Halima Ibragimova
| Halima Ibragimova | |
|---|---|
| Tavalludi |
Ibragimova Halima Ubaydullayevna 27-oktyabr 1979-yil |
| Vafoti |
7-dekabr 2024-yil (45 yoshda) |
| Fuqaroligi |
 OʻzSSR →  Oʻzbekiston |
| Taʼlimi | Toshkent davlat madaniyat instituti |
| Kasbi | Akrtisa va soʻz ustasi |
| Turmush oʻrtogʻi |
Jalol Mirzayev (turm. 2007) |
| Bolalari | 2 |
| Otasi | Ubaydulla Ibragimov |
| Onasi | Munira Ibragimova |
Halima Ibragimova (1979-yil 27-oktabr, Toshkent, OʻzSSR – 2024-yil 7-dekabr, Toshkent, Oʻzbekiston) – oʻzbekistonlik aktrisa, soʻz ustasi va shoumen[1][2]. U asosan komediya janridagi rollari bilan tomoshabinlarga tanilgan.
Hayoti
[tahrir | manbasini tahrirlash]Ibragimova Halima Ubaydullayevna 1979-yil 27-oktabrda Toshkent shahrida tugʻilgan[3][4]. Uning otasi Ubaydulla Ibragimov, avvaliga qurilishda oddiy ishchi, keyin 7-avtokorxonada bosh muhandis boʻlib ishlagan. Onasi Munira Ibragimova esa uy bekasi boʻlgan[5]. Ularning toʻrt nafar qizlari boʻlib, Halima ularning uchinchisi boʻlgan. Halima avvaliga sanʼatga emas, aksincha prokurorlikka qiziqqan. 3 marta huquqshunoslik kollejiga hujjat topshirib kirolmagan. Otasi 42 yoshda yurak xurujidan vafot etgan[6]. Halima bu paytda 16 yoshda boʻlgan va otasining vafotidan soʻng „Farhod“ bozorida 7 yil mobaynida ishlagan[7]. 20 (yoki 22[7]) yoshligida onasi ham yurak xurujidan vafot etgan[6]. Shukrullo Isroilov bilan tanishib qolgach, uning „Boʻgʻirsoq-shou“ loyihasida ishtirok etgan. Keyinchalilk Toshkent davlat madaniyat institutida tahsil olgan[7][8].
Uning ijodiy faoliyati ilk bor 2006-yilda „Anora“ filmidagi kichik roli bilan boshlangan. U koʻp yillar mobaynida Mirzabek Xolmedovning teatr-studiyasida faoliyati yuritgan.
2016-yilda Sayyod.com tomonidan ijtimoiy tarmoqlar orqali oʻtkazilgan „Nokamtarlar xit-paradi“ nomli soʻrovnomada 11-oʻrinni egallangan[9]. 2019-yilda Oʻzbekkonsert tomonidan „ijtimoiy tarmoqdagi uyatsiz gaplari, litsenziya talablarini buzganliklari“ sabab uning litsenziyasi tugatilgan[10][11] va u oʻz aybini tushunganini tan olib, ommadan uzr soʻragan[12]. Bir qancha vaqtdan soʻng uning litsenziyasi qaytarilgan[13].
Halima Ibragimova 2024-yil 7-dekabr kuni 45 yoshida sogʻligʻidagi muammolar sabab vafot etgan[14][15][16][17].
Shaxsiy hayoti
[tahrir | manbasini tahrirlash]2007-yil Halima Ibragimova oʻzidan 7 yosh kichik boʻlgan Jalol Mirzayev bilan turmush qurgan[18]. Turmush qurgan vaqtda Halima 28 yoshda, Jalol Mirzayev esa 21 yoshda boʻlgan[7]. Ularning ikki nafar (bir oʻgʻil, bir qiz) farzandi bor[18].
Filmografiyasi
[tahrir | manbasini tahrirlash]| Yil | Nomi | Obraz | Izoh |
|---|---|---|---|
| 2004 | Qiziljarlik Eshmat | ||
| 2006 | Anora | Epizod | |
| Yoʻl boʻlsin | |||
| 2007 | Niqob | sotuvchi | |
| 2008 | Havfli burulish | sotuvchi | |
| Xum asirasi | Boyxonim, ayol jin | Bosh rol | |
| Tashlandiq | |||
| 2009 | Janob hech kim | Nozikbonu | Epizod |
| 2011 | Hi Fi bolakay | ||
| 2015 | Kutilmagan mehmon |
Manbalar
[tahrir | manbasini tahrirlash]- ↑ „Halima Ibragimova“. kinopoisk.ru. Qaraldi: 7-dekabr 2024-yil.
- ↑ „“Qora bozor” sabab qochoqqa aylangan, Ozoda Nursaidova bilan arazlashgan va o‘ldiga chiqarilgan Halima Ibragimova 44 yoshda (foto, video)“. Daryo.uz. Qaraldi: 7-dekabr 2024-yil.
- ↑ Daryo.uz. „Instagram: Halima Ibragimovaga yaqinlarining sovg‘asi, ustidan pul sochilgan Kaniza, 110 ming dollarga mashina olgan klipmeyker“ (2021-yil 27-oktyabr). — „27-oktabr kuni komik aktrisa Halima Ibragimova tug‘ilgan kunini nishonlamoqda.“. Qaraldi: 2024-yil 7-dekabr.
- ↑ Daryo.uz. „Instagram: Davron Kabulov xonadonida bayram, Munisa Rizayeva mashinasini sotmoqda, Jasur Umirov ilk marta ota bo‘ladi“ (2023-yil 27-oktyabr). Qaraldi: 2024-yil 7-dekabr.
- ↑ Daryo.uz. „Oshpaz, avtobus haydovchisi va agronom. O‘zbekistonlik mashhurlarning ota-onalari qaysi sohada faoliyat yuritgan? (foto)“ (2022-yil 17-yanvar). Qaraldi: 2024-yil 7-dekabr.
- ↑ 6,0 6,1 Daryo.uz. „Ota-onasidan erta ayrilib, yetimlik azobini totgan o‘zbek shou-biznesi vakillari (video)“ (2022-yil 29-aprel). Qaraldi: 2024-yil 7-dekabr.
- ↑ 7,0 7,1 7,2 7,3 Daryo.uz. „“Qora bozor” sabab qochoqqa aylangan, Ozoda Nursaidova bilan arazlashgan va o‘ldiga chiqarilgan Halima Ibragimova 44 yoshda (foto, video)“ (2023-yil 28-oktyabr). Qaraldi: 2024-yil 7-dekabr.
- ↑ Daryo.uz. „Qiziqchi Shukrullo Isroilov Halimani ilk bor qayerda uchratganini ma’lum qildi“ (2015-yil 13-noyabr). Qaraldi: 2024-yil 7-dekabr.
- ↑ Daryo.uz. „O‘zbek shou-biznesidagi nokamtarlar reytingi e’lon qilindi“ (2016-yil 13-dekabr). Qaraldi: 2024-yil 7-dekabr.
- ↑ Daryo.uz. „“Bravo” va aktrisa Halimaxonning litsenziyalari tugatildi“ (2019-yil 26-fevral). Qaraldi: 2024-yil 7-dekabr.
- ↑ Kun.uz. „Rasman: «BRAVO» va Halimaning litsenziyasi bekor qilindi“ (2019-yil 26-fevral). Qaraldi: 2024-yil 7-dekabr.
- ↑ Kun.uz. „Halima Ibragimova va «Bravo» a'zosi Otabek Mirzaxolov o‘zbek xalqidan uzr so‘radi“ (2019-yil 26-fevral). Qaraldi: 2024-yil 7-dekabr.
- ↑ Kun.uz. „Jahongir Otajonov, Abdulla Qurbonov va yana ikki san'atkorning litsenziyasi qaytarib berildi“ (2019-yil 16-oktyabr). Qaraldi: 2024-yil 7-dekabr.
- ↑ Daryo.uz. „Aktrisa Halima Ibragimova 45 yoshida vafot etdi“ (2024-yil 7-dekabr). Qaraldi: 2024-yil 7-dekabr.
- ↑ Kun.uz. „Halima Ibragimova vafot etdi“ (2024-yil 7-dekabr). Qaraldi: 2024-yil 7-dekabr.
- ↑ „Умерла актриса Халима Ибрагимова“. Gazeta.uz. Qaraldi: 7-dekabr 2024-yil.
- ↑ „Ta’ziya“. t.me. Qaraldi: 7-dekabr 2024-yil.
- ↑ 18,0 18,1 Daryo.uz. „Eng hayajonli kun: o‘zbek shou-biznesi vakillarining nikoh oqshomidagi suratlari (foto)“ (2021-yil 6-dekabr). Qaraldi: 2024-yil 7-dekabr.