Gulchehra Eshonqulova
| Gulchehra Eshonqulova | |
|---|---|
 | |
| Tavalludi |
20-iyun 1981-yil |
| Kasbi | aktrisa |
| Filmlari | „Fotima va Zuhra“, „Shabnam“, „Panoh“, „Ishq va anduh“ |
| Faoliyat yillari | 2005—hozirgi kungacha |
| Turmush oʻrtogʻi | Sharof Sharopov |
| Bolalari | 2 |
Gulchehra Eshonqulova – oʻzbekistonlik teatr va kino aktrisasi[1]. „Fotima va Zuhra“ (2005), „Panoh“ (2007) va „Shabnam“ (2008) kabi filmlardagi rollari orqali mashhurlikka erishgan.
Hayoti
[tahrir | manbasini tahrirlash]Gulchehra Eshonqulova 1981-yil 20-iyunda Tojikistonning Dushanbe shahrida tugʻilgan[2]. Oilda toʻngʻich farzand boʻlib, bitta singlisi va bitta ukasi bor. Gulchehraning yoshligi Qashqadaryo viloyatidagi Shahrisabz shahrida oʻtgan. U yoshligida boshlovchi boʻlishga qiziqqan. Shu sababli, oʻrta maktabni tugatganidan soʻng, ushbu sohada oʻqish uchun Toshkent shahriga kelib, Toshkent sanʼat institutiga oʻqishga topshirgan[3]. Ammo baʼzi bir sabablarga koʻra imtihonlar tugamasidan uyga qaytishga majbur boʻlgan. Gulchehra keyingi yil xuddi shu oliygohning aktyorlik yoʻnalishiga oʻqishga kirib, muvaffaqqiyatli tamomlagan. 2015-yilda esa Istanbul universitetining radio, TV va kino fakultetining aspiranturasiga o‘qishga kirgan[4].
Faoliyati
[tahrir | manbasini tahrirlash]Gulchehra Eshonqulova filmlardagi faoliyatini 2005-yilda Bahrom Yoqubov tomonidan suratga olingan „Fotima va Zuhra“ filmida Fotima rolini oʻynash orqali boshlagan[5]. 2007-yilda esa „Panoh“ filmida suratga tushgan. Gulchehra 2008-yilda „Armon“, „Feride“, „Shabnam“, 2009-yilda esa „Janob hech kim“, „Ada emas dada“, „Soʻngi lahza“ va „Keragimsan“ filmlarida turli xil darajadagi rollarni ijro etgan. 2010—2014-yillar oraligʻida esa „Qabrdan qaytgan umr“, „Qasos“ va „Faryod 2 (Merosxoʻr)“ filmlarida rol oʻynagan[5].
Aktrisa „Yoshlar“ telekanalining buyurtmasi asosida O‘zbektelefilm kinostudiyasi tomonidan suratga olingan „Mehmonxona“ serialida ham suratga tushgan[6]. Rejissyor Akrom Isakov tomonidan suratga olingan ushbu serialda Gulchehra Eshonqulova bilan bir qatorda Yoqub Ahmedov, Bobur Yoʻldoshev, Gavhar Zokirova, Adiz Rajabov, Raʼno Shodiyeva, Shodiya Toʻxtayeva, Shaxzoda Matchanova, Erkin Komilov, Tohir Saidov, Xayrulla Saʼdiyev va Anvar Kartayev singari aktyor va aktrisalar rol ijro etgan[7]. 20 qismdan iborat boʻlgan ushbu teleserial 2015-yilda namoyish etilgan[8].
Gulchehra Eshonqulova 9 yillik tanaffusdan soʻng, 2024-yilda premyerasi boʻlib oʻtgan „Ishq va anduh“ filmida koʻrinish berdi[9]. Ushbu filmda u Umid Iskandarov (Ibrat rolida) bilan birgalikda bosh rollardan biri hisoblangan Nilufar obrazini gavdalantirdi[10]. Film 2024-yilgi Oltin humo mukofotiga nomzod sifatida koʻrsatildi. Afisha.uz sayti maʼlumotlariga koʻra bu uning soʻngi rollaridan biri edi[11].
Shaxsiy hayoti
[tahrir | manbasini tahrirlash]Gulchehra Eshonqulova 2015-yilda Sharof Sharopov bilan turmush qurgan[12]. Ularning Amirbek ismli oʻgʻil va Sumayya ismli qiz farzandlari bor. Turmush oʻrtogʻining oʻzidan 13 yosh kichikligi ijtimoiy tarmoqlarda juda koʻp muhokama qilingan. Ushbu tanqidlarga javob sifatida Gulchehra instagram sahifasida quyidagicha izoh qoldirgan[13]:
„Bu taqdir, shuning uchun menga har xil izohlarni yozmanglar. 13 yosh kichkinaga tegdingiz, demanglar. Bu narsaga olti yil bo‘ldi. Biz ikki farzandning ota-onasi bo‘ldik, baxtli yashayapmiz. Bu narsani hadeb yozaverishdan charchamadinglarmi? Charchamagan bo‘lsanglar, yozaveringlar. Biz uchun bu kulgili.“
Gulchehra Eshonqulova hamda uning oilasi hozirgi kunda Amerika Qoʻshma Shtatlarining Nyu-York shahrida yashaydi[14].
Filmografiyasi
[tahrir | manbasini tahrirlash]| Yil | Film | Rol |
|---|---|---|
| 2005-yil | Fotima va Zuhra | Fotima |
| 2007-yil | Panoh | |
| 2008-yil | Armon | Aziza |
| Feride | Nargiz | |
| Shabnam | Shabnam | |
| 2009-yil | Janob hech kim | |
| Ada emas dada | ||
| Soʻngi lahza | Sevara | |
| Keragimsan | ||
| 2010-yil | Qabrdan qaytgan umr | |
| 2011-yil | Qasos | Nazora |
| 2014-yil | Faryod 2 (Merosxoʻr) | |
| 2015-yil | Mehmonxona | |
| 2024-yil | Ishq va anduh | Nilufar |
Manbalar
[tahrir | manbasini tahrirlash]- ↑ „Aktrisa Gulchehra Eshonqulova turk filmlarida suratga tushish orzusi va oilasi uchun karyerasidan voz kechgani haqida gapirdi“. www.daryo.uz. Qaraldi: 6-dekabr 2024-yil.
- ↑ „О Гульчексре Эшанкуловой, семье, инстаграм, фото“ (ru). www.savol-javob.com. Qaraldi: 6-dekabr 2024-yil.
- ↑ „Gulchexra Eshonqulova Biografiyasi“. www.nozim-studio.com. Qaraldi: 6-dekabr 2024-yil.
- ↑ „Aktrisa Gulchehra Eshonqulova turk filmlarida suratga tushish orzusi va oilasi uchun karyerasidan voz kechgani haqida gapirdi“. www.daryo.uz. Qaraldi: 6-dekabr 2024-yil.
- ↑ 5,0 5,1 „Гульчехра Ишанкулова“ (ru). www.kino-teatr.ru. Qaraldi: 6-dekabr 2024-yil.
- ↑ „O‘zbek kinoyulduzlarini birlashtirgan “Mehmonxona” seriali suratga olinmoqda (foto)“. www.daryo.uz. Qaraldi: 6-dekabr 2024-yil.
- ↑ „Гостиница (2015)“ (ru). www.kino-teatr.ru. Qaraldi: 6-dekabr 2024-yil.
- ↑ „O‘zbek kinoyulduzlari ishtirokidagi “Mehmonxona” seriali iyun oyidan boshlab efirga uzatiladi“. www.daryo.uz. Qaraldi: 6-dekabr 2024-yil.
- ↑ „Ishq va Anduh (O`zbekiston)“. www.afisha.uz. Qaraldi: 6-dekabr 2024-yil.
- ↑ „"Qari qiz", "Pandemiya", "Uch qahramon": "Oltin Humo" mukofoti uchun nomzod filmlar e'lon qilindi“. www.afisha.uz. Qaraldi: 6-dekabr 2024-yil.
- ↑ „"Ishq va anduh" filmining premyerasi boʻlib oʻtdi“. www.afisha.uz. Qaraldi: 6-dekabr 2024-yil.
- ↑ „Gulchehra Eshonqulova (Sharapova) Istanbul Universitetining til markazini tamomladi“. www.kun.uz. Qaraldi: 6-dekabr 2024-yil.
- ↑ „Gulchehra Eshonqulova ilk marta AQShga ketishi sababi, turmush o‘rtog‘idan 13 yosh kattaligi haqidagi gaplardan charchagani haqida gapirdi (video)“. www.daryo.uz. Qaraldi: 6-dekabr 2024-yil.
- ↑ „AQShga ko‘chib ketgan o‘zbekistonlik mashhurlar (foto)“. www.daryo.uz. Qaraldi: 6-dekabr 2024-yil.