Xayr, maktabim

„Xayr, maktabim“
Ravshan Sobirov va „Setora“ guruhi qoʻshigʻi
Chiqarilgan sanasi	25-may, 2004-yil
Format	Kasseta singli
Yozib olingan	May, 2004
Studiya	Tarona Records
Janr	pop
Davomiyligi	6:01
Leybl	Tarona
Matn muallif(lar)i	Husan Sodiqov
Prodyuser(lar)	Ravshan Yoʻldoshev
Klipi
	„Xayr, maktabim“ YouTubeda

„Xayr, maktabim“ („Xayr, maktabim!“ oʻlaroq ham yoziladi) — Ravshan Sobirov va „Setora“ guruhi ijrosidagi qoʻshiq. 2004-yil may oyida yozib olingan, oʻsha yili 25-may — soʻnggi qoʻngʻiroq kuni ilk marotaba ijro qilingan. „Ey, sinfdosh“ qoʻshigʻi bilan bilan bir qatorda Oʻzbekiston va qoʻshni mamlakatlarda yashovchi oʻzbeklar orasida maktab bitiruvchilari madhiyasiga aylangan^[1]. Bugunga qadar koʻplab ijrochi kaver qilgan qoʻshiq ham Sobirov, ham Setora guruhi repertuaridagi eng mashhur ashulalarning bir boʻlib keladi^[2].

Qoʻshiqni Husan Sodiqov yozgan^[3]. Ashulaning ilk aranjirovkasini Sobirovning gastrollardagi klavishchisi Odiljon Mahmudjonov tayyorlagan, yakuniy versiyasini „Bolalar“ aranjirovkachisi Vagif Zokirov tayyorlagan. Sobirov va „Setora“ ijrosida bitiruvchilar uchun maxsus ashula yozish taklifini Tarona Records studiyasi asoschisi Ravshan Yoʻldoshev taklif qilgan. Qoʻshiq klipini taniqli rejissyor Bahodir Yoʻldoshev olgan^{[manba kerak]}.

2023-yil Sodiqov qoʻshiqning yangi talqinini oʻz YouTube kanalida eʼlon qilgan

Tarixi

2000-yilning may oyida Tarona Records studiyasi asoschisi, qoʻshiqchi Lola Yoʻldoshevaning otasi Ravshan Yoʻldoshev „Bolalar“ guruhi aʼzosi, Ravshan Sobirovning amakisi Husan Sodiqovga Sobirov va „Setora“ guruhi ijrosida bitiruvchilar uchun „parad“ ashulasini yozishni taklif qilgan. Yoʻldoshev qoʻshiqni Tarona Recordsda yozib olishni taʼminlashni hamda klip olib berishni vaʼda qilgan.

Buning ortidan Sodiqov Sobirovning Oʻzbekiston boʻylab gastrollari davomida ashulani yoza boshlagan. Ashulaning ilk nusxasi tayyor boʻlganidan keyin, Sobirovning gastrol klavishchisi Odiljon Mahmudjonov oʻzining Korg sintezatorida dastlabki aranjirovkani tayyorlagan.

Ashulaning ilk versiyasi tayyor boʻlganidan keyin, Sodiqov uni „Bolalar“ guruhi aranjirovkachisi Vagif Zokirovga yuborgan. Zokirov uni professional aranjirovka qilgan, avjdagi gitara solosini yozgan. Ashula 2000-yilning may oyida Tarona Records studiyasida yozib olingan. Ilk bor oʻsha yilning 25-mayida — soʻnggi qoʻngʻiroq kuni taqdim etilgan.

Klipi

Qoʻshiq klipini Bahodir Yoʻldoshev olgan. Klip 2000-yilning may oyida Toshkent shahridagi 145-sonli maktabda 2-3 kun ichida yozib olingan. Klipdagi yosh qiz rolini Yoʻldoshevning toʻngʻich qizi Elina Yoʻldosheva oʻynagan. Shuningdek, Yoʻldoshevning rafiqasi Inna Yoʻldosheva „Setora“ qizlari uchun maktab oʻquvchisi formasiga oʻxshash liboslarni topib bergan.

Manbalar

↑ „„Xayr, maktabim“ qoʻshigʻi yangi talqinda kuylanadi“. Daryo (2015-yil 23-may). Qaraldi: 2020-yil 28-may.^{[sayt ishlamaydi]}
↑ „Mashhur „Xayr maktabim“ qoʻshigʻi Ravshan Sobirovning bitiruvchi oʻgʻli va uning maktabdoshlari uchun kuylandi“. Kun (2016-yil 25-may). Qaraldi: 2020-yil 28-may.
↑ „Bitiruvchilar madhiyasi — “Xayr maktabim” 22 yoshda: Qoʻshiq qanday yaratilgani hamda unga nima sababdan kamxarj klip olingani haqida (video)“. Daryo (25-may 2022-yil). Qaraldi: 1-iyun 2022-yil.

Havolalar

Ushbu maqolani tinglang (3 daqiqa)

noicon

Bu audiofayl ushbu maqolaning 25-may, 2022-yil sanasidagi versiyasi asosida yaratilgan boʻlib, shu sanadan keyin amalga oshirilgan tahrirlarni aks ettirmaydi.

[1] „„Xayr, maktabim“ qoʻshigʻi yangi talqinda kuylanadi“. Daryo (2015-yil 23-may). Qaraldi: 2020-yil 28-may.^{[sayt ishlamaydi]}

[2] „Mashhur „Xayr maktabim“ qoʻshigʻi Ravshan Sobirovning bitiruvchi oʻgʻli va uning maktabdoshlari uchun kuylandi“. Kun (2016-yil 25-may). Qaraldi: 2020-yil 28-may.

[Daryo-3] „Bitiruvchilar madhiyasi — “Xayr maktabim” 22 yoshda: Qoʻshiq qanday yaratilgani hamda unga nima sababdan kamxarj klip olingani haqida (video)“. Daryo (25-may 2022-yil). Qaraldi: 1-iyun 2022-yil.

[1]

[2]

[3]