Li Yenson
| Li Yenson | |
|---|---|
| Tavalludi |
17-oktyabr 1914-yil Grodekovo qishlogʻi, Nikolsk-Ussuriysk tumani, Primorsk oʻlkasi, Amur viloyati, Rossiya imperiyasi |
| Vafoti | Aniq emas |
| Fuqaroligi |
 SSSR |
| Mukofotlari |
  |
Li Yenson, shuningdek, Li Yong Song (1914-yil 17-oktyabr, Grodekovo qishlogʻi, Nikolsk-Ussuriysk tumani, Primorsk oʻlkasi, Amur viloyati, Rossiya imperiyasi – oʻlim sanasi nomaʼlum) – Oʻzbekiston SSR, Toshkent viloyati, Oʻrta Chirchiq tumanidagi „Polyarnaya zvezda“ kolxozining aʼzosi. Sotsialistik Mehnat Qahramoni (1949)[1][2].
Hayoti
[tahrir | manbasini tahrirlash]Li Yenson 1914-yil 17-oktyabrda Nikolsk-Ussuri tumani Grodekovo qishlogʻida dehqon oilasida tugʻilgan. Koreys tili boshlangʻich maktabining 4-sinfini tamomlagan. 1929-yildan boshlab oʻzi tugʻilib oʻsgan qishlogʻidagi Chanseni kolxozida oddiy kolxozchi boʻlib ishlagan. Keyinchalik Grodekovskiy chegara otryadida sholichilik brigadasi rahbari boʻlgan (1934—1937). 1940—1943-yillarda harbiy gospital yordamchi xoʻjaligining sholichilik boʻlimi aʼzoligiga qabul qilingan.
1944-yildan Toshkent viloyatida yashab, Oʻrta Chirchiq tumanidagi „Polyarnaya zvezda“ kolxozida brigada boshligʻi boʻlib ishlagan. 1948-yilda Li Yenson jamoasi 5,1 gektar maydondan gektariga oʻrtacha 84,6 sentner sholi oldi. SSSR Oliy Kengashi Prezidiumining 1949-yil 18-maydagi farmoni bilan „Kolxozda barcha turdagi majburiy topshiriqlar va shartnomalarni toʻliq bajargani, sugʻoriladigan yerlarda qishloq xoʻjaligi mahsulotlari, sholidan yuqori hosil olgani uchun“ Sotsialistik Mehnat Qahramoni unvoni bilan taqdirlangan. Shuningdek, „1948-yilda MTS ishi uchun natura toʻlovlari va 1949-yil bahorgi ekinlarni ekish uchun tayyorlash, ularni toʻliq miqdorida urugʻlik bilan taʼminlashdagi ishtiroki uchun“ Lenin ordeni hamda "Oʻroq va Bolgʻa" oltin medali berilgan.
Li Yenson 1949-yildagi faoliyati natijalariga koʻra u 1950-yil ikkinchi bor Lenin ordeni bilan taqdirlangan.
1967—1968-yillarda Sirdaryo viloyatidagi „Kommunizm“ kolxozida ishlagan. 1968-yildan 1970-yilga (nafaqaga chiqqunga qadar) qadar Oʻrta Chirchiq tumanidagi „Polyarnaya zvezda“ kolxozida mehnat faoliyatini davom ettirdi. Kasaba uyushmasi tomonidan unga nafaqa belgilangan.
Oʻlim sanasi aniq emas.
Mukofotlari
[tahrir | manbasini tahrirlash]- Sotsialistik Mehnat Qahramoni[3]
- Lenin ordeni – ikki marta (1949, 1950)
- "Shavkatli mehnati uchun" medali (1951-yil 23-avgust)
Adabiyotlar
[tahrir | manbasini tahrirlash]- Шин Д. В., Советские корейцы Герои Социалистического труда, Алматы: Service Press, 2019
- Ким П. Г., Корейцы Республики Узбекистан, Ташкент: Узбекистон. 1993
- Ким Б. И., Корейцы Узбекистана. Кто есть кто, Ташкент, 1999
Manbalar
[tahrir | manbasini tahrirlash]- ↑ „Герой Социалистического Труда Ли Енсон“. www.warheroes.ru. Qaraldi: 20-noyabr 2023-yil.
- ↑ „Дмитрий Шин в Новой жизни и Солдатском“. www.koryo-saram.site. Qaraldi: 20-noyabr 2023-yil.
- ↑ „Список Героев Социалистического Труда (Ли — Лощёнова)“. www.infoteach.ru. Qaraldi: 20-noyabr 2023-yil.[sayt ishlamaydi]