Rustam Karimov

Rustam Karimov
Tavalludi	Каримов Рустам 13-may 1951-yil (1951-05-13) Toshkent viloyati
Fuqaroligi	OʻzSSR → Oʻzbekiston
Kasbi	rejissyor, teatr va kino aktyori
Faoliyat yillari	1972-yildan hozirga qadar
Mukofotlari

Rustam Karimov — (1951-yil 13-may, Qibray tumani, Toshkent viloyati) — rejissyor, teatr va kino aktyori, Oʻzbekiston Respublikasida xizmat koʻrsatgan artist.

Hayoti

Rustam Karimov 1951-yil 13-mayda Toshkent viloyatining Qibray tumanida tug‘ilgan. Oʻzbekiston davlat sanʼat va madaniyat institutini tamomlagan. 1972-yilda Mannon Uyg‘ur nomidagi Toshkent davlat sanʼat institutining aktyorlik bo‘limini tugatgan.

Faoliyati

Rustam Karimov 1974—1987-yillarda Abror Hidoyatov nomidagi O‘zbek davlat drama teatrida rejissyor va aktyor sifatida mehnat faoliyatini boshlagan. 1987-yildan buyon Oʻzbek milliy akademik drama teatrida ishlaydi.

Aktyor ijodining dastlabki yillaridan to hozirgi kungacha turli xil obrazlar yaratgan. „Kelinlar qo‘zg‘oloni“da Boqivoy, „O‘g‘rini qaroqchi urdi“da Murod, „Piri qo‘ynot“da Ahmad Farg‘oniy, „Andishali kelinchak“da otaxon, „Gamlet“da Gorkov, „Abdulla Qodiriyning so‘nggi kunlari“da xizmatkor, „Usmon Nosir“da Matveyev, „Alisher Navoiy“da Majiddin, „O‘zbekcha raqs“da Igorov, „O‘tkan kunlar“da Hasanali, „Oilaviy sehr“da ota, „Quyoshni asra“da Chora bobo, „Taqdir sinovlari“da Esonqul, „Rustam“da Ota, „Makr va Muhabbat“ va boshqa koʻplab spektakllarda rollar ijro etgan. Rustam Karimov san’at, kino va televideniya sohasida ham faoliyat yuritgan. „Girdob“da Naimjon, „Hayot mazmuni“da Yusufali, „Dard“da Azim, „Faqat g‘alaba“da ota, „To‘ychoq“da Ajdar, „Zanjir“da ota, „Taqdir yoʻllari“da G‘ofurov, „Poydevor“da Azimov, „Vijdon“da ota kabi qahramonlarning rollarini ijro etgan. Aktyor boshqa filmlarda, masalan, „Otalar so‘zi, aqlning ko‘zi“da filmida ham suratga tushgan. Rustam Karimov dublyaj sohasida ham salmoqli ijod qilgan. Bugungi kungacha 70 dan ortiq turli xil filmlardagi qahramonlarga ovoz bergan.

Mukofotlari

2001-yilda Oʻzbekiston Respublikasida xizmat koʻrsatgan artist faxriy unvoni bilan taqdirlangan.

Havolalar

• «Meros» (драма, узбекистан, 2024)
• «Muqimiy» (драма, узбекистан, 2023)