Andrey Shipilov (Murabbiy)

Andrey Shipilov
Shaxsiy maʼlumot
Toʻliq ismi	Andrey Sergeevich Shipilov
Tavallud sanasi	23-mart 1971-yil (53 yosh)
Tavallud joyi	Toshkent,; Oʻzbekiston SSR
Boʻyi	183 cm (6 ft 0 in)
Ampluasi	Himoyachi
Professional faoliyati*
Yillar	Jamoa
1990—1991	Sverdlovets
1992	Traktor
1992	Chirchiq
1993	Navroʻz
1994	Guliston
1994	Torpedo (Vladimir)
1994—1996	Nosta
1997—2000	Andijon
2001	Navbahor
2001—2002	Andijon
2003	Vidnoe
2003	Doʻstlik
Boshqargan klublari
2014—2017	Paxtakor
2018—2022	Metallurg
2022	Dinamo Samarqand
	*Professional klublardagi gollari (ichki chempionat)

Andrey Sergeyevich Shipilov (1971-yil 23-martda tugʻilgan) – oʻzbekistonlik va rossiyalik sobiq futbolchi, himoyachi va yarim himoyachi ampulasida oʻynagan. Futbolchilik faoliyatini yakunlaganidan soʻng bir qator jamoalarda murabbiylik qilgan.

Futbolchilik faoliyati

Faoliyatini 1990-yilda Toshkent viloyatining „Sverdlovets“ klubida boshlagan. 1992-yilda Toshkentning „Traktor“ va „Chirchiq“ jamoalarida, 1993-yilda Andijonning „Navroʻz“ jamoasida oʻynagan. 1994-yilda u „Torpedo Vladimir“ klubida oʻynagan boʻlsa, oʻsha yili Rossiyaning boshqa bir jamoasi „Nosta Novotroitsk“ klubiga koʻchib oʻtgan va 1996-yilgacha shu klubda oʻynagan. 1997-yildan 1999-yilgacha „Andijon“ jamoasi safida toʻp surgan.

2001-yilda Andrey qisqa muddat Namanganning „Navbahor“ jamoasida oʻynagan va keyingi ikki mavsumni yana Andijonda oʻtkazgan. 2003-yilda Rossiyaning „Vidnoye“ klubida oʻynagan, keyinroq Toshkent viloyatining „Doʻstlik“ klubiga koʻchib oʻtgan va futbolchilik faoliyatini shu yerda yakunlagan.

Futbolchi sifatidagi faoliyatini yakunlagach, murabbiylik faoliyatini boshlagan. 2017-yilning oʻrtalariga qadar Toshkentning „Paxtakor“ klubi murabbiylar shtabida ishlagan. 2018—2022-yillarda Bekobodning „Metallurg“ klubida bosh murabbiy boʻlib ishlagan.

Yana qarang

Andrey Shipilov (futbolchi)

Manbalar

Havolalar