Vikipediya:OAV uchun/150K
| Oʻzbekcha | English | На русском |
Oʻzbekcha Vikipediyada maqolalar soni 150 mingga yetdi
Insoniyat tomonidan toʻplangan jamiki bilimlar barcha uchun ochiq boʻlgan dunyoni tasavvur qiling. Biz ana shunday dunyoni yaratyapmiz.[izoh 1]
— Jimmy Wales, Vikipediya asoschisi
2022-yilning 3-iyul kuni oʻzbekcha Vikipediyada yaratilgan maqolalar soni 150 000 taga yetdi. Bir yuz ellik minginchi boʻlib Olimidono nomli foydalanuvchi boshlagan Giorgetto Giugiaro maqolasi yaratildi. Oʻzbekcha Vikipediya ayni paytda 292 761 ta maqola bilan barcha tillardagi Vikipediyalar orasida 58-chi[izoh 2] oʻrinda. Turkiy tillardagi Vikipediyalar orasida esa turkcha, tatarcha, janubiy ozarbayjoncha, ozarbayjoncha va qozoqcha Vikipediyalardan keyin 6-oʻrinda bormoqda.
2022-yilda oʻzbekcha Vikipediyada maqolalar tez suratda oʻsa boshladi. Buning asosiy sababchisi — „WikiStipendiya“ marafoni. Marafon oʻzbekcha Vikipediyadagi kontentni yaxshilashga qaratilgan boʻlib, Oʻzbekiston Respublikasi Yoshlar ishlari agentligi tomonidan Oʻzbekiston axborot va ommaviy kommunikatsiyalar agentligi hamda Oʻzbek tilida soʻzlashuvchi vikimediachilar foydalanuvchi guruhi bilan hamkorlikda tashkillashtirildi.
Marafonga joriy yilning 20-mayida start berilganidan beri Vikipediyaning oʻzbek tilidagi boʻlimida katta oʻzgarishlar sodir boʻldi. Bu oʻzgarishlarning barchasi faqat WikiStipendiya marafoni taʼsirida boʻlyapti, deb taʼkidlay olmasak-da, oʻzbekcha Vikipediyadagi yirik oʻzgarishlar aynan marafon boshlanganidan soʻng yuz bergani faktdir.
20-maydan bugunga qadar 9 712 ta yangi maqola yaratildi. Ularning 4 247 tasi shubhasiz WikiStipendiya marafoni doirasida yaratildi, chunki aynan shuncha maqola hakamlar baholashi uchun Fountain platformasiga kiritildi. Oʻzbekcha Vikipediya iyun oyida barcha tillardagi Vikipediya boʻlimlari orasida yangi yaratilgan maqolalar soni boʻyicha 9-oʻringa koʻtarildi. Bu statistikaning muhim jihati shundaki, ushbu maqolalarning deyarli barchasi foydalanuvchilar tomonidan yaratildi, bot yordamida emas.
20-maydan bugunga qadar oʻzbekcha Vikipediyadagi jami tahrirlar soni 118 489 taga oshib, 2 677 761 taga yetdi (4,63 % oʻsish). Roʻyxatdan oʻtgan foydalanuvchilar soni esa 2 362 taga oshib, 74 629 taga yetdi (3,27 % oʻsish). Shuningdek, faol foydalanuvchilar, yaʼni oxirgi 30 kun ichida kamida bitta tahrir qilgan foydalanuvchilar soni 159 taga oshib, 547 taga yetdi (40,98 % oʻsish). Dekabr oyida marafon oʻz yakuniga yetguniga qadar bundan ham yirik oʻzgarishlar sodir boʻlishiga umid qilamiz hamda sizni ham Vikipediya va unga qardosh loyihalarga hissa qoʻshishga chorlab qolamiz.
Statistika
[manbasini tahrirlash]| Sana | Maqola soni |
|---|---|
| 17.05.2022 | 140 000 |
| 25.05.2022 | 141 000 |
| 31.05.2022 | 142 000 |
| 05.06.2022 | 143 000 |
| 09.06.2022 | 144 000 |
| 15.06.2022 | 145 000 |
| 19.06.2022 | 146 000 |
| 23.06.2022 | 147 000 |
| 25.06.2022 | 148 000 |
| 29.06.2022 | 149 000 |
| 03.07.2022 | 150 000 |
Izohlar
[manbasini tahrirlash]Havolalar
[manbasini tahrirlash]
Oʻzbekcha Vikipediyaning Telegram guruhi- WikiStipendiya marafonining Telegram kanali
