Uyayna ibn Hisnning yurishi
| Uyayna ibn Hisnning yurishi | |||||||
|---|---|---|---|---|---|---|---|
| |||||||
| Qoʻmondonlar | |||||||
| Uyayna ibn Hisn | Nomaʼlum | ||||||
| Kuchlar | |||||||
| 50 | Nomaʼlum | ||||||
Uyayna ibn Hisnning Banu Tamim qabilasiga yurishi[3] hijriy 9-yilning 1-oyi (milodiy 630-yil iyul) boʻlib oʻtgan[4].
Islom paygʻambari Muhammad Uyayna ibn Hisnni Banu Tamim qabilasidan soliq yigʻish uchun yuborgan. Qabila urugʻlaridan biri Uyaynaga hujum qilgan va uni soliq olishidan oldin hududdan chiqarib yuborgan. Shundan soʻng Muhammad ularga qarshi 50 nafar jangchi joʻnatib, ularning erkak, ayol va bolalarini asirga olgan. Keyin esa qabila tomonidan yuborilgan bir guruh elchilar Muhammadning oldiga kelib kechirim soʻraganidan keyin mahbuslar ozod qilingan[5][6][7].
Yurish
[tahrir | manbasini tahrirlash]Soliq yigʻuvchilarning chiqib ketishi
[tahrir | manbasini tahrirlash]Banu Tamim qabilasi Muhammad bilan birga janglarda ishtirok etib, Hunayn va Makka fathida yordam bergan qabilalardan biri edi. Biroq Muhammad Uyayna ibn Hisn boshchiligida bir guruhni soliq (yoki zakot) yigʻish uchun qabila tomon yuborganida Banu Tamim qabilasidan boʻlgan Banu al-Anbar kichik qabilasi uni toʻlashdan bosh tortgan. Qabila elchilarga hujum qilib, ularni oʻz yerlaridan haydab yuborgan[8][9][10].
Asirga olish
[tahrir | manbasini tahrirlash]Uyayna ibn Hisn Muhammadning oldiga qaytib kelgan va bu xabarni unga yetkazgan. Voqeadan xabar topgan Muhammad[11] qabila zoʻravonlariga oʻrnak boʻlishi uchun 50 kishilik askarlar guruhini ular tomon yuborgan. Uyayna ibn Hisn qabilaga qarshi kutilmaganda hujum uyushtirib, 50 dan ortiq erkak, ayol va bolalarni asirga olgan va Madinaga olib kelgan. Ular bir muddat qamoqda saqlangan[12]. Asirlardan 11 nafari erkak, 22 nafari ayol va 30 nafari oʻgʻil bolalar boʻlgan[13][14].
Sheʼriy tanlov
[tahrir | manbasini tahrirlash]Shundan keyin Banu Tamimdan bir guruh elchilar Madinaga Muhammadning yoniga kelib, undan magʻfirat soʻrashgan. Biroq boʻlib oʻtgan voqeadan qattiq xafa boʻlgan Muhammad ular bilan koʻrishishdan bosh tortgan[15]. Tabariy va Ibn Saʼdning maʼlumotlariga koʻra, elchilar Madinaga kelib, Muhammadning huzuriga kirish uchun shoshilayotganlarini tushuntirgan[16].
Keyinchalik ular suhbatlashish imkoniyatiga ega boʻlgach, Muhammadga Hunayn jangidagi quroldoshliklarini eslatib, bir qancha sheʼrlar aytib berishlarini va oʻz shoirlari bilan bellashishni taklif qilishgan[17].
Sheʼriy musobaqada birinchi boʻlib oʻrnidan turib sheʼr aytgan kishi (bu oʻsha paytda arab anʼanasi edi) Banu Tamim qabilasidan edi. Undan keyin Muhammad Sobit ibn Qaysga oʻz sheʼrlari bilan javob berishini aytgan. Sobit ibn Qays Muhammadning jannatdan kelgan elchi ekanligini, muhojirlar va moʻminlar uchun yuborilganligini maqtab sheʼr aytgan. U sheʼrini Islom dinidan bosh tortganlarning barchasiga halokat tahdid solishi bilan yakunlagan[18].
Yana qarang
[tahrir | manbasini tahrirlash]Manbalar
[tahrir | manbasini tahrirlash]- ↑ Hawarey, Mosab. The Journey of Prophecy; Days of Peace and War (Arabic). Islamic Book Trust, 2010. Note: Book contains a list of battles of Muhammad in Arabic, English translation available here
- ↑ Abu Khalil, Shawqi. Atlas of the Prophet's biography: places, nations, landmarks. Dar-us-Salam, 1 March 2004 — 228-bet. ISBN 978-9960-897-71-4.
- ↑ Abu Khalil, Shawqi. Atlas of the Prophet's biography: places, nations, landmarks. Dar-us-Salam, 1 March 2004 — 228-bet. ISBN 978-9960-897-71-4.
- ↑ Hawarey, Mosab. The Journey of Prophecy; Days of Peace and War (Arabic). Islamic Book Trust, 2010.
- ↑ Haykal, Hussain (1 Jun 2010), The Life of Mohammed, Islamic Book Trust, 477-bet, ISBN 978-81-87746-46-1
- ↑ Muir, William (August 1878), The Life of Mahomet, Kessinger Publishing Co (10 Aug 2003), 448-bet, ISBN 978-0-7661-7741-3
- ↑ Rahman al-Mubarakpuri, Saifur (2005), The Sealed Nectar, Darussalam Publications, 269-bet
- ↑ Haykal, Hussain (1 Jun 2010), The Life of Mohammed, Islamic Book Trust, 477-bet, ISBN 978-81-87746-46-1
- ↑ Rahman al-Mubarakpuri, Saifur (2005), The Sealed Nectar, Darussalam Publications, 269-bet
- ↑ The Sealed Nectar, Text Version, Witness-Pioneer.com
- ↑ Haykal, Hussain (1 Jun 2010), The Life of Mohammed, Islamic Book Trust, 477-bet, ISBN 978-81-87746-46-1
- ↑ Muir, William (August 1878), The Life of Mahomet, Kessinger Publishing Co (10 Aug 2003), 448-bet, ISBN 978-0-7661-7741-3
- ↑ Rahman al-Mubarakpuri, Saifur (2005), The Sealed Nectar, Darussalam Publications, 269-bet
- ↑ The Sealed Nectar, Text Version, Witness-Pioneer.com
- ↑ Haykal, Hussain (1 Jun 2010), The Life of Mohammed, Islamic Book Trust, 478-bet, ISBN 978-81-87746-46-1
- ↑ The last years of the Prophet, by Tabari, Pg 68.
- ↑ Haykal, Hussain (1 Jun 2010), The Life of Mohammed, Islamic Book Trust, 478-bet, ISBN 978-81-87746-46-1
- ↑ Muir, William (August 1878), The Life of Mahomet, Kessinger Publishing Co (10 Aug 2003), 449-bet, ISBN 978-0-7661-7741-3