Rustam Akalayev
| Rustam Akalayev | |
|---|---|
 | |
| Shaxsiy maʼlumotlari | |
| Tavalludi |
21-yanvar 1950-yil Toshkent, OʻzSSR |
| Maʼlumoti | Toshkent davlat tibbiyot instituti |
| Mukofotlari |
 |
Rustam Nurmuhamedovich Akalayev (tugʻ.1950 — yil 21-yanvarda, Toshkent, Oʻzbekiston SSR)[1] — sovet oʻzbek shifokori, terapevt, tibbiyot fanlari doktori (1996), professor (2008), Oʻzbekiston Respublikasi Sogʻliqni saqlash vazirligi bosh toksikologi (shundan buyon 2011)[2].
Hayoti
[tahrir | manbasini tahrirlash]Rustam Akalayev 1950-yil 21-yanvarda Oʻzbekiston SSR, SSSR Toshkent shahrida tugʻilgan.
1974-yilda Toshkent Davlat tibbiyot institutining davolash fakultetini tamomlagan. Xuddi shu yili u " sunʼiy buyrak " boʻlimida shifokor boʻlib ishlay boshladi. 1976-yilda Oʻzbekiston SSR Sogʻliqni saqlash vazirligi klinik shifoxonasining gemodializ laboratoriyasi mudiri etib tayinlandi, bu lavozimda 1983-yilgacha ishladi[3].
Martaba
[tahrir | manbasini tahrirlash]1983—1997-yillarda Rustam Toshkentdagi Respublika gemodializ markaziga rahbarlik qilgan. Oʻtgan yillar davomida Oʻzbekistondagi „Sunʼiy buyrak“ning deyarli barcha tarmoqlari, Oʻrta Osiyo va Qozogʻiston respublikalari uchun shifokorlar tayyorlagan. Shuningdek, u Oʻzbekiston, Qozogʻiston, Tojikiston, Qirgʻiziston va Turkmanistonda gemodializ boʻlimlarini tashkil etishda ishtirok etgan.
1989-yilda „Oʻrta molekulyar toksinlar va ularning taʼsir mexanizmi uchun surunkali buyrak yetishmovchiligida gemodializ va gemosorbsiya samaradorligini baholash“ mavzusida nomzodlik dissertatsiyasini himoya qilgan. 1996-yil —"Surunkali buyrak yetishmovchiligida uremik intoksikatsiyani gemodializ, gemosorbtsiya va plazmaferez usullari bilan patogenezi, klinikasi va davolash muammolari" mavzusida doktorlik dissertatsiyasini himoya qilgan. 2008-yilda esa professor lavozimiga saylangan[4].
2001—2011-yillarda Toshkent vrachlar malakasini oshirish instituti Anesteziologiya va reanimatsiya kafedrasi professori lavozimida dars bergan. 2011-yildan shu yerda „Tez tibbiy yordam“ kafedrasida dars berib kelmoqda. Oʻsha yili u RNCEM toksikologiya ilmiy-klinik boʻlimi mudiri etib tayinlandi[5].
2008—2011-yillarda gemodializ boʻyicha bosh mutaxassis lavozimida ishlagan. 2011-yilda Oʻzbekiston Respublikasi Sogʻliqni saqlash vazirligining bosh toksikologi lavozimiga koʻtarilgan.
100 dan ortiq ilmiy ishlar yozgan. Uning shogirdlari orasida tibbiyot fanlari nomzodlari va doktorlari bor. Tez tibbiy yordam shifokorlari, tez tibbiy yordam, reanimatologlar va toksikologlar uchun klinik toksikologiya, ekstrakorporeal detoksifikatsiya va gemodializ boʻyicha mashgʻulotlar olib boradi. Shuningdek, Rustam Akalayev 50 ta ratsionalizatorlik taklifi kiritilib, mualliflik guvohnomasiga ega boʻldi.
Idoraviy „ SSSR sogʻliqni saqlash aʼlochisi“ va „Oʻzbekiston Respublikasi sogʻliqni saqlash aʼlochisi“ koʻkrak nishonlari bilan taqdirlangan. Shuni aytib otish kerakki,Rustam Akalayev 2013-yilda Oʻzbekiston va Tatariston oʻrtasida millatlararo doʻstlik va hamkorlikni mustahkamlashga qoʻshgan ulkan hissasi uchun Tatariston Prezidentining diplomi bilan taqdirlangan[6].
Shuningdek, u 2014-yilda Robert Kox medali va 2015-yilda Rudolf Virxov medali bilan taqdirlangan[3].
Yutuqlar va unvonlar
[tahrir | manbasini tahrirlash]- SSSR sogʻliqni saqlash aʼlochisi
- Oʻzbekiston Respublikasi sogʻliqni saqlash aʼlochisi
- Robert Koch medali
- Rudolf Virxov medali
- Sogʻlom avlod uchun ordeni
Manbalar
[tahrir | manbasini tahrirlash]- ↑ https://www.reanimatology.com/rmt/pages/view/akalaev/
- ↑ Akalaev Rustam Nurmuxamedovich
- ↑ 3,0 3,1 Akalaev Rustam Nurmuxamedovich[sayt ishlamaydi]
- ↑ https://www.vair-journal.com/jour/article/view/436/
- ↑ https://cyberleninka.ru/article/n/intensivnaya-terapiya-pri-ukusah-yadovityh-zmey-semeystva-gadyukovyh-analiz-20-letnego-opyta-nauchno-klinicheskogo-otdela/[sayt ishlamaydi]
- ↑ https://www.reanimatology.com/rmt/pages/view/akalaev/