* Abu Sufyon Urayd hududidagi makkajoʻxori dalalarini yoqib yuborgan, 2 nafar musulmonni oʻldirgan va oʻzi odamlari bilan qochib ketgan * Musulmonlar qurayshliklardan qolgan saviq (un)ning bir qismini olib qolishgan[1]
Saviq istilosi (arabcha: غزوة السويق) QurayshningBadr jangida magʻlubiyatga uchraganidan keyin sodir boʻlgan. Quraysh boshligʻi Abu Sufyon ibn HarbBadr jangida sharmandali magʻlubiyatga uchragach, qasos olmasdan turib tinchimaydi. Abu Sufyon 200 otliq kishini toʻplab, Najd orqali sharqiy yoʻlni bosib oʻtadi va tunda yashirincha yahudiy qabilasidan boʻlgan Banu Nodir qishlogʻiga yetib keladi. Biroq yahudiylar boshligʻi boʻlgan Huvay ismli kishi uni oʻz qarorgohiga qabul qilishdan bosh tortadi (ayrim manbalarga koʻra, qoʻrquv tufayli uni qabul qilmaydi). Keyin esa Abu Sufyon Banu Nodir qabilasining boshqa bir rahnamosi Sallom ibn Mishkam bilan Madinaga hujum qilish uchun til biriktiradi, ammo ularning ham rejasi muvaffaqiyatsizlikka uchraydi[2]. Abu Sufyon Sallom ibn Mishkamdan panoh topadi. Sallom uni mehmondoʻstlik bilan kutib oladi va Madina shahri, uning tuzilishi va himoyasi haqida kerakli maʼlumotlarni beradi. Kechasi Abu Sufyon oʻz odamlarini Madinadan 2-3 chaqirim shimoli-sharqda joylashgan Urayd makkajoʻxori dalalariga olib boradi, u yerda joylashgan xoʻjaliklarni yoqib yuboradi va 2 nafar musulmonni oʻldiradi. Keyin esa Abu Sufyon va uning odamlari qochib ketishadi. Paygʻambar Muhammad ushbu voqeadan xabar topgach, oʻldirilgan musulmonlar uchun adolatli hukm chiqarish maqsadida odamlarini toʻplab, ular tomon taʼqib uyushtiradi, ammo Abu Sufyon va uning odamlari allaqachon qochishga muvaffaq boʻlishadi. Musulmonlar Quraysh erkaklari tomonidan yuklarini yengillatish maqsadida tashlab ketilgan saviqning (unning bir turi) bir qismini oʻzlariga olishadi[3][4].
