Omir Arbinjoniy

Omir Arbinjoniy
Shaxsiy maʼlumotlar
Vafoti	905-906-yil
Dini	Islom
Tanilgan sohasi	Muhaddis

Omir Arbinjoniy (arabcha: أمير الاربنجني) — Muhaddis

Toʻliq ismi Abu Muslim Omir ibn Mukomil ibn Muhammad ibn Qutn ibn Usmon ibn Abdulloh ibn Osim ibn Xolid ibn Qurra ibn Mushrif Hamadoniy Arbinjoniy. Omir Arbinjoniy boshlangʻich taʼlimni Samarqandga qarashli Arbinjon qishlogʻida bobosi Muhammad ibn Qutndan olgan. Chunki, uning bobosi Muhammad ibn Qutn ham oʻz zamonasining ilimli, fozil va taniqli hadis roviysi boʻlgan. Omir Arbinjoniy toʻgʻri soʻz, ishonchli va fozil kishi boʻlib ulgʻaygan. U tomonidan rivoyat qilingan hadislar ishonchli hisoblangan. U doimo eshitgan va bilganlarini yozib yurgan.

Ustozlari

Omir Arbinjoniy Abu Salama Yahyo ibn Mugʻira Maxzumiy, Hoshim ibn Qosim Haroniy, Horun ibn Muso Faravyi, Salama ibn Shubayb kabi allomalardan taʼlim olgan va ulardan hadislar rivoyat qilgan.

Shogirdlari

Omir Arbinjoniydan Muhammad ibn Ahmad ibn Hoshim Zahabiy, Abdurahmon ibn Fath Siroj va Muhammad ibn Zakaryo ibn Husayn Nasafiy kabi allomalar taʼlim olgan va hadis rivoyat qilgan.

Vafoti

Manbalarning guvohlik berishicha, Omir Arbinjoniy 293/905-906 yilda vafot etgan.