Kamoliddin Rahimov
| Kamoliddin Rahimov | ||
|---|---|---|
 | ||
| Maʼlumot | ||
| Tavallud topgan sanasi va joyi | 12-yanvar 1943-yil Namangan | |
| Vafot etgan sanasi va joyi | 25-fevral 2015-yil (72 yoshda) Namangan | |
| Kasbi | qoʻshiqchi | |
| Mukofotlari |   | |
Kamoliddin Rahimov (12.01.1943 — 25.02.2015, Namangan) — xonanda, Oʻzbekiston xalq artisti (1983). Rahimov Jarangdor va kuchli ovoz sohibi boʻlgan va klassik yoʻnalishdagi qoʻshiqlari bilan shuhrat qozongan. Uning repertuaridan mumtoz va zamonaviy bastakorlar ashulalari („Bayot“, „Ushshoq“, „Girya“, „Koʻcha bogʻi“, „Qalandariy“, „Kuygay“ kabi) hamda kuylarini oʻzi yaratgan asarlari („Kul, azizim“, „Menga rahm ayla“, „Nargiz“, „Kelmaganingda“, „Mastona-mastona“, „Parvona qilsangiz“, „Ona madhi“ va boshqalar) oʻrin olgan.
Hayoti
[tahrir | manbasini tahrirlash]Kamoliddin Rahimov 1943-yil 12-yanvarda Namanganda tugʻilgan. 1987-yil Toshkent madaniyat institutini tugatgan. 2015-yil 25-fevralda 72 yoshida Namanganda ogʻir xastalikdan soʻng vafot etgan.[1]
Ijodi
[tahrir | manbasini tahrirlash]Rahimov ashula yoʻllarini dastlab Vahobjon Abdullayevdan oʻrgangan. Namanganda madaniyat uyi qoshidagi Usta Roʻzimatxon nomidagi ashula va raqs ansamblida xonanda, musiqa rahbari va badiiy rahbar (1960—71), Alisher Navoiy nomidagi viloyat teatrida yakkaxon xonanda (1972—98) boʻlib ishlagan.
Rahimov ijro uslubiga lirik talqin, soʻz bilan ohangdagi uygʻunlik xos. Oʻzbektelefilm studiyasida uning ijodiga bagʻishlangan „Dil taronasi“ filmi suratga olingan (1982). Rahimov ijrosidagi ashulalar bir nechta gramplastinka („Kamoliddin Rahimov kuylaydi“, 1966—1972; „Nargiz“, 1980; „Bulbul“, 1983; „Ul yor qoʻlida koʻza“, 1987) hamda kompakt disk („Qaydasan“ 2002)ga yozilgan. Rahimov Alisher Navoiy, Bobur, Mashrab, Mahtumquli va boshqa mumtoz shoirlar asarlariga ashulalar turkumlarini 20 dan ziyod audiokassetaga toʻplab yozdirgan. Osiyo, Yevropa, Amerika mamlakatlarida gastrolda boʻlgan.
Mukofotlari
[tahrir | manbasini tahrirlash]- Oʻzbekiston xalq artisti (1983-yil)
- El-yurt hurmati ordeni (1998-yil)[2][3]
- Fidokorona xizmatlari uchun ordeni (2021-yil)[4];
Manbalar
[tahrir | manbasini tahrirlash]- ↑ Bobojon, Shuhrat „„Nargiz“ qoʻshigʻi bilan tanilgan Kamoliddin Rahimov olamdan oʻtdi“. Ozodlik radiosi (2015-yil 25-fevral). Qaraldi: 2015-yil 26-fevral.
- ↑ Ўзбекистон Республикаси мустақиллигининг саккиз йиллиги муносабати билан фан, соғлиқни сақлаш, маданият, маърифат, оммавий ахборот воситалари ва ижтимоий соҳалар ходимларидан бир гуруҳини мукофотлаш тўғрисида
- ↑ "Kamoliddin Rahimov". Oʻzbekiston milliy ensiklopediyasi. Toshkent.
- ↑ „O‘zbek adabiyoti va san'atining marhum fidoyilari mukofotlandi“. kun.uz. Qaraldi: 6-avgust 2024-yil.
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 |