Ishonch (gazeta)
| Ishonch | |
|---|---|
 | |
| Formati | A-2 |
| Kimga tegishli | Oʻzbekiston kasaba uyushmalari Federatsiyasi |
| Bosh muharrir | Husan Ermatov |
| Tili | Oʻzbek va rus |
| Bosh ofisi | 100165, Toshkent shahri, Mirobod tumani, Buxoro koʻchasi (sobiq Sharq Xaqiqati), 24 |
| Adadi | 31576 |
| Vebsayt | https://ishonch.uz/ |
Ishonch — Oʻzbekiston kasaba uyushmalari Federatsiyasi davriy nashri. Gazeta 1991-yil 21-mart kuni ilk bor nashr etilgan[1]. 2018-yildan buyon barcha sahifalari rangli chop etib kelinmoqda[2]. Birinchi muharriri — Toʻlqin Qozoqboyev. Ishonch 2019-yil 3-may „Oltin qalam“ milliy mukofoti matbuot yoʻnalishi gʻolibi. 2023-yil hisobida gazetaning 31576 nafar pullik obunachilari mavjud.
Gazeta mamlakatning ijtimoiy-siyosiy, madaniy va maʼrifiy hayotini yoritib boradi[3]. Ishonch 2018-yilda Oʻzbekiston Milliy Kutubxonasi matbuot xizmati maʼlumotiga ko‘ra Oʻzbekistonda eng koʻp oʻqiladigan gazetalar 5 taligidan joy olgan[4]. Shuningdek, shu kunga qadar gazetada chop etilgan tanqidiy maqolalar sababli koʻplab muommolarga yechim topilgan[5].
Nashrlari[tahrir | manbasini tahrirlash]
„Ishonch“ va „Ishonch-Doverie“ gazetalari tahririyat jamoasi 2018-yildan buyon oʻziga xos yillik ijodiy sarhisobi sifatida toʻplamlar chop ettirib kelmoqda[6]. Jumladan, „Bir yilga bir nazar“ (2018)[7], „Ishonch“ aytadiki…“ (2019)[8], „2020-millatni ulgʻaytirgan yil“ (2020)[9], „2021 fakt va dalillar, mulohaza va munozara, tanqid va tahlil, talqin va xulosalar…“(2021) va „Nigoh“ (2022)[10] kabi toʻplamlar. Ularda 1 yil davomida gazeta sahifalarida nomoyon boʻlgan ijodiy, ijtimoiy-siyosiy, tanqidiy, madaniy va maʼrifiy maqolalarning eng saralari nashr etilgan. Shuningdek, tahririyat tomonidan chop etilgan „Biz hayotdan rozimiz“ (2021)[11] toʻplamida davlat rahbari tashabbusi bilan tashkil etilgan „Ayollar daftari“ sababli hayotlari ijobiy tomongga oʻzgargan ayollarning minnatdorilik maktublari, „Mening Prizedentim“ (2022)[12] toʻplamida Oʻzbekiston yoshlarining Prizedent Shavkat Mirziyoyev rahbarligida mamlakatda amalga oshirilayotgan hayotbaxsh oʻzgarishlarga munosabati boʻlgan insholari, „Bir soʻz…“ (2021)[13] toʻplamida esa gazeta xodimlarining ijod namunalari jamlangan[6].
| Ism-sharifi | Faoliyat yillari |
|---|---|
| Toʻlqin Qozoqboyev | 1991 — 1995 |
| Saidakrom Saidvaliyev | 1995 — 1998 |
| Mirgʻiyos Qayumov | 1998 — 2006 |
| Abduholiq Abdurazzoqov | 2006 — 2013 |
| Jahongir Sharafboyev | 2013 — 2018 |
| Husan Ermatov | 2018-yildan buyon |
Manbalar[tahrir | manbasini tahrirlash]
- ↑ „Ishonch gazetasi“. 2020-yil 24-noyabrda asl nusxadan arxivlangan. Qaraldi: 2023-yil 19-fevral.
- ↑ „“Ishonch”ning istiqlolga tuhfasi“ (2018-yil 10-sentyabr). 2023-yil 19-fevralda asl nusxadan arxivlangan. Qaraldi: 2023-yil 19-fevral.
- ↑ „Ишонч“. 2023-yil 19-fevralda asl nusxadan arxivlangan. Qaraldi: 2023-yil 19-fevral.
- ↑ „O‘zbekistonda eng ko‘p o‘qilayotgan 5 ta gazeta“ (2018-yil 9-iyul). 2023-yil 19-fevralda asl nusxadan arxivlangan. Qaraldi: 2023-yil 19-fevral.
- ↑ „“Ishonch” gazetasining “Bir manzilda 24 dorixona... ammo izlaganni topish dushvor” sarlavhali maqolasi yuzasidan rasmiy munosabat“ (2020-yil 30-iyun). 2023-yil 19-fevralda asl nusxadan arxivlangan. Qaraldi: 2023-yil 19-fevral.
- ↑ 6,0 6,1 „“Ишонч” ва “Ишонч-Доверие” газеталари таҳририяти“ (2021-yil 18-yanvar). 2023-yil 19-fevralda asl nusxadan arxivlangan. Qaraldi: 2023-yil 19-fevral.
- ↑ Bir yilga bir nazar. ISBN 978-9943-5457-1-7.
- ↑ "Ishonch" aytadiki.... ISBN 978-9943-5930-4-6.
- ↑ 2020-millatni ulgʻaytirgan yil. ISBN 978-9943-5725-4-6.
- ↑ Nigoh. ISBN 978-9943-8518-0-1.
- ↑ Biz hayotdan rozimiz!. ISBN 978-9943-7552-2-2.
- ↑ Mening Prezidentim!. ISBN 978-9943-8001-4-4.
- ↑ Bir soʻz…. ISBN 978-9943-6965-0-1.