Olimxontoʻra Shokirxontoʻrayev
 | Bu maqola ayni damda faol tahrirlanyapti. Iltimos, mazkur ogohlantirish xabari sahifadan olib tashlanmagunga qadar sahifaga oʻzgartirishlar kiritmay turing. Aks holda, tahrirlar toʻqnashuvi yuz berishi mumkin. Bu sahifa oxirgi marta 12:48, 2-dekabr 2024 (UTC) (7 kun avval) da tahrir qilingan. |
| Olimxontoʻra Shokirxontoʻrayev | |
|---|---|
| Tavalludi |
XIX asr 80-yillari boshi Toʻqmoq shahri (hozirgi Qirgʻiziston) |
| Vafoti |
Maʼlum emas Maʼlum emas |
| Otasi | Shokirxontoʻra |
| Qarindoshlari | Alixontoʻra Sogʻuniy (ukasi) |
Olimxontoʻra Shokirxontoʻrayev – Turkiston muxtoriyati Milliy Majlisi aʼzosi, jamoat arbobi. Turkistondagi mashhur ulamo, harbiy sarkarda va jamoat arbobi Alixontoʻra Sogʻuniyning akasi[1].
Bolaligi
[tahrir | manbasini tahrirlash]Turkistonning Toʻqmoq shahrida XIX asr 80–yillari boshlarida ulamo Shokirxontoʻra hoji xonadonida tugʻilgan. Bolaligi oʻzbeklar orasida oʻtgan. Toʻqmoq va Bolasogʻunda yashagan. Uygʻurlar va koʻchmanchi qirgʻizlar orasida ham katta hurmatga sazovor boʻlgan.
Siyosiy faoliyati
[tahrir | manbasini tahrirlash]1917-yil noyabrda eʼlon qilingan Turkiston muxtoriyati hukumati faoliyatida qatnashgan. Turkiston Milliy Majlisi aʼzosi. Muxtoriyat hukumati agʻdarilgach, Qoʻqondan chiqib ketadi va chorvadorlar orasida yashaydi. Alixontoʻra Sogʻuniyning „Turkiston qaygʻusi“ xotiralar kitobida yozilishicha, Qoʻqon fojialaridan 2—3-yil keyin u akasi Olimxontoʻra taqdiri bilan qiziqib, Qoshgʻar safaridan soʻng oʻz yashash joyi – Bolasogʻun va Toʻqmoqdan Qoʻqon va Andijonga keladi. Andijon shahrida Xoʻtanariq boʻyidagi ota mahallasida yashovchi pochchasi Abdullahoji uyida Alixontoʻra oʻz akasi Olimxontoʻra bilan koʻrishadi[2][3]. Olimxontoʻraning keyingi taqdiri haqida maʼlumotlar uchramaydi.
Yana qarang
[tahrir | manbasini tahrirlash]Turkiston muxtoriyati
Alixontoʻra Sogʻuniy
Manbalar
[tahrir | manbasini tahrirlash]- ↑ Rajabov Qahramon. Turkiston muxtoriyati vazirlari hamda Milliy Majlis aʼzolari hayoti va taqdiri. Toshkent, 2021. 70-71-betlar.
- ↑ Alixontoʻra Sogʻuniy. Turkiston qaygʻusi. Birinchi kitob. Kirish soʻzi muallifi va muharrir: Uvaysxontoʻra Shokirov. Toshkent:"Sharq", 2013. 66—80-betlar.
- ↑ Rajabov Qahramon. Turkiston muxtoriyati vazirlari hamda Milliy Majlis aʼzolari hayoti va taqdiri. Toshkent, 2021. 70-71-betlar.
 |