Muhammad al-Xoʻtaniy

Muhammad al-Xoʻtaniy
Shaxsiy maʼlumotlar
Tavalludi	milodiy 1800-yil (hijriy 1214-yil)
Vafoti	milodiy 1969-yil (hijriy 1389-yil)
Dini	Islom
Tanilgan sohasi	mudarris

Muhammad ibn Ibrohim ibn Saʼdulloh ibn Abdurrahim al-Fuzayliy al-Xoʻtaniy (hijriy 1214-yil (milodiy 1800-yil)da tugʻilib, Madinada hijriy 1389-yil (milodiy 1969-yil)da vafot etgan) — turkistonlik mudarris boʻlgan. Turkiston hududidagi Xoʻtanga qarashli Qaraqosh shahrida tugʻilgan. Shu yerda va Qoshg‘ar shahrida bilim olgan. Soʻngra Ostonaga, undan hoji boʻlib Makkaga borgan va Madinai munavvarada turgan. „Nizomiya“ madrasasida, soʻngra sharʼiy ilmlar madrasasida dars bergan. Saudiya Arabistoni hukumati uni Madinadagi kutubxonalarga va keyinroq esa Ommaviy kutubxonaga boshliq qilib tayinlagan. U Shom, Iroq, Turkiya va boshqa oʻlkalarga safar qilgan. U arab tili bilan birgalikda, urdu, turk, forsiy va buxoriy tillarini ham yaxshi bilgan. „Nabaviya“ masjidida dars bergan. Arab va boshqa tillarda koʻp kitoblar tasnif qilgan.

Asarlari

• „Majmuʼatu-l-fatovo“ („Fatvolar toʻplami“);
• „Tanqihu-n-nahviy“ („Grammatikani qayta koʻrib chiqish“);
• „Tuhfatu-l-mustajiriyn biasonidiaʼlami-l-muhizziyn fi-l-hadis“ („Hadis ilmi dargʻalaridan yordam soʻrovchilarning tuhfasi“);
• „Fathur-raʼuf zi-l-minan fi tarojimi ulamoi Xoʻtan“ („Xoʻtan ulamolarining tarjimai hollari haqida mehr sohibi boʻlgan mehribonning zafari“).