Lev Popov

Lev Nikolayevich Popov
Tavalludi	18-mart 1932-yil;
Vafoti	8-oktyabr 2008-yil ; (76 yoshda) ; Moskva, Rossiya
Fuqaroligi	SSSR → Rossiya
Kasbi	arxitektor
Sohasi	modernizm
Ish joylari	Moskva, Praga, Toshkent, Boku, Novosibirsk
Taʼlimi	Moskva arxitektura instituti
Mashhur ishlari	Mustaqillik maydoni metro bekati

Lev Nikolayevich Popov (1932-yil 18-mart – 2008-yil 8-oktyabr, Moskva, Rossiya) – sovet va rus arxitektori. Moskva, Novosibirsk, Praga, Boku va Toshkent metropolitenlarining yerosti va yerusti inshootlari loyihachisi.

Hayoti

Lev Nikolayevich Popov 1932-yil 18-martda tugʻilgan. Oʻrta maktabni tamomlagandan soʻng, Moskva arxitektura institutiga oʻqishga kirgan va u yerni 1965-yilda tamomlagan. Mehnat faoliyatini Metrogiprotrans institutida boshlagan. U oʻtgan asrning 70—80-yillarida qurilgan bir necha metro stansiyalari loyihalarining muallifi hisoblanadi. Lev Popov butun dunyoga Moskva metrosining meʼmori nomi bilan mashhur. Biroq, uni bir qancha avangard loyihalari uchun tez-tez tanqid qilishgan. Lev Popov buyuk sovet meʼmori Aleksey Nikolayevich Dushkin tomonidan ishlab chiqilgan meʼmorchilik tamoyillarini qayta koʻrib chiqish orqali oʻzining yangi ijodiy uslubini yaratgan^[2].

Lev Nikolayevich Popov oʻn uchta Moskva metro stansiyalari loyihalarining hammuallifi hisoblanadi. Shuningdek, Boku (Ganjlik bekati, 1967) va Toshkent (Mustaqillik maydoni bekati, 1977) shaharlaridagi metro bekatlarini loyihalashda ham faol tarzda ishtirok etgan^[3]. Lev Popovning soʻnggi loyihasi Dostoyevskaya metrosi boʻlib, 2010-yilda meʼmorning oʻlimidan keyin foydalanishga topshirilgangan^[4].

Loyihalari

Moskva metro stansiyalari

Bekat	Yoʻnalish	Ishga tushgan yili	Hammuallif
Chistye Prudy (qayta qurish)	1	1971-yil	A. F. Fokina
Turgenevskaya	6	1971-yil	A. F. Fokina
Polejaevskaya	7	1972-yil	A. F. Fokina
Belyaevo	6	1974-yil	V. G. Polikarpova, V. I. Klokov
Sxodnenskaya	7	1975-yil	A. F. Fokina
Babushkinskaya	6	1978-yil	V. I. Klokov
Ilyich maydoni	8	1979-yil	V. I. Klokov
Naximovskiy prospekti	9	1983-yil	V. S. Volovich, V. I. Klokov, G. S. Mun
Orexovo	2	1985-yil	V. S. Volovich, G. S. Mun
Borovitskaya	9	1986-yil	V. S. Volovich
Otradnoye	9	1990-yil	V. S. Volovich
Rimskaya	10	1995-yil	N. V. Rasstegnyayeva
Dostoyevskaya	10	2010-yil	N. V. Rasstegnyayeva

Boshqa metropolitanlarning bekatlari

Boku: „Ganjlik“ (hammuallif), 1967-yil.

Toshkent: „Mustaqillik maydoni bekati“, 1977-yil.

Novosibirsk: „Garin-Mixaylovskiy maydoni“, 1984-yil.

Praga: „Andel“, 1985-yil.

Mukofotlari

Lev Nikolayevich Popov metro stansiyalarini loyihalash boʻyicha tanlovlarda ishtirok etgan. Ushbu tanlovlarda oʻz loyihalari uchun bir necha bor taqdirlangan: