Oynisa Musurmonova
| Oynisa Musurmonova | |
|---|---|
 | |
| Tavalludi |
1952-yil Past Dargʻom tumani, Samarqand viloyati, Oʻzbekiston SSR |
| Fuqaroligi |
 Oʻzbekiston |
| Kasbi | filolog |
| Sohasi | pedagogika |
| Ilmiy darajasi | pedagogika fanlari doktori |
| Ilmiy unvoni | professor |
| Mukofotlari |
  |
Oynisa Musurmonova (1952-yil, Past Dargʻom tumani, Samarqand viloyati, Oʻzbekiston SSR) — oʻzbekistonlik olima, pedagogika fanlari doktori (1994), professor (1998).
Biografiyasi[tahrir | manbasini tahrirlash]
Oynisa Musurmonova 1952-yil Samarqand viloyati, Past Dargʻom tumanida tugʻilgan[1][2]. 1970—1975-yillarda Samarqand davlat universiteti oʻzbek va tojik filologiyasi fakultetida oʻqigan. Oynisa Musurmonova „Past Darg‘om haqiqati“ gazetasin tahririyati adabiy xodimi (1975), 1975—1980-yillarda Past Darg‘om tumani pioner o‘quvchilar uyi direktori, 1980—1988-yillarda Oʻzbekiston pedagogika fanlari ilmiy-tadqiqot instituti kichik, so‘ngra katta ilmiy xodimi, Toshkent davlat pedagogika instituti umumiy pedagogika kafedrasi katta o‘qituvchisi, dotsent, doktorant hamda institutga qarashli „Xalq ta’limini boshqarishning ilmiy asoslari“, „Odobnoma“ kafedralari, ayni bir paytning o‘zida „Oila“ ilmiy laborotoriyasi mudiri (1988—1995)[2], 1995—1998-yillarda Vazirlar Mahkamasi xotin-qizlar ishlari bo‘limi mudiri, keyinchalik oila, onalik va bolalikni ijtimoiy muhofaza qilish kotibiyati mudiri, 1998—2000-yillarda „Oila“ ilmiy-amaliy markazi direktori[3], Oliy Majlisning ijtimoiy masalalar va bandlik qo‘mitasi raisi hamda „Sog‘lom avlod uchun“ xalqaro xayriya jamg‘armasi raisi (2000—2002), Oliy Majlisning fan, ta’lim, madaniyat va sport masalalari qo‘mitasi raisining o‘rinbosari (2002-2005)[4], Oʻzbekiston davlat jahon tillari universiteti pedagogika, psixologiya kafedrasi mudiri (2005—2020), O‘zbekiston Respublikasi Mahalla va oilani qo‘llab-quvvatlash vazirligi huzuridagi „Mahalla va oila“ ilmiy-tadqiqot instituti direktorining ilmiy ishlar bo‘yicha o‘rinbosari (2020—2022) vazifasida ishlagan. 2022-yildan O‘zbekiston Respublikasi Oila va xotin-qizlar davlat qo‘mitasi huzuridagi „Oila va xotin-qizlar“ ilmiy-tadqiqot instituti direktorining ilmiy ishlar bo‘yicha o‘rinbosari[1] va respublika „Oqila ayollar“ harakati yetakchisi[5]. Oliy Majlisning 1—2-chaqiriq deputati boʻlgan. „Ma’rifat“ targ‘ibotchilar jamiyati[6], Oʻzbekiston Xalq demokratik partiyasi a’zosi.
Ilmiy faoliyati[tahrir | manbasini tahrirlash]
Oynisa Musurmonovaning ilmiy ishlari pedagogika sohasida milliy va umuminsoniy qadriyatlar vositasida yoshlar ma’naviy madaniyatini shakllantirish muammosiga oid. 1986-yilda nomzodlik ishini, 1994-yilda doktorlik dissertatsiyasini himoya qilgan. 1988-yilda dotsent, 1998-yilda professor ilmiy unvoni berilgan[1]. Oynisa Musurmonova 10 dan ortiq monografiyalar, 21 ta darslik, 30 dan ortiq o‘quv-metodik qo‘llanmalar, 10 dan ortiq risolalar, 300 dan ortiq ilmiy maqolalar muallifi[2].
Mukofotlari[tahrir | manbasini tahrirlash]
- 1-darajalari „Sogʻlom avlod uchun“ ordeni (1999)[3];
- „O‘zbekistan belgisi“ ko‘krak nishoni[1];
- „Ma’naviyat fidoyisi“ ko‘krak nishoni (2021)[7].
Manbalar[tahrir | manbasini tahrirlash]
- ↑ 1,0 1,1 1,2 1,3 Oʻzbekistonning taniqli olimlari ensiklopediyasi, 1-tom (oʻzbekcha), Toshkent: Science and Innovation, 2022 — 342 bet.
- ↑ 2,0 2,1 2,2 „Oynisa Musurmonova“.
- ↑ 3,0 3,1 „O‘zbekiston Respublikasi Prezidentining 25.08.1999-yildagi PF-2381-son Farmoni“.
- ↑ „МУСУРМОНОВА Ойниса“.
- ↑ „Respublika «Oqila ayollar» harakati yetakchisi saylandi“ (2022-yil 27-dekabr).
- ↑ „Respublika Ma’naviyat va ma’rifat markazi huzuridagi “Ma’rifat” targ‘ibotchilar jamiyati a’zolari 2023-yil uchun RO‘YXATI“. 2023-yil 22-iyulda asl nusxadan arxivlangan. Qaraldi: 2023-yil 22-iyul.
- ↑ „Bir guruh yurtdoshlarimiz “Ma’naviyat fidoyisi” ko‘krak nishoni bilan taqdirlandi“ (2021-yil 18-noyabr).