Zakariyo bin Duluvviyya
Zakariyo bin Duluvviyya (vaf. 294 h.q./907 m.) – “Nasoyim ul-muhabbat”da tilga olingan tasavvuf shayxi. Kunyasi – Abu Yahyo. Nishopur tasavvuf maktabi namoyandalaridan. Ahmad Harbning shogirdi. Tavakkul va zuhdda beqiyos boʻlib, kasbi orqasidan kun kechirgan. Uning hayot yoʻli va maslagini Abu Usmon Hiriy yuksak baholagan. Alisher Navoiy “Nasoyim ul-muhabbat”ga “Nafahot ul-uns”dan ushbu shayx bilan bogʻliq bobni aynan kiritgan[1][2][3].