Otabek Mahkamov
| Otabek Mahkamov | |
|---|---|
Otabek Mahkamov | |
.JPG) Otabek Mahkamov 2012-yilda | |
| Tavalludi |
5-sentyabr 1984-yil |
| Fuqaroligi |
 Oʻzbekiston |
| Kasbi | Aktyor, huquqshunos, Internet persona |
| Faoliyat yillari | 2010 — bugun |
Otabek Mahkamov (1984-yil 5-sentabr kuni Fargʻona yoki Toshkent shahrida tugʻilgan) — oʻzbekistonlik kino aktyor, huquqshunos va Internet persona. Mahkamov bir necha oʻzbek filmlaridagi yordamchi rollari bilan eʼtibor qozongan. Mahkamov odatda salbiy rollarni oʻynaydi. U yana oʻzbek qoʻshiqchilarning bir necha klipida ham rol oʻynagan, jumladan, Ozodbek Nazarbekovning „Meni kuchliroq sev“ qoʻshigʻi klipida.
Mahkamov oʻzining ilk rolini 2010-yil „Boʻrilar 3: Oxirgi qarz“ filmida jinoiy qidiruv vakili boʻlib oʻynagan. Aktyor „Majruh“ filmida tergovchi rolini oʻynaganidan soʻng Oʻzbekistonda eʼtibor qozondi. Mahkamov rol oʻynagan boshqa eʼtiborga loyiq filmlarga „Men yulduzman“ (2012), „Jodugar“ (2012), „Yondiradi-kuydiradi“ (2012) va „Fotima“ (2013) filmlari kiradi. 2016-yilda Mahkamov New York shahriga koʻchib borib, YouTubeda video blog yuklay boshladi.[1]
2015-yil Mahkamov oʻz tugʻilgan shahri, taʼlimi va qobiliyatlari haqda har xil va yolgʻon maʼlumotlarni berib borishi oshkor boʻldi.[2] Bu haqda ilk maqola 2015-yilning yanvarida qarorgohi Oʻsh shahrida boʻlgan „Ijodkor“ adabiyot saytida chop etildi.[3] Bir oydan keyin Sayyod saytida Mahkamovning oʻzbek jurnalistlariga oʻzi haqda yolgʻon maʼlumot berib kelayotgani toʻgʻrisida qisqa maqola chop etildi.[4] Maqolada Mahkamov ochiqchasiga tanqid qilinmadi, lekin uning toʻliq versiyasi keyinroq chop etilishi bildirildi.
Mahkamov „Bekajon“ gazetasiga bergan intervyusi davomida oʻziga qoʻyilgan ayblovlarni rad etdi.[2] Ammo u oʻzi haqda jurnalistlarga bergan qarama-qarshi maʼlumotlarni izohlab berishdan bosh tortdi va „Siz aytayotgan mish-mishda ... asos yoʻq!“, deyish bilan cheklandi.[2]
Hayoti
Otabek Mahkamov 1984-yil 5-sentabrda yoki Fargʻona, yoki Toshkent shahrida tugʻilgan. Mahkamov bergan ayrim intervyularida tugʻilgan shahri Toshkent ekanligini,[5] boshqa intervyularida esa Fargʻonada[6] tugʻilganini aytgan. Otasi Abduvahob Sattorovich Mahkamov yoshligida vafot etgan. 2009-yil onasi Raʼno Erkinovna vafot etgan.[7]
Ish faoliyati
Oʻzbekistonda chop etiladigan gazetalarda yozilishicha, Mahkamov huquqshunoslik boʻyicha oliy maʼlumotga ega va shu sohada faoliyat olib boradi.[8][9][10][11][12] Gazeta-jurnallarda tarqatilgan maʼlumotga koʻra, u hozirda Oʻzbekiston hisobchilar va auditorlar milliy birlashmasida dars beradi.[5][13][14]
Mahkamov oʻzining ilk rolini 2010-yil „Boʻrilar 3: Oxirgi qarz“ filmida jinoiy qidiruv vakili boʻlib oʻynagan.[6] Aktyor „Majruh“ filmida tergovchi rolini oʻynaganidan soʻng Oʻzbekistonda qisman eʼtibor qozondi. Mahkamov rol oʻynagan boshqa eʼtiborga loyiq filmlarga „Men yulduzman“ (2012), „Jodugar“ (2012), „Yondiradi-kuydiradi“ (2012) va „Fotima“ (2013) filmlari kiradi.[15]
Mahkamov filmlarda rol oʻynash bilan birga oʻzbekistonlik qoʻshiqchilar kliplarida ham rollar ijro etib turadi. Jumladan, aktyor Ozodbek Nazarbekovning „Meni kuchliroq sev“ qoʻshigʻi klipida rol oʻynagan.[8][16]
Mahkamov yana mashhur kishilardan intervyu olib, ularni turli xil gazeta-jurnallarda chop etgan.[13][14] Shu kungacha u Cary-Hiroyuki Tagawa,[17] Frédéric Diefenthal,[18] Armand Assante,[19] Ennio Morricone,[20] va Mithun Chakrabortylardan[21] olgan intervyularini chop etgan.
Tanqidi
2015-yilda Mahkamov oʻz tugʻilgan shahri, olgan taʼlimi va qobiliyatlari haqda har xil va yolgʻon maʼlumotlarni berib borishi oshkor boʻldi.[2][3] Bu qarama-qarshiliklarning yuzaga chiqishiga Mahkamovning Oʻzbekcha Vikipediya administratorlaridan biriga oʻzi haqda maqola yaratilishini iltimos qilib murojaat qilishi sabab boʻldi.[3] Bu haqda ilk batafsil maʼlumot 2015-yilning yanvarida markazi Oʻsh shahrida boʻlgan „Ijodkor“ adabiyot saytida chop etildi. 2015-yilning 8-mart kuni Sayyod saytida Mahkamovning oʻzbek jurnalistlariga oʻzi haqda yolgʻon maʼlumot berib kelayotgani toʻgʻrisida qisqa maqola chop etildi.[4] Maqolada Mahkamov ochiqchasiga tanqid qilinmadi, lekin uning toʻliq versiyasi keyinroq chop etilishi bildirildi.
Oʻz taʼlimi haqidagi iddaolari
Oʻzbekcha gazeta-jurnallarga koʻra, Mahkamov Budapesht shahrida joylashgan „Markaziy Yevropa huquqshunoslik universiteti“da oʻqigan.[6][16] Baʼzi intervyularida Mahkamov aynan shu universitetni „BMT qoshidagi Markaziy Yevropa huquqiy universiteti“ deb atagan.[12] Boshqa bir maqolada boʻlsa Mahkamov „Yevropa huquqni muhofaza qilish organlari akademiyasining xalqaro xususiy huquq boʻyicha yuridik fanlari doktori“ deb yozilgan.[22] Aslida Budapesht shahrida yoki boshqa yerda bu nom bilan ataluvchi universitet mavjud emas. Mahkamovdan balki u Markaziy Yevropa universitetini nazarda tutgani soʻralganda, aktyor „Demak bu oʻsha“, deb javob berdi.[3] Ammo oliygoh xodimlari u yerda Otabek Mahkamov ismli shaxs tahsil olmaganini rasman bildirishdi.
Mahkamov ayrim intervyularida aslida mavjud boʻlmagan „Markaziy Yevropa huquqshunoslik universiteti“ni PhD (falsafa doktori) darajasi bilan tamomlaganini iddao qilgan.[23] Yana bir intervyusida PhD darajasini 2005-yil olganini iddao qilgan.[24] Oʻsha paytda Mahkamov 21 yoshda boʻlgani va maktabni bitirganiga endigina toʻrt yil boʻlgani eʼtiborga olinib, bu iddao ham yolgʻon ekanligi aytildi.[3]
Mahkamov baʼzi intervyularida „Yevropa universiteti“da shunchaki malaka oshirganini aytgan. Yana bir intervyusida „Markaziy Yevropa huquqiy universiteti“da bakalavr darajasida olish uchun oʻqiganini, keyin AQSHda magistratura qilganini aytgan, ammo aniq qachon va qayerdaligini ochiqlamagan.[12]
Tarjimonlik qobiliyati haqidagi iddaolari
Mahkamov muntazam ravishda ingliz tilini mukammal bilishini hamda ingliz tili unga ona tilidek boʻlib qolganini taʼkidlab keladi.[5][11] Mahkamovning bu iddaosi ham tanqid qilindi.[3] Xususan, uning filmlarda, jumladan, „Yondiradi, kuydiradi“ hamda „Kelgindi kelin 2 yoxud anjancha muhabbat“ filmlarida ham notoʻgʻri tarjima qilgani, ham notoʻgʻri gapirgani tanqidga uchradi.[3][25][26] Mahkamov intervyularining birida oʻzi ishtirok etgan filmlarda ingliz tilida aynan oʻzi ovoz berganini aytib oʻtgan.[24]
Tanqidlarga javobi
Mahkamov „Bekajon“ gazetasiga bergan intervyusi davomida oʻziga qoʻyilgan ayblovlarni rad etdi.[2] Ammo u oʻzi haqda jurnalistlarga bergan qarama-qarshi va notoʻgʻri maʼlumotlarni izohlab berishdan bosh tortdi. Aktyor „Siz aytayotgan mish-mishda ham asos yoʻq! Kechirasiz-u, bir kishi toʻgʻrisida maqola yozayotganida uning shaxsiyatiga tegib emas, xolisona yondashish kerak emasmi? Muxlislarning fikrlarida salbiy, haqoratomuz gaplarni oʻqimadim. Demak, odamlar kimgadir ergashmayapti. Yana bir muhim jihati, mevali daraxtga tosh otiladi. Demak, men mevali daraxt ekanmanki, tosh otishyapti“, deyish bilan cheklandi.[2]
Filmografiyasi
Film
| Yil | Film | Rol | Izoh |
|---|---|---|---|
| 2010 | Boʻrilar 3: Oxirgi qarz | Jinoiy qidiruv vakili | |
| Baxt izlab | Prokuror | ||
| Onaizor | Oʻyinchoq magazini direktori | ||
| Oʻgʻrigina kelin | Xaridor | ||
| 2011 | Erka kuyov | Prokuror | |
| Kelganda kelin 2: Anjancha muhabbat | Tarjimon | ||
| Majruh | Tergovchi | ||
| Nafs | Butik direktori | ||
| Yuzma-yuz | Tender komissiyasi boshligʻi | ||
| 2012 | Akajonim xizmatingizdamiz | Advokat | |
| Bardosh | Muhandislik shirkati egasi | ||
| Jodugar | Advokat | ||
| Koreyalik kelin | Sudya | ||
| Mehribonim | Tergovchi | ||
| Men yulduzman | Produser | ||
| Oqpadar | Bankchi | ||
| Soddagina qiz | Sudya | ||
| Xazina | Jinoiy qidiruv vakili | ||
| Yondiradi-kuydiradi | Kuyov | ||
| Yoningdaman | Tadbirkor | ||
| Oʻjar kelin | Shifokor | ||
| 2013 | Bir kunlik xoʻjayin | Shifokor | |
| Farzandim 2 | Shirkat direktori yordamchisi | ||
| Fotima | Restoran direktori | ||
| Gunoh | Shirkat direktori oʻrinbosari | ||
| Jannatdagi boʻri bolasi | Arxivchi | ||
| Koʻcha | Shifokor | ||
| Oktyabr yomgʻiri | Fizika oʻqituvchisi | ||
| Parchalangan xayol | Ruhshunos | ||
| Qora qanotli farishta | Bankchi | ||
| Panjara | Advokat | ||
| Rashk | Notarius kontorasi ishchisi | ||
| Turist | Oʻtkinchi | ||
| Xazon | Bosh qahramonning amakisi | ||
| Oʻlim farishtasi | |||
| 2014 | Koʻrgim keladi | Tergovchi | |
| Qora mushuk | |||
| 2015 | Baxt ortidagi dard | Tergovchi | |
| Onasini bolasi | Sovchi | ||
| Qizalogʻim | Yurist | ||
| Yetti olam | |||
| Yuragim seniki | |||
| Sevgi, balki bu jannat 2 | |||
| Rashk 2 | |||
| 2016 | Balli, Kamoliddin |
Kliplar
| Yil | Qoʻshiq nomi | Artist |
|---|---|---|
| 2012 | „Meni kuchliroq sev“ | Ozodbek Nazarbekov |
| „Jonim mening“ | Otabek Mutalxoʻjayev | |
| „Kel yorim“ | Rashid Holiqov | |
| „Seni sevaman“ | Ulugʻbek Qodirov | |
| 2013 | „Bevafo yor“ | Botir Yaminov |
| „Rolling in the Deep“ | Shirin | |
| 2014 | „Yogʻadi yomgʻir“ | Benom |
| „Yorim“ | Munisa Rizayeva | |
| „Devonalarmiz“ | Yulduz Usmonova | |
| 2015 | „Qaley-qaley“ | Otabek Mutalxoʻjayev |
Manbalar
- ↑ „Otabek Mahkamov: „Sizga mikrofoncham yoqmayotgan boʻlsa, yangisini sotib olib menga yuborishingiz mumkin“.“. ProToday (2017-yil 31-may). Qaraldi: 2019-yil 26-iyul.
- ↑ 2,0 2,1 2,2 2,3 2,4 2,5 Pardayeva, Husniya „Otabek Mahkamov sanʼatda paydo boʻlishi, judolikdan keyingi hayot va soʻnggi mish-mishlar haqida“ (deadlink). Bekajon (2015-yil 20-aprel). 2015-yil 2-iyulda asl nusxadan arxivlangan. Qaraldi: 2015-yil 12-iyun.
- ↑ 3,0 3,1 3,2 3,3 3,4 3,5 3,6 Atayev, Nodir Davron Hotam: „Otabek Mahkamov: „Haqiqat yuzini pardalab boʻlmaydi!““ (deadlink). Ijodkor (yanvar 2015). 2015-yil 16-iyunda asl nusxadan arxivlangan. Qaraldi: 2015-yil 12-iyun.
- ↑ 4,0 4,1 Sardor Komilov: „Huquqshunosman degan aktyor firibgarmi?“ (deadlink). Sayyod (2015-yil 8-mart). 2015-yil 9-aprelda asl nusxadan arxivlangan. Qaraldi: 2015-yil 2-iyul.
- ↑ 5,0 5,1 5,2 Rahmonova, Nigora (27.06.2013). "Otabek Mahkamov: „Har bir inson – ulugʻ ustoz“". Vodiy gavhari: 28-31.
- ↑ 6,0 6,1 6,2 Nabiyeva, Maʼpura. Otabek Mahkamov: „Ulgurmoq bu muvaffaqiyatdir...“ (2012-yil 9-avgust).
- ↑ Ustimenko, Gulnora. Otabek Mahkamov: „Kinoga huquqshunos sifatida kelganman“ (2012-yil 22-fevral), s. 6-7.
- ↑ 8,0 8,1 Maxfura. Muxlis tanqidi: Kibr-havoga berilgan qahramonlar ijrochisi hayotda ham shundaymi? (2013-yil 13-avgust), s. 8-9.
- ↑ „Cлужение другим - неотъемлемая потребность человека“ (ruscha) (deadlink). Дорожное Общество Красного Полумесяца. 2014-yil 17-martda asl nusxadan arxivlangan. Qaraldi: 2014-yil 11-aprel.
- ↑ Laylo. Otabek Mahkamov: „Huquqshunosga berilgan eng ogʻir jazo...“ (2012-yil 11-oktyabr), s. 34-35.
- ↑ 11,0 11,1 Oripova, Feruza. Otabek Mahkamov: „Haqiqat yuzini pardalab boʻlmaydi“ (2012-yil 10-may), s. 5.
- ↑ 12,0 12,1 12,2 Tojiboyeva, Nafosatxon. Omad — ulgurishda (2012-yil 20-dekabr), s. 4.
- ↑ 13,0 13,1 Алиев, Темур. „Встреча для Вас“ (ruscha) (2013-yil 5-may). Qaraldi: 2014-yil 11-aprel.
- ↑ 14,0 14,1 Устименко, Гульнара. Отабек Махкамов: «Никто тебе не друг, никто тебе не враг, но каждый человек тебе великий учитель» (ruscha) (2011-yil 24-oktyabr), s. 8.
- ↑ Alisher qizi, Nigora. Otabek Mahkamov: „Yigit yetti qirrali boʻlsin yoki...“ (2013-yil 1-oktyabr), s. 9.
- ↑ 16,0 16,1 Nodira; Sevdora. Otabek Mahkamov: „Yaxshi yurist yaxshi aktyor boʻla olishi kerak“ (2012-yil 3-may), s. 8–9.
- ↑ Mahkamov, Otabek (2013). "Cary-Hiroyuki Tagawa: „Biz baribir osiyoliklarmiz“". Vodiy gavhari: 24-25.
- ↑ Mahkamov, Otabek (yanvar 2014). "Frédéric Diefenthal: „Men uchun muhimi – ritm“". Popcorn 1: 16-17.
- ↑ Mahkamov, Otabek (fevral 2014). "Armand Assante: „5 yildan keyin filmlarni iPhone orqali suratga olishadi“". Popcorn 2: 18-19.
- ↑ Mahkamov, Otabek. Ennio Morricone: „Sharq musiqasi — tilsim“ (2012-yil 20-fevral), s. 17.
- ↑ Mahkamov, Otabek (mart 2014). "Mithun Chakraborty: „Oʻgʻlimning raqsi menikidan ustunroq“". Popcorn 3: 18-19.
- ↑ Karimova, Dono. Macaulay Culkinning huquqshunosi (noyabr 2010), s. 4.
- ↑ Otabek Mahkamov: „Huquqshunosga berilgan eng ogʻir jazo…“ (2012-yil 11-oktyabr).
- ↑ 24,0 24,1 Nabiyeva, Maʼpura. Otabek Mahkamov: „Ulgurmoq bu muvaffaqiyatdir...“ (2012-yil 17-may), s. 18.
- ↑ Elizaveta Karali (rejissor) (2011). Yondiradi, kuydiradi (DVD). Toshkent: Sharq Sinema. Voqea 1:19:20 da sodir boʻladi.
- ↑ Dilmurod Aʼzamov, Dilbar Yusupova (rejissorlar) (2011). Kelgindi kelin 2 yoxud anjancha muhabbat (DVD). Toshkent: Davr Premer. Voqea 00:19:30 da sodir boʻladi.
Havolalar
 |
Vikiomborda Otabek Mahkamov haqida turkum mavjud |
- Otabek Mahkamov Kinopoisk.ru saytida (rus.)
- Otabek Mahkamov — buyuk sayyoh, Celebrities, 28.08.2012 (rus.)