Sa’d ibn al-Hars al-Ansoriy

Saʼd ibn al-Hars al-Ansoriy (arabcha: سَعد بن الحَرث (الحارِث) الأنصاری) milodiy 680-yil (hijriy 61-yil) Ashuro kuni Karbalo jangida shahid boʻlgan.

Karbalo jangida

Saʼd Xazraj qabilasidan boʻlgan. Saʼd va uning ukasi Abu al-Hutuf ibn al-Hars al-Ansoriy Nahravon jangida Xavorijlar orasida boʻlgan va Umar ibn Saʼd armiyasida Husayn bilan jang qilish uchun Kufadan kelgan.

Husayn ibn Alining barcha sahobalari Ashuro kunining ikkinchi yarmida shahid boʻlganlaridan keyin Husayn: „Bizga yordam beradigan yordamchi yoʻqmi?“ deb soʻragan. Husaynning chaqiruvni eshitib chodirlaridagi ayollar va bolalar yigʻlay boshlaganlar. Ayol va bolalarning faryodi Saʼd va uning ukasi Abu al-Hutufning qalbiga yetib borgach, „Hukm qilish faqat Allohning Oʻziga xosdir va Unga osiy boʻlganga itoat yoʻqdir“ deya hayqirganlar. Shundan keyin: „Husayn paygʻambarning qizining oʻgʻli edi. Biz qiyomat kuni uning shafoatini istaymiz. U zot mana shunday holatda, Karbalo choʻlida yordamchisi yoʻq va yolgʻiz oʻzi turganda biz u bilan qanday yordam soʻraymiz?“ deb aytgan.

Ular Umar ibn Saʼd qoʻshiniga qarshi oʻgirilib, qilichlarini qinidan yechdilar. Saʼd va uning ukasi koʻp jangchilarni oʻldirib, ular ham shahid boʻlganlar.

Biroq boshqa manbada bu voqea haqida biroz boshqacha tarzda maʼlumot keltirilgan. Unga koʻra, Husayn shahid boʻlgach, Saʼd va uning ukasi ayollarning faryodini eshitib, Umar ibn Saʼd lashkariga hujum qilishgan va oʻsha jangda shahid boʻlganlar.