Osiyo va Afrika xalqlari birdamlik tashkiloti

Osiyo va Afrika xalqlari birdamlik tashkiloti (OSNAA) — xalqaro jamoat tashkiloti boʻlib, uning maqsadi Osiyo va Afrika xalqlarining imperializm, mustamlakachilik, neokolonializm, irqchilik, sionizm va fashizm"ga qarshi ozodlik kurashini birlashtirish, muvofiqlashtirish va kuchaytirishni hamda ularning iqtisodiy, ijtimoiy va madaniy rivojlanishini taʼminlashni o‘z oldiga vazifa qilib qo‘ygan. Ushbu tashkilotning Bosh qarorgohi — Qohirada joylashgan.

Tarixi

Osiyo-Afrika birdamlik^{[sayt ishlamaydi]} kengashi nomi ostida Qohirada (1957-yil 26-dekabr — 1958 -yil 1-yanvar) Birinchi Osiyo-Afrika birdamlik konferensiyasi (2016-yil 8-martda Wayback Machineda arxivlangan)da tashkil etilgan. Keyinroq 1960-yil aprel oyida Konakridagi ikkinchi konferensiyada Osiyo va Afrika xalqlari birdamlik tashkiloti (OSNAA)ga aylantirilgan.

OSNAA nizomi 1974-yilda qabul qilingan. Tashkilot 80 ga yaqin aʼzo tashkilotlarni birlashtiradi; Yevropa sotsialistik mamlakatlari birdamlik qoʻmitalari OSNAA faoliyatida assotsiativ aʼzo sifatida, bir qator xalqaro tashkilotlar, jumladan, WFTU, WFDW, WFDY, Butunjahon tinchlik kengashi, Xalqaro talabalar ittifoqi ham kuzatuvchi sifatida ishtirok etgan.

OSNAAning oliy organi — qurultoy (uch yilda bir marta chaqiriladi); tashkilot rahbarlari — OSNAA aʼzolari va kuzatuvchilardan iborat yillik Kengash sessiyalari, yiliga 2 marta — aʼzolari harakatning taniqli namoyandalari bo‘lgan muvofiqlashtiruvchi organ Prezidiumining sessiyalari chaqirilgan. Ishchi organ Bosh kotib boshchiligidagi Doimiy kotibiyat hisoblangan.

OSNAA oylik „Afro-Asiatic Peoples“ (ingliz, arab va fransuz tillarida) jurnalini nashr etgan.

Mazkur tashkilotga (OSNAA) 2008-yildan 2011-yilgacha misrlik taniqli yozuvchi va jamoat arbobi Ahmad Hamrush^[1] prezident bo‘lgan.

2008-yilda Qohirada Osiyo va Afrika xalqlari birdamlik tashkilotining 50 yilligiga bagʻishlangan xalqaro konferensiya boʻlib oʻtgan^[2].

Yana qarang

Osiyo va Afrika mamlakatlari birdamligi Sovet qoʻmitasi
Osiyo, Afrika va Lotin Amerikasi xalqlarining birdamlik tashkiloti

Manbalar

↑ Axmed Xamrush (Seyranyan B. G.) // Afrika. Ensiklopediya. t. 2 / M.2010 — S.865.
↑ „А. Дзасохов принял участие в международной конференции, посвященной 50-летию организации солидарности народов Азии и Африки“. 2019-yil 25-noyabrda asl nusxadan arxivlangan. Qaraldi: 2011-yil 18-iyun.

Havolalar

Organizatsiya solidarnosti narodov Azii i Afriki — statya iz Bolshoy sovetskoy ensiklopedii.

[1] Axmed Xamrush (Seyranyan B. G.) // Afrika. Ensiklopediya. t. 2 / M.2010 — S.865.

[2] „А. Дзасохов принял участие в международной конференции, посвященной 50-летию организации солидарности народов Азии и Африки“. 2019-yil 25-noyabrda asl nusxadan arxivlangan. Qaraldi: 2011-yil 18-iyun.

[1]

[2]