Igor Pashkevich

Igor Pashkevich
Igor Pashkevich
Shaxsiy maʼlumotlari
Davlat	Rossiya
Tavalludi	1-iyul 1971-yil; Moskva
Vafoti	26-mart 2016-yil ; (44 yoshda); Palm Beach
Oldingi murabbiylari	Viktor Kudryavtsev, Marina Kudryavtseva
Mashgʻulot oʻtkazgan joylari	Moskva
Yakunlagan	1998

Igor Anatolevich Pashkevich (ruscha: Игорь Анатольевич Пашкевич; 1971-yil 1-iyul — 2016-yil 26-mart) — yakka holda konkida uchish boʻyicha musobaqalarda qatnashgan figurali uchuvchi va murabbiy boʻlgan. 1990-yilda Sovet Ittifoqi vakili sifatida oʻsmirlar oʻrtasidagi Jahon chempioni va 1996-yilda Rossiya terma jamoasi aʼzosi sifatida Yevropa chempionatining kumush medali sovrindori boʻlgan. Igor Pashkevich 1994-yil Rossiya vakili sifatida Lillexammer Olimpiadasida va Ozarbayjon vakili sifatida 1998-yil Nagano Olimpiadasida ishtirok etgan.

Faoliyati

Pashkevich konkida uchishni 1976-yilda boshlagan.

Sovet Ittifoqi va Rossiya vakili sifatida

Faoliyatining boshida Pashkevich Sovet Ittifoqi uchun musobaqalashgan va 1990-yilda Kolorado shtatining Kolorado Springs shahrida boʻlib oʻtgan oʻsmirlar oʻrtasidagi Jahon chempionatida oltin medalni qoʻlga kiritgan. Sovet Ittifoqi parchalanganidan keyin u Rossiyani himoya qilgan. Igor 1993-yilda Chexiya Respublikasining Praga shahrida boʻlib oʻtgan birinchi katta Xaqaro konkida uchish ittifoqi chempionatida 14-oʻrinni egallagan.

1994-yil fevral oyida Pashkevich Norvegiyaning Lillexammer shahrida boʻlib oʻtgan Qishki Olimpiya oʻyinlarida qatnashib, 15-oʻrindan joy olgan^[1]. Keyingi oyda u 1994-yilda Yaponiyaning Chiba shahrida boʻlib oʻtgan Jahon chempionatida 9-oʻrinni egallagan. 1995 — 1996-yillarda, yaʼni Rossiyadagi soʻnggi mavsumida u 1995 Finlandiya Trophy turnirida oltin, 1995 NHK Trophy turnirida esa kumush medal sohibi boʻlgan. 1996-yilgi Yevropa chempionatida kumush medalni qoʻlga kiritgan^[2].

Ozarbayjon vakili sifatida

Pashkevich 1996 — 1997-yilgi mavsumda Ozarbayjon vakili sifatida musobaqalarda qatnashisha boshlagan. 1997-yilgi Yevropa chempionatida yettinchi, 1997-yilgi Jahon chempionatida sakkizinchi oʻrinni egallagan. Keyingi mavsum, oʻzining soʻnggi 1997 Trophee Lalique musobaqasida bronza medalini va 1997-yil Millatlar kubogida kumush medalni qoʻlga kiritgan. U 1998-yilgi Yevropa chempionatidan ishtirok etgan, 1998-yili Yaponiyaning Nagano shahrida bo‘lib o‘tgan qishki Olimpiya o‘yinlarida qatnashib 16-o‘rindan joy olgan. Unga Marina Kudriavtseva murabbiylik qilgan. Igor mavsum oxirida isteʼfoga chiqqan^[3].

Dasturlari

Mavsum	Qisqa dastur	Erkin dastur
1997 — 1998	(nomaʼlum)	Piano Concert No. 1 Sergei Rachmaninov tomonidan ijro etilgan

Natijalari

Xalqaro
Musobaqa	88 — 89	89 — 90	90 — 91	91 — 92	92 — 93	93 — 92	94 — 95	95 — 96	96 — 97	97 — 98
Olimpiya						15ㅤ				16ㅤ
Jahon chempionati					14ㅤ	9ㅤ			8ㅤ
Yevropa chempionati								2ㅤ	7ㅤ	WD
Finlandia Trophy								1ㅤ
Golden Spin			3ㅤ
Nebelhorn Trophy				2ㅤ	2ㅤ
Piruetten						5ㅤ
Schäfer Memorial		4ㅤ			2ㅤ
Skate Electric			7ㅤ
Skate Israel									1ㅤ
Xalqaro: Oʻsmirlar
Jahon chemp.	7ㅤ	1ㅤ
Xalqaro
Ozarbayjon chemp.										1ㅤ
Rossiya chemp.					3ㅤ	3ㅤ		3ㅤ
Sovet chemp.				7ㅤ
WD: Musobaqani tark etgan

Manbalar

↑ Elfman, Lois. „Friends, colleagues remember late Pashkevich“. IceNetwork.com (2016-yil 29-mart). 2018-yil 2-iyulda asl nusxadan arxivlangan. Qaraldi: 2022-yil 2-dekabr.
↑ „Coaching Staff: Igor Pashkevich“. Palm Beach Ice Works. 2016-yil 26-martda asl nusxadan arxivlangan.
↑ Vaytsekhovskaya, Elena. „Последний штрих свободного художника“ (Russian). Sport Express (2016-yil 27-mart).

[IN160329-1] Elfman, Lois. „Friends, colleagues remember late Pashkevich“. IceNetwork.com (2016-yil 29-mart). 2018-yil 2-iyulda asl nusxadan arxivlangan. Qaraldi: 2022-yil 2-dekabr.

[PBIW-staff-2] „Coaching Staff: Igor Pashkevich“. Palm Beach Ice Works. 2016-yil 26-martda asl nusxadan arxivlangan.

[SE160327-3] Vaytsekhovskaya, Elena. „Последний штрих свободного художника“ (Russian). Sport Express (2016-yil 27-mart).

[1]

[2]

[3]