Xoliqiy Muhammadjon

Xoliqiy Muhammadjon
Tavalludi	1890-yil Qoʻqon Fargʻona viloyati
Vafoti	18-avgust 1938-yil (48 yosh) Buxoro viloyati, SSSR
Fuqaroligi	Rossiya imperiyasi SSSR
Kasbi	Oʻqituvchi

Xoliqiy Muhammadjon (1890-yil, Qoʻqon — 1938-yil 18-noyabr, Buxoro viloyati) — maʼrifatparvar pedagog.

Hayoti va faoliyati

Muhammadjon Xoliqiy 1890-yilda Qo‘qonda tug‘ilgan. Dastlab Qo‘qon madrasalaridan birida tahsil olgan, so‘ngra Buxoro madrasasida o‘qishni davom ettirgan. Buxoroda jadidchilik g‘oyalari bilan tanishgan, mashhur jadidchilar bilan yuzma-yuz suhbat qurgan. 1910-yil oʻz uyida yangi usul maktabini ochgan va bolalarni oʻqitgan. Shoir Charxiy shu maktabda oʻqigan. 1913-yildan jadid matbuotida ilm-maʼrifatga doir maqolalarini eʼlon qilgan. „Turkiy alifbo“ darsligi (1916), „Jumhuriyat nima?“ (1917) risolasi muallifi.

1917-yil Qoʻqondagi „Taʼlimi maorif“ („Maorif tarqatish“) jadidlar tashkilotida sarkotib boʻlgan. 1917—1926-yillarda Qoʻqondagi dorilmuallimin (1920-yildan taʼlim-tarbiya texnikumi)da husnixat, ona tili va adabiyotdan dars bergan. Dorilmualliminda yozuvchi Abdulla Qahhor, akademiklar T. Zohidov, J. Saidov oʻqigan. 1918—1928-yillarda Qoʻqondagi 11-maktabda oʻqituvchi boʻlgan. 1929—1930-yillarda va 1937-yildan millatchilikda ayblanib, hibsda boʻlgan. Turmada vafot etgan.