Sayyid Aminboy madrasasi

Madrasa
Sayyid Aminboy madrasasi
Mamlakat	Oʻzbekiston
Hudud	Buxoro viloyati
Shahar	Buxoro
Holati	Saqlanib qolmagan

Sayyid Aminboy madrasasi Xoja Zomucha guzarida joylashgan bo‘lib, uning 17 hujrasi bo‘lgan.

Tarixi

Sayyid Aminboy madrasasini aholi Xurjun madrasa deb atagan va shu nom bilan mashhur bo‘lgan. Bunday nom bilan atalishiga o‘ziga xos meʼmoriy tuzilishi sababchidir. Uning o‘rtasidagi gumbazli saroyiga ikki tarafdan ikkita darvoza orqali kirib kelingan. Shu tariqa kirish yo‘lagi madrasani ikkiga ajratib qo‘ygan va uni xurjunga o‘xshatishgan. Hijriy 1281-yili (1864 — 1865) tuzilgan vaqf hujjati saqlanib qolgan. Hujjat qozi ul-quzzot Mir Sadriddin ibn Mir Bayzo muhri bilan tasdiqlangan. Voqif Avaz Badalboy o‘g‘li Sayyid Aminboy Buxoro shahridagi Sarrafon guzaridagi 7 do‘kon, Chorsuqidagi attorlik rastasi va 14890 tangani shar’iy tarzda ushbu madrasa uchun vaqf qilgan. Madrasa faoliyatiga taalluqli yana beshta hujjat borligi aniqlangan. Ulardan maʼlum bo‘lishicha, ushbu o‘quv dargohi mudarrisi 12 — 15 tilla atrofida haq olgan.