oʻzbekiston musulmonlari idorasi tomonidan oʻtkazilgan 19-Qur’on musobaqasining Respublika bosqichida birinchi oʻrinni olgan^[1].

Oʻqish faoliyati

2012-yili Imom Buxoriy nomidagi Toshkent islom institutini tamomlagan^[1]. Undan soʻng Toshkent davlat sharqshunoslik universitetida ikkinchi mutaxasisslik boʻyicha „Tarix va jahon siyosati“ fakultetida oʻqigan va u yerni 2016-yilda tamomlagan. Keyin esa Oʻzbekiston xalqaro islom akademiyasida magistrlik darajasini olish uchun oʻqigan. 2022-yil esa „Qur’onshunoslik va hadisshunoslik“ fakultetida doktoranturaga kirgan va hozirda doktorlik ishini davom ettirmoqda^[2].

Asarlari va tarjimalari

Hasanxon qori ukasi Husanxon qori bilan hammualliflikda „Navoiydan chu topqaylar navoe“ kitobini yaratgan. „Yoʻl harakati fiqhi“ kitobini Toshkent islom institutini bitirgan vaqtida bakalavr darajasini yoqlash uchun yozilgan ilmiy ishning kitob shakliga keltirilgan holati. Butun islom dunyosida keng tarqalgan Mavlid kitobi „Mavludi barzanjiyni“ oʻzbekchaga tarjima qilib, sharhlagan. Hamda qorilar va Qur’on muxlislariga qaratilgan „Hatmi qur’onga marxabo“ kitobini yozgan. Oxirgi kitoblaridan biri „Qorilarning oltin silsilasi“da oʻzbek qorilarining sanadlari keltirilga va ilmiy isbotlab chiqilgan. Bu kitob tadqiqot koʻrinishiga ham ega va tarixiy koʻp haqiqatlarni yetkazuvchi kitob hisoblanadi. Hasanxon qori „Qur’on tartili“ qoʻlanma kitobi ham yaratgan. Bu kitobning audio va video qoʻllanmasi chiqarilgan^[1]. Uning „Qur’on oʻqish qoʻlanmasi“ kitobi hamda „Qiroatlar haqida“ nomli risolasi ham chop etilgan.

Faoliyatlari

Hasanxon Yahyo Abdulmajid Toshkent shahrida joylashgan „Minor“ jomʼe masjidida imom-xatib vazifasida boʻlgan^[1]. 2020-yildan „Shayx Muhammad Sodiq Muhammad Yusuf jomʼe masjidining“ imom-noibi boʻlgan. Hozirda esa "Hasanboy" masjidida imom-noibidir.^[3].

Manbalar

↑ ^1,0 ^1,1 ^1,2 ^1,3 ^1,4 Tojialiyev, Davronbek „Ҳасанхон Яҳё Абдулмажид: “Аҳли Қуръоннинг аввало нияти пок бўлмоғи лозим”“. Qadriyat.uz. Qaraldi: 18-aprel 2023-yil.^{[sayt ishlamaydi]}
↑ Osmondagi bolalar / «Islom to'g'ri o'rganilsa, hamma zamonga mos keladi» 13 yoshida qori bo'lgan olim bilan suhbat! YouTubeda
↑ Absattarov, Farrux. „Qanday amallar ro‘zani buzadi, qaysilari buzmaydi? - Ramazonga doir savol-javoblar“. Kun.uz (2021-yil 14-aprel). Qaraldi: 18-aprel 2023-yil.

[Qadriyat-1] 1,0 ^1,1 ^1,2 ^1,3 ^1,4 Tojialiyev, Davronbek „Ҳасанхон Яҳё Абдулмажид: “Аҳли Қуръоннинг аввало нияти пок бўлмоғи лозим”“. Qadriyat.uz. Qaraldi: 18-aprel 2023-yil.^{[sayt ishlamaydi]}

[Qori-2] Osmondagi bolalar / «Islom to'g'ri o'rganilsa, hamma zamonga mos keladi» 13 yoshida qori bo'lgan olim bilan suhbat! YouTubeda

[3] Absattarov, Farrux. „Qanday amallar ro‘zani buzadi, qaysilari buzmaydi? - Ramazonga doir savol-javoblar“. Kun.uz (2021-yil 14-aprel). Qaraldi: 18-aprel 2023-yil.

[1]

[2]

[3]