Imoduddin Isfahoniy
| Imoduddin Isfaxoniy | |
|---|---|
| Tavalludi |
1125 Isfaxon |
| Vafoti | 1201 |
| Kasbi | tarixchi olim |
Imoduddin Isfahoniy (1125-yilda tugʻilgan,1201-yilda vafot etgan) (toʻliq ismi:Imoddin Muhammad ibn Muhammad al-Katib al-Isfaxoniy) XII asrda oʻtgan tarixchi olim[1].
Hayoti
[tahrir | manbasini tahrirlash]Isfahonning nufuzli xonadonidan chiqqan va Bagʻdoddagi Nizomiya madrasasida oʻqigan. Dastlab Bagʻdod xalifalari, soʻngra Mif hukmdorlari xizmatida boʻlgan. Dimishq hokimiga kotib boʻlgan[2]. Basra va Xalob noiblariga ham xizmat qilgan.
Ilmiy faoliyati
[tahrir | manbasini tahrirlash]Imoduddin Isfahoniy „Nusrat al-fatra va ustrat al-fitra“ (Behollikka yordam va mezon uchun boshpana) nomli asar yozgan. Asar Saljuqiylar (1038-1194-yillar) tarixiga oid boʻlib, Saljuqiylar vaziri Anushirvon ibn Xolidning 1138-yilda fors tilida yozgan tarixiy asarining (qadim zamonlardan 1134-yilgacha bolgan voqealarni oʻz ichiga oladi) arabcha redaktsiyasi boʻlib, Imoduddin Isfahoniy voqealarni 1194-yilgacha davom ettirgan. Asarning toliq nusxasi maʼlum emas. Abulhaq al-Bundariy uni qaytadan, qisqartirib tahrirdan chiqargan. Imoduddin Isfahoniy asarining ushbu redaktsiyasi bizgacha yetib kelgan va „Zubdat an-nusra va nuxbat al-usra“ (Behollikka yordam va mejoz uchun boshpana kitobidan saylanma) nomi bilan bizning zamonamizgacha yetib kelgan.
Manbalar
[tahrir | manbasini tahrirlash]Muzaffar Ahmedov Aziz Fayzullayev:Oʻrganilayotgan mamlakat (mintaqa) tarixshunosligi va manbashunosligi (Eron).:Toshkent-2021