Ishoq ibn Ismoil Samarqandiy

Ishoq ibn Ismoil Samarqandiy
Shaxsiy maʼlumotlar
Dini	Islom
Tanilgan sohasi	Muhaddis

Ishoq ibn Ismoil Samarqandiy (arabcha: اسحق بن اسماعيل سمرقندي — Ishoq ibn Ismoil Samarqandiy — Toʻliq ismi: Ishoq ibn Ismoil ibn Jaʼfar ibn Dovud ibn Yusuf (vafoti 873-yil)) — Muhaddis.

Hayoti va Faoliyati

Ishoq ibn Ismoil Samarqandiy haqida Sam’oniyning „Al-ansob“ („Nasablar kitobi“) va Eron olimi Sayd Nafisiyning „Ahvol va ash’ori Abu Abdulloh Rudakiy“ („Abu Abdulloh Rudakiyning tarjimayi holi va ijodi“) nomli kitoblarida qisqacha maʼlumot berilgan. Ishoq ibn Ismoil Samarqandiy zamonasining donishmand va muhaddislaridan biri bo‘lgan. Hadis ilmini Maʼruf ibn Hasson, Mus’ada ibn Shohin, Mas’ud ibn Buhayra, Sallam, Umar ibn Abu Muqotil Fazoriy, Ahmad ibn Muoviya va boshqalardan taʼlim olgan. Ishoq ibn Ismoil Samarqandiydan Abbos ibn Fazl ibn Yahyo, Mas’ud ibn Komil, Nasr ibn Fath ibn Yazid va boshqalar hadis rivoyat qilishgan. 259/873-yili ramazonga o‘n bir kun qolganda juma kuni asrdan keyin olamdan o‘tgan.