Husayn Rahimli
| Husayn Natig o'g'li Rahimli | |
|---|---|
 | |
| Shaxsiy maʼlumotlari | |
| Jinsi | Erkak |
| Tavallud paytidagi ismi | Hüseyn Natiq oğlu Rəhimli |
| Fuqaroligi |
 Ozarbayjon |
| Tavallud sanasi | 10-iyul 1995-yil |
| Sport | |
| Qaysi sport | dzyudo |
| Medallar | |
| “Vatanga xizmatlari uchun” ordeni | |
| Sport mukofotlari | ||
|---|---|---|
| Paralimpiya o‘yinlari | ||
| Oltin | Tokio 2020 | 81kg gacha |
| Jahon chempionati | ||
| Kumush | Odivelash 2018 | 81kg gacha |
| Bronza | Odivelash 2018 | jamoa |
| Yevropa chempionati | ||
| Bronza | Uolsoll 2017 | 81kg gacha |
| Bronza | Genuya 2019 | 81kg gacha |
| Oltin | Genuya 2019 | jamoa |
| Universiada | ||
| Bronza | Kvandju 2015 | 81kg gacha |
Husayn Natig o'g'li Rahimli ( ozarbayjoncha: Hüseyn Natiq oğlu Rəhimli, 1995-yil 10-iyulda tug‘ilgan ) — ozarbayjonlik dzyudochi, Tokioda bo‘lib o‘tgan 2020-yilgi yozgi Paralimpiya o‘yinlari g‘olibi, 2018-yilda ko‘zi ojizlar va zaif ko‘ruvchilar o‘rtasidagi jahon chempionatining kumush medali sovrindori, 2015-yilgi yozgi Universiadaning bronza medali sovrindori, 2017—2019-yillarda ko‘zi ojizlar va zaif ko‘ruvchilar o‘rtasida Yevropa chempionatlari, ko‘zi ojizlar va zaif ko‘ruvchilar o‘rtasida Toshkent Gran-prisi (2019), Bokuda ko‘zi ojizlar va zaif ko‘ruvchilar o‘rtasida o‘tkazilgan “Katta dubulg‘a” turnirining kumush medali sovrindori (2019) hisoblanadi.
Tarjimai hol
[tahrir | manbasini tahrirlash]Husayn Rahimli 1995-yil 10-iyulda tug‘ilgan. 2011-yili Trabzonda o‘tkazilgan Yevropa o‘smirlar yozgi Olimpiya festivalida kumush medalni qo‘lga kiritdi. O'sha yili Kiyevda 17 yoshgacha bo'lgan yoshlar o'rtasidagi jahon chempionatida bronza medalini qo'lga kiritdi.
2013-yilda Rahimli 73 kilogrammgacha bo‘lgan vazn toifasida Tbilisidagi Jahon kubogi va Bokudagi "Katta dubulg‘a" turnirining bronza medali sovrindori bo‘ladi. Rahimli 2014-yilda Polshaning Vroslav shahrida o‘smirlar (23 yoshgacha) o‘rtasida o‘tkazilgan Yevropa chempionatida bronza medalini qo‘lga kiritdi.
2015-yilda u Kvanjuda bo‘lib o‘tgan yozgi Universiadaning bronza medali sovrindoriga aylanadi.
2017-yilda Uolsollda o‘tkazilgan ojizlar va zaif ko‘ruvchilar o‘rtasidagi dzyudo bo‘yicha Yevropa chempionatida uchinchi o‘rinni olishga erishadi. 2018-yilda Odivelash shahrida (Lissabon) ko‘zi ojizlar va zaif ko‘ruvchilar o‘rtasidagi jahon chempionatida ikkinchi o‘rinni egalladi[1]. Mazkur chempionatda Ozarbayjon erkaklar jamoasi tarkibida Abasli jamoaviy turnirning bronza medali sazovor bo‘ladi[2]. 2019-yilda Rahimli Toshkentdagi Gran-prining bronza, Bokudagi Gran-prining kumush medaliga ega bo‘lgach, joriy yilda u ko‘zi ojizlar va zaif ko‘ruvchilar o‘rtasidagi Yevropa chempionatida o‘z vazn toifasida (81 kg gacha) bronza medalini qo‘lga kiritadi[3], shuningdek, Ozarbayjon aralash jamoasi tarkibida Yevropa chempioni bo‘ladi[4].
2021-yilning may oyida Rahimli ko‘zi ojizlar va zaif ko‘ruvchilar o‘rtasidagi Boku Gran-prisining kumush medalini oladi va finalda o‘zbekistonlik Davurxon Karomatovga imkoniyatni boy berib qo‘yadi[5] .
2021-yili Tokiodagi Paralimpiya o‘yinlarida Husayn Rahimli chorak finalda britaniyalik Daniel Pauellni, yarim finalda janubiy koreyalik Jung-Min Lilar ustidan g‘alaba qozonadi. Finalda Rahimli o‘zbekistonlik Davurxon Karamatovni mag‘lub etib, debyut Paralimpiya o‘yinlarining oltin medalini qo‘lga kiritishga muvaffaq bo‘ladi[6][7] .
Ozarbayjon Respublikasi Prezidenti Ilhom Aliyevning 2021-yil 6-sentabrdagi farmoniga ko‘ra, Husayn Rahimli Tokio shahrida o‘tkazilgan XVI yozgi Paralimpiya o‘yinlarida erishgan yuksak yutuqlari va Ozarbayjon sportining rivojlanishiga qo‘shgan xizmatlari uchun “1-darajali Vatanga xizmatlari uchun” ordeni bilan taqdirlanadi[8].
Manbalar
[tahrir | manbasini tahrirlash]- ↑ „IBSA Judo World Championships full results“. 2022-yil 13-martda asl nusxadan arxivlangan. Qaraldi: 2022-yil 9-mart.
- ↑ „Ильхам Закиев и Зульфия Гусейнова помогли сборной завоевать медали на ЧМ“. azerisport.com (18 ноября 2018). Qaraldi: 2022-yil 10-mart.
- ↑ „Genova (Italie) Championnats d'Europe IBSA Seniors 2019“. 2021-yil 6-mayda asl nusxadan arxivlangan. Qaraldi: 2021-yil 29-avgust.
- ↑ „Паралимпийцы Азербайджана сильнейшие в Европе“. 2022-yil 13-mayda asl nusxadan arxivlangan. Qaraldi: 2022-yil 19-mart.
- ↑ „IBSA Judo Grand Prix Baku. Results“. 2021-yil 29-avgustda asl nusxadan arxivlangan. Qaraldi: 2021-yil 29-avgust.
- ↑ „Токио-2020. Азербайджанские паралимпийцы завоевали еще три золотые медали“. 2021-yil 29-avgustda asl nusxadan arxivlangan. Qaraldi: 2021-yil 29-avgust.
- ↑ „Azerbaijan win three golds on second day of judo at Tokyo 2020 Paralympics“. 2021-yil 28-avgustda asl nusxadan arxivlangan. Qaraldi: 2021-yil 29-avgust.
- ↑ „Распоряжение Президент Азербайджанской Республики o награждении членов Национальной паралимпийской команды Азербайджана“. president.az (6 сентября 2021). 2021-yil 6-sentyabrda asl nusxadan arxivlangan. Qaraldi: 2021-yil 6-sentyabr.
Havolalar
[tahrir | manbasini tahrirlash]- Husayn Rahimli — judoinside.com saytidagi profil