Muborak IEM
| Muborak issiqlik elektr markazi | |
|---|---|
| Mamlakat |
 Oʻzbekiston |
| Joylashuvi | Qashqadaryo viloyati Muborak tumani Muborak sanoat hududi |
| Egasi | „Issiqlik elektr stansiyalari“ AJ |
| Maqomi | „IES“ AJ Muborak IEM filiali |
| Asosiy tavsifi | |
| Elektr quvvati, MVt | 476 mVt |
| Uskunalar tavsifi | |
| Asosiy yoqilgʻi | tabiiy gaz |
| Xarita | |
.png)
40°26′56″N 71°45′55″E / 40.44889°N 71.76528°E
Muborak issiqlik elektr markazi yoki Muborak IEM – Oʻzbekistonda qurilgan 3 ta issiqlik elektr markazidan biri (qolgan ikkitasi Toshkent IEM va Fargʻona IEM). "Issiqlik elektr stansiyalari" AJ tarkibida[1]. Qashqadaryo viloyati Muborak tumani Konchilar mahallasida, Muborak sanoat hududida joylashgan. 476 nafar xodim ishlaydi[1].
Oʻrnatilgan quvvati 476 MVt[1]. Yoqilgʻi turi – tabiiy gaz[2].
Muborak IEM "Issiqlik elektr stansiyalari" AJ tarkibiga kiritilgunga qadar[3] foyda soligʻi toʻlaligicha respublika budjetiga yoʻnaltiriladigan yirik soliq toʻlovchilar qatorida qayd etilgan[4].
2023—2027-yillarda Muborak issiqlik elektr markazi kogeneratsion elektr qurilmasini ikki bosqichda oʻrnatish loyihasi davlat dasturiga kiritilgan. Loyiha quvvati 108 MVtni, umumiy qiymati esa 182,0 mln dollarni tashkil qiladi. Bunda toʻgʻridan-toʻgʻri xorijiy investitsiyalar va kreditlar miqdori $8 mlnga teng. Loyiha Misrning „Elsevedy Electric“ kompaniyasi ishtirokida amalga oshiriladi. Birinchi bosqich 2023—2026-yillarga, ikkinchisi esa 2023—2027-yillarga moʻljallangan[5].
Tarixi
[tahrir | manbasini tahrirlash]2021-yil 1-fevral kuni Energetika vazirligi Muborak IEMni modernizatsiya qilish boʻyicha Koreyaning SK Engineering & Construction kompaniyasi bilan 600 mln dollarlik shartnoma imzoladi. Unga koʻra, Oʻzbekiston hukumati IEM generatsiya qilgan elektr energiyasini 25 yil davomida xarid qiladi[2].
2023-yil 4-may kuni Berlinda Oʻzbekiston Energetika vazirligi va Germaniyaning Siemens Energy kompaniyasi bilan Muborak IEM va Buxoro shahridagi 3-sonli issiqlik taʼminoti qozonxonasida gaz trubinasi oʻrnatish boʻyicha 72 mln yevrolik shartnoma imzoladi. Shartnomaga binoan Muborakda har birining quvvati 54 MVt boʻlgan ikkita gaz trubina oʻrnatiladi[6].
Quyosh fotoelektr stansiyasi
[tahrir | manbasini tahrirlash]2023-yil mart oyida Muborak IEM hududida quvvati 1,2 MVt boʻlgan quyosh fotoelektr stansiyasi uchun quyosh panellari oʻrnatilishi boshlandi[7]. Iyul oyida esa QFS ishga tushirildi. 1,3 gektar maydonda 1780 ta quyosh panellari oʻrnatilgan. Stansiya 500 ming kub metr tabiiy gazni tejab, 2,7 mln kVt*soat elektr energiyasi generatsiya qilish imkonini beradi. Ushbu energiya IEMning oʻz ehtiyojlari uchun foydalaniladi[8].
Manbalar
[tahrir | manbasini tahrirlash]- ↑ 1,0 1,1 1,2 „Kompaniyalar guruhi“. tpp.uz. Toshkent: Issiqlik elektr stansiyalari (korxona). Qaraldi: 19-iyul 2024-yil.
- ↑ 2,0 2,1 „Muborak issiqlik stansiyasi Koreya kompaniyasi tomonidan rekonstruksiya qilinadi“. Toshkent: Spot.uz. Afisha Media (2021-yil 2-fevral). Qaraldi: 19-iyul 2024-yil.
- ↑ „“Issiqlik elektr stansiyalari” AJning ustav kapitaliga o‘tkazilayotgan davlat va “O‘zbekenergo” AJning ulushlari (O‘zbekiston Respublikasi Prezidentining 2019-yil 27-martdagi PQ-4249-son qaroriga 3-ILOVA)“. lex.uz. Toshkent: Oʻzbekiston Respublikasi Adliya vazirligi (2019-yil 27-mart). Qaraldi: 30-iyul 2024-yil.
- ↑ „O‘zbekiston Respublikasining “2023-yil uchun O‘zbekiston Respublikasining davlat budjeti to‘g‘risida”gi qonuni ijrosini ta’minlash chora-tadbirlari to‘g‘risidagi prezidentning PQ-471-sonli Qarori“. lex.uz. Toshkent: Oʻzbekiston Respublikasi Adliya vazirligi (2022-yil 30-dekabr). Qaraldi: 30-iyul 2024-yil.
- ↑ „O‘zbekiston Respublikasining 2024-yil II choragiga mo‘ljallangan investitsiya dasturini amalga oshirish chora-tadbirlari to‘g‘risidagi 286-sonli Vazirlar Mahkamasining qarori“. lex.uz. Toshkent: Oʻzbekiston Respublikasi Adliya vazirligi (2024-yil 16-may). Qaraldi: 30-iyul 2024-yil.
- ↑ „“ISSIQLIK ELEKTR STANSIYALARI” AJ VA “SIEMENS ENERGY” YANGI ISTIQBOLLI LOYIHANI BIRGALIKDA AMALGA OSHIRADI“. minenergy.uz. Energetika vazirligi (2023-yil 4-may). Qaraldi: 19-iyul 2024-yil.
- ↑ „Muborak IEMda quvvati 1,2 MVt bo‘lgan quyosh fotoelektr stansiyasi qurilmoqda“. Spot.uz. Afisha Media (2023-yil 31-mart). Qaraldi: 19-iyul 2024-yil.
- ↑ Polyakov, Svyatoslav. „Muborakdagi issiqlik elektr stansiyasida 1,2 MVt quvvatga ega fotoelektr stansiya ishga tushirildi“. uz.kursiv.media. Kursiv Media (2023-yil 17-iyul). Qaraldi: 19-iyul 2024-yil.