Vikipediya:Foydalanuvchilarni tekshirish/Qoʻllanma

Foydalanuvchilarni tekshirish (FT) qoʻgʻirchoq hisob yuritish (yaʼni, birdan oshiq Vikipediya hisoblaridan nojoʻya foydalanish) ayblovlarini koʻrib chiqish va hal qilish jarayonidir. Agar biror shaxs bir necha hisob yoki IPdan muhokamalarni manipulyatsiya qilish yoki Vikipediyadagi boshqa jarayonlarni izdan chiqarish yoki bloklarni chetlab oʻtish maqsadida foydalanib, qoʻgʻirchoq hisob boʻyicha qoidani buzayotganini koʻrsatuvchi yetarli dalillar borligiga ishonsangiz, ushbu sahifada bu haqida xabar berishingiz mumkin. Administratorlar va qoʻgʻirchoq hisob yuritish holatlarini hal qilish boʻyicha tajribaga ega boshqa foydalanuvchilar mavjud dalillar asosida maʼmuriy chora koʻrish yoki koʻrmaslik boʻyicha qaror chiqaradi.

Shubhali Vikipediya tahrirlari va/yoki loglar ikki yoki undan oshiq hisob (yoki IP adreslar) ortida ayni shaxs turganini va qoʻgʻirchoq hisob boʻyicha qoidani buzayotganini koʻrsatuvchi aniq dalillar taqdim etilsagina tekshiruv oʻtkaziladi.

Foydalanuvchilarni tekshiruvchilar ushbu sahifani kuzatib boradi. Foydalanuvchilarni tekshiruvchilar qoʻgʻirchoq hisoblar boʻyicha holatlarni tekshirish boʻyicha katta tajribaga ega va ishonch qozongan foydalanuvchilardir. Ayrim holatlarda ushbu toifadagi foydalanuvchilar tekshirish uskunasi (inglizcha: checkuser) yordamida qoʻshimcha texnik dalillarni taqdim etishi mumkin. Ochiq dalillar vaziyatni toʻliq ochiqlash uchun yetarli boʻlmagan holatlarda foydalanuvchilarni tekshirish uskunasi ishga solinishini soʻrash ishni ilgari surishi mumkin. Ushbu uskunadan foydalanish qatʼiy foydalanish va maxfiylik siyosatlariga binoan amalga oshiriladi. Faqat va faqat qoʻgʻirchoq hisoblar yuritilganini koʻrsatuvchi dalillar boʻlsa va masalani hal qilish uchun texnik dalillarga ehtiyoj borligi oydin boʻlsagina foydalanuvchilarni tekshirish uskunasi yordamida tekshiruv oʻtkaziladi. Ushbu ikki shart bajarilmasa, foydalanuvchilarni tekshirish uskunasini ishga solish boʻyicha soʻrovlar bajarilmaydi.