Kontent qismiga oʻtish

Meizhoudagi yoʻl oʻpirilishi (2024)

Koordinatalari: 24°29′24″N 116°40′24″E / 24.49000°N 116.67333°E / 24.49000; 116.67333
Vikipediya, ochiq ensiklopediya
Meizhoudagi yoʻl oʻpirilishi
Koordinatalari24°29′24″N 116°40′24″E / 24.49000°N 116.67333°E / 24.49000; 116.67333

Meilong trassasidagi oʻpirilish — 2024-yil 1-may kuni Xitoyning Meizhou shahrida mahalliy vaqt bilan, taxminan, 02:10 da sodir boʻlgan halokatli hodisa. Hodisa oqibatida 48 kishi halok boʻldi[1], 30 kishi jarohatlandi[2]. Hodisa Meilong katta trassasidagi Futszyan yoʻnalishida, K11 yoʻlidan, taxminan, 900 metr uzoqlikda, Guandun provinsiyasining Meizhou shahrida sodir boʻlgan[3].

Kelib chiqishi[tahrir | manbasini tahrirlash]

Trassa yoʻnalishi[tahrir | manbasini tahrirlash]

Meilong yoʻli Meijiang tumanini Guandun provinsiyasining Meychjou shahrida joylashgan Dabu okrugi bilan bogʻlaydigan avtomobil yoʻlidir. Yoʻlning voqea sodir boʻlgan qismi 2014-yil 31-dekabrda foydalanishga topshirilgan. Loyihaning qurilishi ham, rekonstruksiyasi ham Guangdong Communications Group kompaniyasi tomonidan amala oshirilgan edi.

2023-yil 1-aprel kuni Meilong ekspress yoʻli kuchli yomgʻir tufayli qulab tushgan. Voqea oqibatida hech kim jabrlanmagan boʻlsa-da, 9-may soat 24:00 ga qadar qatnov toʻxtatilgan edi.

Ob-havo[tahrir | manbasini tahrirlash]

Hodisadan oldin Guandunda kuchli yogʻingarchilik kuzatilgan edi. Oʻsha kuni Guandunning koʻplab hududlari meteorologik ofat haqida ogohlantirishlar eʼlon qilgan. 1-may kuni soat 08:19 holatiga koʻra, viloyat boʻylab 41 marta yomgʻir, 48 marta momaqaldiroq va shamol va 5 marta doʻl haqida ogohlantirish berilgan.

Aprel oyida Meychjouda bir necha marta kuchli yogʻingarchilik sodir boʻldi va bu oy rekord natija qayd etgan edi. 1-apreldan 30-aprelgacha Dabu okrugiga 628,2 millimetr yogʻingarchilik boʻldi, bu oʻrtacha yogʻingarchilik miqdori, 228,4 millimetrdan 2,75 baravar yuqori. Meteorologik nazoratlar shuni koʻrsatdiki, 30-aprel ertalab soat 8:00 dan 1-may ertalab 8:00 gacha Dabu okrugida yogʻingarchilik miqdori oʻrtacha 48,9 millimetr va maksimal 66,1 millimetrni tashkil etdi.

30-aprel kuni Guandun provinsiyasi transport departamentining xabarnomasida aytilishicha, davomli kuchli yogʻingarchilik tufayli Guandundagi ayrim avtomagistrallar hamda boshqa katta va kichik yoʻllarga ham shikast yetgan.

Hodisa sabablari[tahrir | manbasini tahrirlash]

Hodisa kelib chiqishiga doir anoq sabablar keltirilmagan. Dastlabki taxminlarga koʻra, bu geologik tuzilish, suv eroziyasi, qurilish sifati va boshqa omillar bilan bogʻliq boʻlishi mumkin.

Yoʻqotishlar[tahrir | manbasini tahrirlash]

Yoʻlning zararlangan qismi uzunligi, taxminan, 17,9 metrni, maydoni esa taxminan 184,3 kvadrat metrni tashkil etdi[4].

Soat 14:00 holatiga koʻra, 2-may kuni 23 ta mashina hodisa sodir boʻlgan joyda qamalib qolgan, natijada 48 kishi halok boʻlgan va 30 kishi jarohatlangan. Aksariyat avtomobillar loyga koʻmilgan, baʼzi mashinalar esa yonib ketgan[5]. Jarohatlangan 30 kishi, asosan, suyak jarohati, bosh jarohati va oʻpka siqilishidan aziyat chekkani aniqlangan. Yigirma sakkiz nafari Meizhou xalq kasalaxonasida, ikki nafari Dabu xalq kasalxonasida davolanishga olib borilgan[6].

Munosabat[tahrir | manbasini tahrirlash]

1-may kuni Guandun provinsiyasi va Meizhou munitsipaliteti avariyadan qutqaruv operatsiyasi uchun qoʻmondonlik shtabini tuzdi. Voqea joyida qutqaruv ishlariga jamoat xavfsizligi, favqulodda vaziyatlarni bartaraf etish, yongʻin, sogʻliqni saqlash, transport va kon-qutqaruv otryadlarining 500 dan ortiq xodimlari safarbar etilgan. Guandun provinsiyasi Xitoy Kommunistik partiyasi qoʻmitasi kotibi Huang Kunming ikkita video orqali yigʻilish oʻtkazib, koʻrsatmalar berdi. Guandun provinsiyasi gubernatori Van Veychun favqulodda vaziyatlarni bartaraf etish ishlarini boshqarish uchun falokat joyiga zudlik bilan yetib kelgan.

Manbalar[tahrir | manbasini tahrirlash]

  1. ↑ „Highway collapse kills dozens in southern China“. CNN.com (2024-yil 2-may). Qaraldi: 2024-yil 3-may.
  2. ↑ Dong, Joy; Bradsher, Keith „Expressway Collapses in Southern China Amid Heavy Rains, Killing 36“. The New York Times (2024-yil 1-may). Qaraldi: 2024-yil 1-may.
  3. ↑ „China highway collapse: Death toll rises to over 40 – DW – 05/02/2024“ (en). dw.com. Qaraldi: 2024-yil 4-may.
  4. ↑ „广东梅大高速发生路面塌方事故 造成19人死亡-中新网“ (zh). www.chinanews.com.cn. Qaraldi: 2024-yil 4-may.
  5. ↑ „截至2日下午2时，梅大高速茶阳路段发生塌方灾害致48人死亡_南方网“ (zh). news.southcn.com. Qaraldi: 2024-yil 4-may.
  6. ↑ 新浪新闻综合 „梅大高速塌方灾害伤者情况如何？省市医疗专家披露救治详情“ (zh). news.sina.com.cn (2024-yil 2-may). Qaraldi: 2024-yil 4-may. 
"https://uz.wikipedia.org/w/index.php?title=Meizhoudagi_yoʻl_oʻpirilishi_(2024)&oldid=4444440" dan olindi