Raʻnojon Zaripova

Raʼnojon Zaripova
Tavalludi	6-mart 1951-yil Xorazm viloyati
Fuqaroligi	Oʻzbekiston
Kasbi	jurnalist
Mukofotlari	Oʻzbekistonda xizmat koʻrsatgan jurnalist

Raʼnojon Zaripova — (1951-yil, 6-mart, Xorazm, Oʻzbekiston SSR, SSSR) — Oʻzbekistonda xizmat koʻrsatgan jurnalist.

Tarjimayi holi

Raʼnojon Zaripova 1951-yil 6-martda Xorazm viloyatining Urganch shahrida tugʻilgan. Oliy maʼlumotli. U 1973-yil Toshkent davlat universitetini tamomlagan. U mehnat faoliyati davomida O’zbekiston televedeniyesi muharriri (1974—1987), „Qishloq haqiqati“ gazetasi muxbiri (1987—1990), „Sihat-salomatlik“ jurnali muharriri (1990—1992), Oʻzbekiston teleradiokompaniyasi ilmiy-ommabop va maʼrifiy koʻrsatuvlar bosh tahririyati katta muharriri (1992—1996), „Saodat“ va „Sogʻlom avlod uchun“ jurnali boʻlim muharriri, bosh muharrir oʻrinbosari, mas’ul kotib, (1996—2000), „Sogʻlom avlod“ gazetasining bosh muharriri (2000—2005), Oʻzbekiston Respublikasi Oliy Majlisi Qonunchilik palatasi deputati va Qonunchilik va sud-huquq masalalari qoʻmitasi aʼzosi (2004—2010), „Sogʻlom avlod“ gazetasi loyiha rahbari (2010—2017), 2017-yildan „Sogʻlom ona va bola“ markazi nodavlat-notijorat tashkiloti rahbari, „gujum.uz“ internet nashri rahbari kabi lavozimlarda ishlab kelmoqda.

Ilmiy faoliyati

Raʼnojon Zaripovaning „Ayol, oila, jamiyat“, „Davr va qayta qurish“, „Boychechak“, „Ayolga ehtirom“, „Chashma“, „Barhayot nomlar“, „El eʼzozlagan ayollar“, „Bola-aziz, ona- moʻtabar“, „Barhayot nomlar“ nomli toʻplamlari, „Harorat“, „Onaginam“, „Yurt qoʻshiqlari“ kabi asarlari nashr etilgan. U „Qissasi Rabgʻuziy“ asari tabdilini tayyorlagan.

Mukofotlari

Raʼnojon Zaripova „Ayol buyuk zot“, „Istiqlol: zamonamiz qahramonlari“, "Eng aziz va eng ulugʻ, „Atirgul“ kabi tanlovlar gʻolibi, shuningdek, Oʻzbekiston jurnalistlar uyushmasi laureati, 2004-yil „Oʻzbekistonda xizmat koʻrsatgan jurnalist“ unvoni, „Oʻzbekiston mustaqilligiga 10 yil“, „Oʻzbekiston mustaqilligiga 15 yil“ estalik mukofoti va 2021-yil „Mo‘tabar ayol“ ko‘krak nishoni bilan taqdirlangan.