Tamara Golovey
| Tamara Golovey | |
|---|---|
 Tamara Golovey | |
| Toʻliq ismi | Tamara Osherovna Golovey |
| Mamlakat |
 SSSR  Belarus  AQSh |
| Tugʻilishi |
19-sentyabr 1943-yil OʻzSSR, Namangan viloyati, Uchqoʻrgʻon tumani |
| FIDE reyting | [1] (fevral 2024) |
| Reyting | 2322 (AQSh shaxmat federatsiyasi) |
Tamara Golovey (belaruscha: Тамара Галавей; ruscha: Тамара Ошеровна Головей; 1943-yil, 19-sentyabr, Uchqoʻrgʻon tumani, Namangan viloyati, OʻzSSR, SSSR) — shaxmat ustasi, xalqaro shaxmat hakami va Belarus Respublikasida xizmat koʻrsstgan murabbiy. Uning AQSH shaxmat federatsiyasi reytingidagi ochkosi 2322.
Hayoti
[tahrir | manbasini tahrirlash]Tamara 1943-yilning 19-sentyabrida Oʻzbekiston Sovet Sotsialistik Respublikasi tarkibidagi Uchqoʻrgʻon tumanida tugʻilgan. U 12 yoshidan Minsk shahrida A.Shagalovich qoʻl ostida shaxmat bilan shugʻullanishni boshlagan. 1965-yilda Belarus politexnika institutini bitirganiga qaramasdan shaxmat faoliyati uchun muxandislikdan voz kechgan. 1970-yildan Minskdagi 11-sonli olimpiya zaxiralari bolalar sport maktabining shaxmat boʻyicha bosh murabbiyi. U uch marta (1965, 1969 va 1976) Belarus ayollar chempionatida gʻolib chiqdi va shaxmat boʻyicha ayollar oʻrtasidagi SSSR chempionatining koʻp karra finalchisi boʻldi. 1989-yildan boshlab u xalqaro hakam sifatida oʻz faoliyatini boshladi[1]. Tamara Golovey koʻplab shaxmat musobaqalarida hakamlik qilgan. 1999-yildan beri Tamara AQShda yashaydi. U Albert Chow (FIDE ustasi, USCF 2294) bilan birga 2000-yil Illinoys ochiq chempionati — Illinois Openda uchinchi oʻrinni va 2001 yilda erkaklar oʻrtasida Illinoys Openda toʻrtinchi oʻrinni egalladi. U Chikagoda bolalarni musobaqalar uchun muvaffaqiyatli tayyorlamoqda.
Murabbiylik faoliyati
[tahrir | manbasini tahrirlash]Tamara Golovey sobiq Ittifoqning bosh murabbiyi sifatida Grossmeyster, ikki karra olimpiya chempioni, 1991-yilda dunyo boʻyicha reytingda uchinchi oʻrinni egalllagan Boris Gelfand[2][3] va 2008-yilgi AQSH chempioni, xalqaro grossmeyster Yury Shulman kabi kuchli shaxmatchilarga ustozlik qilgan.
Shuningdek:
- Xalqaro shaxmat ustasi, 1992-yilgi AQSh Olimpiya jamoasi aʼzosi — Yuliya Levitan;
- Xalqaro usta, 1994-yilgi olimpiadaning bronza medali egasi -Valeri Atlas;
- Grossmeyster Eric Rosen[4] ham Tamara Goloveyning shogirdlari qatoriga kiradi.
Manbalar
[tahrir | manbasini tahrirlash]- ↑ „FIDE Arbiters / Trainers List - World Chess Federation“. Ratings.fide.com. Qaraldi: 2013-yil 12-may.
- ↑ „Chess helps kids make right moves“. Chicago Tribune.
- ↑ „Cheers in Chicago for Gelfand“. The United States Chess Federation. Qaraldi: 2013-yil 18-aprel.
- ↑ Malench, Karyn „Niles North's Rosen Wins National Chess Championship — Skokie news, photos and events —“. Triblocal.com (2011-yil 5-may). 2013-yil 8-oktyabrda asl nusxadan arxivlangan. Qaraldi: 2022-yil 10-may.