Mavlono Kavsariy II

Mavlono Kavsariy II (XV–XVI asr) – fors-tojik tilida ijod qilgan hirotlik shoir. Nomi “Majolis un-nafois”ning uchinchi majlisida tilga olinadi.Alisher Navoiy uning yoshlikdan nazm aytishga iqtidori borligini, lekin ijod qilishga koʻp ragʻbat koʻrsatavermasligini, Xoja Osafiy bilan qilgan suhbatlari chogʻida baʼzan sheʼr bitishini aytadi. “Majolis un-nafois”da uning quyidagi bayti keltirilgan:

Muhtasib gar rind boshad dayrro dar vo kunad,

Bahri rindon boda az zeri zamin paydo kunad.

(Mazmuni: Muhtasib agar rind boʻlsa mayxona eshigini oʻzi ochib beradi. Rindlar uchun mayni yer ostidan boʻlsa ham paydo qiladi).