Mangʻizor

Mangʻizor
qishloq
Mamlakat	Oʻzbekiston
Viloyat	Namangan viloyati
Tuman	Norin tumani
Hukumat
Rasmiy til(lar)i	oʻzbek
Vaqt mintaqasi	UTC+5:00
Telefon kodi	+998
Pochta indeks(lar)i	1604XX
Avtomobil kodi	50

Mangʻizor— Oʻzbekiston Respublikasi Namangan viloyati Norin tumanida joylashgan qishloq.

Etimologiyasi

Maʼlumotlarga koʻra, qishloq aholisining katta qismi Pop tumanidagi shu nomdagi qishloqdan koʻchib oʻtgan. Shu sababli mazkur qishloq Mangʻizor deb nomlana boshlangan. Mangʻizor toponimi haqida yana bir qancha farazlar mavjud. Tarixda mangʻi qabilasi ham boʻlgan. Ular odatda suvga yaqin, oʻtloq hududlarda isteqomat qilishgan. Margʻzor deganda oʻrmoncha, yashil yer, oʻtloq joy degan maʼno tushuniladi. Shu bilan birgalikda, Margʻ soʻzi qadimgi soʻgʻd tilida „buloq“ degan maʼnoni bildiradi. Tojik mumtoz adabiyoti tilida qadimdan mavjud boʻlgan murgʻ soʻzi: oʻt, maysa, alaf, maysazor yaʼni margʻzor, chamanzor maʼnolarini beradi. Margʻ va margʻzor soʻzlari eski oʻzbek tilida, shuningdek, Alisher Navoiy asarlarida ham juda koʻp uchraydi. Unda keltirilishiga koʻra, margʻ soʻzi oʻt, hayvonlar yeydigan oʻsimlik, margʻzor esa oʻtloq yoki hayvonlar oʻtlaydigan joy sifatida keltiriladi. „Navoiy asarlari lugʻati“ nomli asarda margʻ, margʻzor soʻzlarining arabcha deb belgilanishiga qoʻshilib boʻlmaydi.