Nyu-Yorkdagi Fors paradi

Fors Paradi (forscha: رژه نوروزی ایرانیان نیویورک; inglizcha: NY Persian Parade) — Amerika Qoʻshma Shtatlarining Nyu-York shahrida har yili mart oyida boʻlib oʻtadigan forslar, Eronliklar va Buyuk Eronga kiruvchi baʼzi mamlakatlar va xalqlarning madaniy va Navroʻz paradidir. Parad asoschilari va rahbarlarining asosiy qismi 1979-yilda Eronda yuz bergan Islom inqilobidan qochgan immigrantlardir^[1].

Ushbu parad ilk bor 2004-yilda Navroʻz bayrami ayyomida, AQShda istiqomat qiladigan Eronlik immigrantlar tomonidan oʻtkazilgan edi va keyinchalik har yili mart oyining oʻrtalarida oʻtkaziladigan marosimga aylandi^[2]. Paradda nafaqat forslar va Eronliklar, balki Afgʻoniston, Tojikiston, Kurdiston, Oʻzbekiston va Ozarbayjondan boʻlgan immigrantlar va muxojirlar ham qatnashib keladi. Paradda turli-xil koʻrgazmalar, milliy taomlar, qoʻshiqlar, kiyimlar va raqslar namoyish etiladi. Parad ishtirokchilari kolonna sifatida Nyu-Yorkning markaziy koʻchalaridan tomoshabinlar olqishida oʻtishadi^[2].

Manbalar

↑ „BBC فارسی - جهان - گالری عکس: جشن سالانه ایرانیان در نیویورک (1)“.
↑ ^2,0 ^2,1 „arxiv nusxasi“. 2009-yil 30-mayda asl nusxadan arxivlangan. Qaraldi: 2016-yil 27-aprel.

Havolalar

Parad rasmiy sayti (Wayback Machine saytida 2020-06-27 sanasida arxivlangan)
2016-yildagi Fors Paradidan fotomaqola
2015-yildagi Fors Paradi toʻliq videolavhalari (YouTube)
2014-yildagi Fors Paradi videolavhalari (YouTube)

[1] „BBC فارسی - جهان - گالری عکس: جشن سالانه ایرانیان در نیویورک (1)“.

[america.gov-2] 2,0 ^2,1 „arxiv nusxasi“. 2009-yil 30-mayda asl nusxadan arxivlangan. Qaraldi: 2016-yil 27-aprel.

[1]

[2]