Taras Petrinenko
Taras Petrinenko | |
|---|---|
 | |
| Tavalludi |
Taras Harynaldovych Petrynenko 10-mart 1953-yil |
| Janrlar | Pop musiqasi |
| Kasbi | Vokalchi, musiqachi, aranjirovkachi |
| Faoliyat yillari | 1969–h. v. |
| Fuqaroligi | Ukraina va SSSR |
Taras Petrinenko (ukraincha: Тара́с Гарина́льдович Петрине́нко, 1953-yil 10-martda tugʻilgan) – ukrainalik musiqachi, Ukraina xalq artisti.
Biografiyasi
[tahrir | manbasini tahrirlash]1969-yil Nikolay Lisenko nomidagi musiqa maktabi oʻquvchilaridan tashkil topgan Eney guruhining raqs maydonchasida chiqishi bilan musiqiy faoliyati boshlangan. 1970-yilda guruh televideniyeda debyut qilgan va deyarli ikki yil davomida Ukraina rok musiqasining soʻzsiz yetakchisi boʻlgan.
1971-yilda Taras yangi Dzvoni guruhini tashkil etgan, guruh 1974-yilda ommaviy ravishda taqiqlangan Eney bilan birlashgan.
Armiyada xizmat qilgandan soʻng, Petrinenko mashhur Mriya guruhining rahbari boʻlgan, lekin ularga oʻz qoʻshiqlarini ijro etish taqiqlanganidan soʻng, Charivni gitari guruhi bilan Rossiyaga oʻtgan. 1982-yildan Petrinenko ukrainalik musiqachilardan iborat Chervoni maki ansambli bilan Tula shahrida oʻzining birinchi rus tilidagi: „Sled pogasshey zvezdi“, „Perelyotnaya ptitsa“, „Odnajdi utrom“, „Ya skoro vernus“ kabi xitlarini yozgan lekin qisqa vaqtdan keyin Ukrainaga qaytib ketgan.
1991-yilda Petrinenko „Gospodi, pomiluy nas“ Audio Ukraina albomiga qoʻshiqlar yozishni boshlagan, ammo albom ikki yil oʻtib yakunlangan. Buning sababi Grono guruhining parchalanishi boʻlgan, chunki hamroh musiqachilar shunchaki chet el gastrollaridan qaytmaganlar. Ammo bu albomning sifatiga taʼsir qilmagan va 1993-yil natijalariga koʻra Ukrainada yetakchiga aylangan.
1995-yilda Taras bir muncha vaqt markaziy televizion Koliskova dlya doroslix dasturini olib borgan. 1997-yil yozida „Tavria oʻyinlari – VI“ da Petrinenko musiqiy va ommaviy shou „Zolota Jar-ptitsya“ da „Tirik afsona“ nominatsiyasi boʻyicha Butunukraina mukofotiga sazovor boʻlgan.
Yil oxirida Nova Records kompaniyasi Petrinenko Lyubov moyaning uchinchi yakkaxon albomini chiqargan. 1999-yilda milliy madaniyat va sanʼat rivojiga qoʻshgan ulkan hissasi va shaxsiy yutuqlari uchun Kiyevshina kontsert-ijodiy tashkilotlarining yakkaxon vokalisti Taras Petrinenko Ukraina xalq artisti unvoniga sazovor boʻlgan.
2003-yilda „Atlantic“ brendi Taras Petrinenkoni rok musiqachilari guruhiga kiritgan va uning qoʻshiqlari toʻplamini Ukrainaning Rok afsonalari seriyasi oʻlaroq chiqargan.
2004-yil kuzida Taras Apelsin inqilobida faol ishtirok etgan. Kiyevdagi Mustaqillik maydonida qoʻshiqlar kuylagan. 2013—2014-yillarda Taras Petrinenko Qadr-qimmat inqilobida faol ishtirok etib, bu yerda koʻp marotaba oʻz qoʻshiqlarini kuylab bergan.
Manbalar
[tahrir | manbasini tahrirlash]Havolalar
[tahrir | manbasini tahrirlash]- Taras Petrinenko bilan suhbat (ukraincha)
- Uning asarlari roʻyxati va qisqacha tarjimai holi (ukraincha)
- Nova Recordsning Lyubov moya albomidan matn (ukraincha)
- Kiev Gordon bulvarida u haqida fotosuratlar bilan maqola (ruscha)
- Baʼzi fotosuratlar va qisqacha tarjimai holi boʻlgan boshqa sayt (ukraincha)
