José María Méndez

José Méndez
Shaxsiy maʼlumot
Toʻliq ismi	José María Pazos Méndez
Tavallud sanasi	28-mart 1974-yil (50 yosh)
Tavallud joyi	Lugo, Galisiya Ispaniya
Boʻyi	174 cm (5 ft 8 1⁄2 in)
Ampluasi	Darvozabon
Laqabi	Pulpis
Klub maʼlumoti
Joriy klub	Tailand
Raqami	Bosh murabbiy
Professional faoliyati*
Yillar	Jamoa
.	Various Clubs
.	Lugo
Boshqargan klublari
1996—1998	Autos Lobellier
1998—2000	Melilla
2001—2002	Kafe Candelas Lugo
2002—2003	Mebel Kaloto
2003—2004	Valensiya Vixusa
2004	Orkan
2004—2006	Barsel Evro Puebla
2006—2007	Autos Lobelle
2008—2009	Tailand
2010	Vyetnam
2011—2012	Oʻzbekiston
2012—2014	Chonburi Bluewave
2014—2017	Oʻzbekiston
2016—2017	Ardus
2016—2017	Oʻzbekiston U18
2019—h. v.	Tailand
	*Professional klublardagi gollari (ichki chempionat)

José María Méndez, tahallusi Pulpis (talaffuzi: Xose Mariya Pasos Mendes, ispancha: José María Pazos Méndez; 1974-yil 28-mart^[1] Lugoda tugʻilgan) – ispaniyalik sobiq professional futzalchi, darvozabon sifatida oʻynagan. 1996-yilda beri futzal murabbiy, mutaxassis va futzal instruktori lavozimlarida ishlagan. José 2011—2012 va 2014—2017-yillarda futzal boʻyicha Oʻzbekiston terma jamoasi bosh murabbiylik faoliyati bilan tanilgan. 2019-yildan Tailan futzal terma jamoasida bosh murabbiy vazifasida ishlamoqda.

Biografiya va faoliyati

Xose Mariya Mendez 1974 -yil 28-martda Ispaniyaning Galisiya provinsiyasida joylashgan Lugo shahrida tugʻilgan. Yoshligida darvozabon sifatida futzal bilan shugʻullana boshlagan. Mendesning soʻzlariga koʻra, u futzalchi sifatida kuchli emas edi va shuning uchun faoliyatini 22 yoshida yakunlagan. Uning soʻzlariga koʻra, oʻsha yili uning klubida toʻsatdan bosh murabbiy ishdan boʻshatilib, unga boʻsh lavozim taklif qilingan. Shu tariqa Mendes murabbiylik faoliyatini boshlagan^[2]^[3].

2000-yillarning oʻrtalarigacha u turli ispan klublariga ustozlik qilgan. Bir muddat Xorvatiyada ishlagan. 2008-yili Ispaniya klublaridan birida murabbiylik qilayotgan vaqtida Tailand terma jamoasi uni bosh murabbiylikka taklif qiladi va shu tariqa Mendez bu jamoaga bosh murabbiy boʻladi. Oʻshandan beri u Osiyoda ishlaydi. Uning qoʻl ostida Tailand terma jamoasi oʻz tarixida birinchi marta Osiyo chempionati finaliga chiqgan va oʻz tarixida uchinchi marta 2008-yil Braziliyada boʻlib oʻtgan jahon chempionatida ishtirok etib, „B“ guruhida 4-oʻrinni egallagan. Bir muddat Vyetnam terma jamoasida ishlagan.

2011-yilda Oʻzbekiston terma jamoasidan taklif olib, ushbu jamoani boshqargan. U Oʻzbekistonda 2012-yil oxirigacha ishlagan va 2013-yildan Tailandning „Chonburi Blyuveyv“ klubida ish boshlagan. 2014-yilning aprel oyidan 2018-yilgacha^[4] Oʻzbekiston terma jamoasini boshqargan. Uning rahbarligida oʻzbekistonliklar 2014-yilgi Osiyo chempionatida bronza medallarini qoʻlga kiritgan, 2016-yilda Toshkentda boʻlib oʻtgan Osiyo chempionatida finalga qadar yetib borishgan hamda oʻz tarixlarida ilk bor 2016-yilgi Kolumbiya jahon chempionatiga yoʻllanmani qoʻlga kiritishgan^[5]^[3].

Yutuqlar

Osiyo chempionatining bronza medali sovrindori: 2014-yil
Osiyo chempionati finalchisi: 2008, 2016-yillar
Kubok egalari kubogi sohibi: 2006/07
Klublar oʻrtasidagi Osiyo chempionati gʻolibi: 2013-yil
Xorvatiya kubogi sohibi: 2003/04

Manbalar

↑ „Хосе Мария Мендезни табриклаймиз!“ (2016-yil 28-mart).
↑ „championat.asia: Хосе Мария Мендес: “Футзал футбол учун қабристон эмас”“. 2016-yil 24-iyunda asl nusxadan arxivlangan. Qaraldi: 2016-yil 21-may.
↑ ^3,0 ^3,1 „redpen.uz: Хосе Мария Пазос Мендес. Испанец в Ташкенте“. 2016-yil 27-martda asl nusxadan arxivlangan. Qaraldi: 2016-yil 21-may.
↑ „Хосе Мария Мендез Ўзбекистонни тарк этди“ (2017-yil 30-may).
↑ „Футзал. 2016 йил Тошкентда ўтган, мундиал йўлланмасини тақдим этган Осиё чемпионатини ёдга оламиз“ (2020-yil 20-may).

Havolalar

Futsalplanet.com saytidagi sahifa
redpen.uz: Xose Mariya Pazos Mendez. (Wayback Machine saytida 2016-03-27 sanasida arxivlangan)
Ispaniyalik murabbiy Toshkentda (Wayback Machine saytida 2016-03-27 sanasida arxivlangan)
championat.asia Xose Mariya Mendez: „Oʻzbekiston xalqi oʻz oʻgʻillari bilan faxrlanishi uchun bor kuchimizni ishga solamiz“

[1] „Хосе Мария Мендезни табриклаймиз!“ (2016-yil 28-mart).

[2] „championat.asia: Хосе Мария Мендес: “Футзал футбол учун қабристон эмас”“. 2016-yil 24-iyunda asl nusxadan arxivlangan. Qaraldi: 2016-yil 21-may.

[autogenerated1-3] 3,0 ^3,1 „redpen.uz: Хосе Мария Пазос Мендес. Испанец в Ташкенте“. 2016-yil 27-martda asl nusxadan arxivlangan. Qaraldi: 2016-yil 21-may.

[4] „Хосе Мария Мендез Ўзбекистонни тарк этди“ (2017-yil 30-may).

[5] „Футзал. 2016 йил Тошкентда ўтган, мундиал йўлланмасини тақдим этган Осиё чемпионатини ёдга оламиз“ (2020-yil 20-may).

[1]

[2]

[3]

[4]

[5]