Mavlono Mashriqiy
Mavlono Mashriqiy (XV asr) – fors-tojik tilida ijod qilgan mashhadlik shoir. Nomi “Majolis un-nafois”ning ikkinchi majlisida tilga olinadi. Alisher Navoiy uning kosagarlik (kulolchilik) bilan shugʻullangani, darvesh boʻlgani, Abdurahmon Jomiy va bilan ulugʻ zotlar xizmatiga yetishganligini taʼkidlab, “Majolis un-nafois”da uning hayotdan shikoyat tarzida yozilgan sheʼridan bir bayt keltiradi:
Az chist surx panjai marjonu poi bat,
Gar xun bajoi ob ravon nest dar bihor.
(Mazmuni: Marjon (suv hayvoni) panjasi va oʻrdak oyogʻining qizilligi daryolarda suv oʻrniga qon oqqanidan boʻlmay, nimadan boʻlsin?!)[1][2]
Mavono Mashriqiy Hirotda vafot etgan.