Ashikaga (Tochigi)

Ashikaga
Ashikaga; 足利市
	Shahar
	; Bayroq ; Gerb
	36°20′24.6″N 139°26′59.0″E / 36.340167°N 139.449722°E
Mamlakat	Yaponiya
{{{mintaqa_turi}}}	Kanto viloyati
Asos solingan	1-aprel 1889-yil
Maydon	177.76 km2 (68.63 kv mi)
Iqlim turi	nam kontinental iqlim
Rasmiy til(lar)i	yapon
Aholisi (2020-yil avgust)	143 653
Zichligi	810 kishi/km2
Vaqt mintaqasi	UTC+9:00
Telefon kodi	0284-20-2222
	Ashikaga

Ashikaga (yaponcha: 足利市 Ashikaga-shi^?) Yaponiyaning Tochigi prefekturasida joylashgan shahardir. 2020-yil 1-avgust holatiga koʻra, aholi soni 143.653 kishini tashkil etgan va shahar 62.123 ta xonadondan iborat boʻlib^[1], aholi zichligi har kvadrat kilometrga 810 nafarni tashkil qilgan. Shaharning umumiy maydoni 177,76 kvadrat kilometr (68,63 mi²).

Geografiyasi

Ashikaga shimoliy Kanto tekisligida, Tochigi prefekturasining uzoq janubi-gʻarbiy burchagida joylashgan boʻlib, shimolda, gʻarbda va janubda Gunma prefekturasi bilan chegaradosh. Shahar markazidan Vatarase daryosi oqib oʻtadi. U poytaxt Tokiodan taxminan 80 km shimolda joylashgan.

Atrofdagi munitsipalitetlar

Tochigi prefekturasi

Sano

Gunma prefekturasi

Iqlimi

Ashikaga nam kontinental iqlimga ega (Köppen Cfa) boʻlib, issiq yoz fasli bilan ajralib turadi. Ashikagadagi oʻrtacha yillik harorat 14,2 °C ni tashkil etadi. Yillik oʻrtacha yogʻin miqdori 1280 mm boʻlib, sentyabr esa eng seryogʻin oy hisoblanadi. Avgustda eng yuqori harorat 26,4 °C, eng past harorati esa yanvarda, 2,9 °C atrofida boʻlishi kuzatilgan^[2].

Demografiyasi

Yaponiya aholini roʻyxatga olish maʼlumotlariga koʻra^[3], Ashikaga aholisi soni soʻnggi 30 yil ichida kamaygan.

Aholining oʻsishi
Yil	Aholi	±%
1960	146,209	—
1970	156,004	+6.7%
1980	165,756	+6.3%
1990	167,686	+1.2%
2000	163,14	−2.7%
2010	154,462	−5.3%
2020	144,746	−6.3%

Tarixi

Heian davrida Ashikaga Minamoto no Yoshikuni tomonidan barpo etilgan boʻlib, uning avlodlari keyinchalik Ashikaga merosxoʻrlariga aylandi. Bu hudud oʻzining akademiyasi Ashikaga Gakko sababli ham ayni shu davrdan eʼtiborga olingan. Edo davrida, Tokugava syogunati ostida Ashikaga domeni markazi vazifasini bajargan. Meiji restavratsiyasidan soʻng, Ashikaga tumanidagi Ashikaga shahri, 1889-yil 1-aprelda zamonaviy munitsipalitetlar tizimini yaratish bilan Tochigi prefekturasi tarkibida tashkil etildi. 1921-yil 1-yanvarda u shahar maqomiga koʻtarildi. Ashikaga 1951-yil 3-martda qoʻshni Keno qishlogʻini va 1953-yil 1-aprelda Yamabe shahrini oʻziga qoʻshib oldi. Buning ortidan 1954-yil 1-avgustda Mie va Yamamae qishloqlari, 1954-yil 1-noyabrda Kitago va Nagusa qishloqlari ham shahr tarkibiga kiritildi. 1959-yil 1-aprelda Ashikaga Tomita qishlogʻini hamda 1960-yil 1-iyulda Yabagava qishlogʻining shimoliy yarmini ham oʻzlashtirib oldi. 1962-yil 1-oktabrda Ashikaga Mikuriya va Sakanishi shaharlarini qoʻshib oldi. Ashikaga tumani ushbu yakuniy birlashishlardan soʻng tarqatib yuborildi.

Hukumat

Ashikaga toʻgʻridan-toʻgʻri saylanadigan mer va 24 aʼzodan iborat bir palatali shahar qonun chiqaruvchi organi boʻlgan mer-kengash boshqaruv shakliga ega. Ashikaga shahrida Tochigi prefekturasi assambleyasiga toʻrtta aʼzodan qoʻshish huquqi mavjud. Milliy siyosat nuqtai nazaridan, shahar Yaponiya Diet quyi palatasining Tochigi 5-okrugi tarkibiga kiradi.

Iqtisodiyoti

Ashikaga uzoq vaqtdan beri oʻzining toʻqimachilik sanoati bilan mashhur boʻlib kelgan, ammo soʻnggi yillarda u alyuminiy va turli metalllardan mashina qismlarini ishlab chiqaradigan sanoat va tijorat shahri sifatida ham tanilgan. Qishloq xoʻjaligi sohasida Ashikaga shaharda yetishtiriladigan pomidorlari bilan mashhur.

Taʼlim tizimi

Ashikagada shahar hukumati tomonidan boshqariladigan 22 davlat boshlangʻich maktabi va 11 davlat oʻrta maktabi hamda Tochigi prefekturasi taʼlim kengashi tomonidan boshqariladigan beshta davlat oʻrta maktabi faoliyat yuritadi. Shuningdek, uchta xususiy oʻrta maktab va bitta xususiy oʻrta maktab mavjud. Prefekturada nogironlar uchun ikkita maxsus taʼlim maktabi ham bunyod etilgan. Shaharda Ashikaga texnologiya institutining kompusi joylashgan. Shu bilan birgalikda, Ashikaga kolleji ham faoliyat yuritadi

Transport

Temir yoʻl

JR Sharqiy liniyasi — Ryomo liniyasi

Tomita — Ashikaga — Yamamae — Omata

Tobu temir yoʻli — Tobu Isesaki liniyasi

Agata — Fukui — Tōbu-Izumi — Ashikagashi — Yashū-Yamabe

Magistral yoʻl

Kita-Kantō tezkor yoʻnalish — Ashikaga almashinuvi — Izuruhara avtoturargoh
Milliy yoʻnalish 50
Milliy yoʻnalish 293
Milliy yoʻnalish 407

Mahalliy diqqatga sazovor joylar

Ashikaga Gakkō (足利学校): Yaponiyadagi eng qadimgi maktab deb ataladi.
Ashikaga gul bogʻi (足利ラワーパーク): Yaponiyadagi eng qadimgi va eng katta glitsiniya .
Orihime ziyoratgohi (織姫神社): Ushbu ziyoratgoh 1879-yilda toʻqimachilik shahri Ashikaga qoʻriqchilari tomonidan qurilgan.
Banna-ji maʼbadi (鑁阿寺): Ashikaga urugʻi bilan aloqasi bilan mashhur boʻlgan ibodatxona.
Kurita muzeyi (栗田美術館): Ushbu muzeyda Imari va Nabeshima chinni buyumlari toʻplami mavjud.
Avgust oyining birinchi shanba kuni boʻlib oʻtadigan Vatarase daryosi boʻyida boʻladigan festivallar namoyishi Kanto hududidagi minglab odamlarni oʻziga jalb qiladi.
Vatarasebashi yodgorligi: 2007-yilda Chisato Moritakaning 1993-yildagi „Vatarasebashi“ qoʻshigʻi sharafiga Vatarase koʻprigi yaqinida oʻrnatilgan stela. Stelada qoʻshiqning bir qismini ijro etuvchi karnay ramzi ham bor^[4].
Coco Farm & Winery, shahar chetidagi togʻ etaklarida joylashgan. Taxminan 1950-yilda tashkil etilgan uzumzorlar alohida ehtiyojli katta yoshdagilar va jamoada yashovchi xodimlar tomonidan parvarish qilinadi. Noyabr oyining uchinchi dam olish kunlarida jonli musiqa va sharob tatib koʻrish bilan hosil festivali oʻtkaziladi. Har yili minglab mehmonlar bu festivalgatashrif buyurishadi .

Qardosh shahar munosabatlari

Taniqli odamlar

Mitsuo Aida, shoir va xattot
George Akiyama, manga rassomi
Masao Urino, qoʻshiq muallifi, rejissyor
Yumiko Hara, marafon yuguruvchisi
Noriyo Tateno, professional kurashchi
Atsushi Abe, dublyaj aktyori
Chiaki Ishii, braziliyalik yapon dzyudochi
Toshimitsu Motegi, siyosatchi va Yaponiya hukumati vaziri

Galereya

Ashikaga shahridagi gullar bogʻi

Ashikaga shahridagi Orihime ziyoratgohining panoramik koʻrinishi

Yana qarang

Asteroid 9887 Ashikaga, shahar nomi bilan atalgan

Manbalar

↑ „Ashikaga CIty official statistics“ (ja).
↑ Ashikaga climate data
↑ Ashikaga population statistics
↑ „森高千里　『渡良瀬橋』MVの高画質映像を発掘公開“. News Post Seven (2017-yil 14-iyul). Qaraldi: 2020-yil 6-aprel.
↑ ^5,0 ^5,1 ^5,2 [1] (Wayback Machine saytida 2016-03-06 sanasida arxivlangan) Ashikaga City official home page

Havolalar

Rasmiy veb -sayt (yaponcha)

[Ashikaga-hp-1] „Ashikaga CIty official statistics“ (ja).

[2] Ashikaga climate data

[3] Ashikaga population statistics

[4] „森高千里　『渡良瀬橋』MVの高画質映像を発掘公開“. News Post Seven (2017-yil 14-iyul). Qaraldi: 2020-yil 6-aprel.

[Ashigaka-5] 5,0 ^5,1 ^5,2 [1] (Wayback Machine saytida 2016-03-06 sanasida arxivlangan) Ashikaga City official home page

[1]

[2]

[3]

[4]

[5]

k m t Tochigi Prefekturasi
Utsunomiya (poytaxt)
Asosiy shahar	Utsunomiya	Flag of Tochigi Prefecture
Shaharlar	Ashikaga Kanuma Mooka Nasukarasuyama Nasushiobara Nikkō Ōtavara Oyama Sakura Sano Shimotsuke Tochigi Yaita
Tumanlar	Haga tumani Haga Ichikai Mashiko Motegi Kavachi tumani Kaminokava Nasu tumani Nakagava Nasu Shimotsuga tumani Mibu Nogi Shioya tumani Shioya Takanezava
Tochigi prefekturasidagi birlashishlar roʻyxati