Ibn Fulad
Ibn Fulad daylamiy harbiy ofitser boʻlib, buvayhiy hukmdorlariga qarshi isyon koʻtargani bilan mashhur. Shuningdek, Ibn Pulad nomi bilan ham tanilgan. Ibn Fulad mashhur buvayhiy zobiti, Justaniylar podshosi Manazaning oʻgʻli Fulad ibn Manazarning oʻgʻlidir.
Ibn Fulad Qazvinni oʻz fifiga aylantirish maqsadida 1016-yilda buvayhiylar hukmdori Majd ud-Davlaga qarshi qoʻzgʻolon koʻtargan. Biroq Majd ud-Davla uni Qazvin hokimligiga tasdiqlashdan bosh tortgan. Bu esa Ibn Fuladni oʻzining maʼmuriy markazi Ray shahri atrofidagi qishloqlarda hukmdorga tahdid qilishga undagan[1]. Shundan soʻng Majd ud-Davla oʻz vassali, Bavandiy hukmdori Abu Ja’far Muhammaddan yordam soʻragan. U Ibn Fuladni magʻlub etib, uni Raydan quvib chiqarishga muvaffaq boʻlgan[1]. Ibn Fulad buvayhiylarga raqib boʻlgan ziyoriylar hukmdori Manuchihrdan yordam soʻragan. Ibn Fulod yordam evaziga Manuchihrning vassali boʻlishga rozi boʻlgan. Keyingi yili Ibn Fulad va Manuchihrning birlashgan qoʻshini Rayni qamal qilishi Majd ud-Davlani Fuladni Isfahon hokimi etib tayinlashga majbur qilgan[1]. Biroq, bu vaqtda Isfahonni boshqarayotgan kakuyiylar hukmdori Muhammad ibn Rustam Dushmanziyar Ibn Fuladni yenggan. Ushbu jangda Ibn Fulad oʻldirilgan deb taxmin qilinadi[1].
Manbalar
[tahrir | manbasini tahrirlash]- ↑ 1,0 1,1 1,2 1,3 Bosworth 1997, s. 26-27.
Adabiyotlar
[tahrir | manbasini tahrirlash]- Madelung, W. „The Minor Dynasties of Northern Iran“, . The Cambridge History of Iran, Volume 4: From the Arab Invasion to the Saljuqs. Cambridge: Cambridge University Press, 1975 — 198–249-bet. ISBN 978-0-521-20093-6.
- Bosworth, C. Edmund (1997). "EBN FŪLĀD". Encyclopaedia Iranica, Vol. VIII, Fasc. 1. London et al.: C. Edmund Bosworth. 26–27 b. http://www.iranicaonline.org/articles/ebn-fulad.